“მის მკერდის“ გარშემო ისევ სკანდალია: ჟიურის წევრი გოგონების მკერდის საჯაროდ გაზომვას ითხოვს

“მის მკერდის“ გარშემო ისევ სკანდალია: ჟიურის წევრი გოგონების მკერდის საჯაროდ გაზომვას ითხოვს

გუშინ საქართველომ კიდევ ერთი „მის მკერდის“ ტიტულის მფლობელი გოგონა გამოავლინა. კონკურსის გამარჯვებული 31 წლის სოფი ახალაძე გახდა. საუკეთესო მკერდის მქონე გოგონებს 13 კაციანი ჟიური არჩევდა, რომლის წევრებიც ცნობილი ადამიანები იყვნენ. ჟიურის იულია მარგუნოვა ხელმძღვანელობდა. მისმა გადაწყვეტილებამ გიორგი მასხულიას გაღიზიანება გამოიწვია, რომელმაც ერთ-ერთ კონკურსანტთან, თამთა ჯობავასთან ერთად სიგელი სახალხოდ დაწვა და გვირგვინი გადააგდო. რა გახდა, მასხულიას გაღიზიანების მიზეზი, ამის შესახებ, ის „მიუზიკ ბოქსს“ ესაუბრა.

– გიორგი, რამ გაგაღიზიანათ კონკურსზე?

– გამაღიზიანა ჟიურის გადაწყვეტილებამ, რომელიც არ იყო სამართლიანი. „მის მკერდის“ ტიტული გადაეცა გოგონას, რომელსაც 1.5 ზომა აქვს მკერდი. თამთა ჯობავა, რომლის მკერდის ზომაც არის 4 მეორე ადგილზე გავიდა. ამიტომ მე და თამთამ დავწვით სიგელი, გვირგვინი ძირს დავაგდეთ და დაცვის თანხლებით დავტოვეთ დარბაზი. ამ კონკურსის გამარჯვებული უნდა გახდეს გოგონა, რომელსაც დიდი მკერდი აქვს და არა გრძელი ფეხები, თუმცა გუშინ საპირისპირო მოხდა.

– არ მოგწონთ გრძელფეხება სოფი ახალაძე?

– ძალიან კარგი გოგოა სოფი ახალაძე და მე მასთან, როგორც მოდელთან სიამოვნებით ვითანამშრომლებ, მაგრამ „მის მკერდის“ ტიტული ნამდვილად არ ეკუთვნოდა. აუცილებლად ვაპირებთ ამის გასაჩივრებას, მოვითხოვ საჯაროდ გაიზომოს გოგონების მკერდი და პირობას ვდებ, სოფი ახალაძეს 1.5-ზე მეტი ზომის მკერდი არ ექნება.

– რითი გაზომავთ მკერდს და სად აპირებთ ამის განხორციელებას?

– მკერდს გავზომავთ რომელიმე გადაცემაში. სპეციალური საზომი არსებობს და ამ საზომით გაიზომება გოგონების მკერდი.

„მიუზიკ ბოქსი“ „მის მკერდის“ კონკურსის ორგანიზატორს ნინო ადამაშვილს დაუკავშირდა.

ნინო ადამაშვილი:  კონკურსის ფორმატიდან გამომდინარე, ყველა ქვეყანაში ისეთი გოგო იმარჯვებს, ვისაც დიდი და ლამაზი მკერდი აქვს. ჟიურიმ მიიღო ასეთი გადაწყვეტილება, სადაც იჯდა თავად გიორგი მასხულია. სოფი ახალაძე ისეთი ლამაზია, „მის მსოფლიოზეც“ კი გაუშვებ მას. უნაკლო გოგონაა. რაც შეეხება თამთა ჯობავას, ვფიქრობ ის ნორმალურ ადგილზე გავიდა. ყველაზე მეტად გული დამწყდა ნათია მოსულიშვილზე, რომელსაც 5 ზომა მკერდი აქვს და სამეულშიც კი ვერ მოხვდა ეს გოგონა. ალბათ ჩემი ბრალია ჟიურის ასეთი გადაწყვეტილება, რადგან სათითაოდ არ ავუხსენი მათ, აქცენტი მკერდზე გაეკეთებინათ. ამის მიუხედავად, მაინც არ ვაპროტესტებ სოფი ახალაძის გამარჯვებას, რადგან ულამაზესი გოგონაა.

– გიორგი მასხულია მოითხოვს, საჯაროდ გაიზომოს გოგონების მკერდი, თქვენ როგორც ორგანიზატორი თანახმა ხართ ამაზე?

–  მე ვარ კონკურსის ორგანიზატორი და მე გადავწყვეტ რა მოხდება. საერთოდ არაა საჭირო მკერდის ზომების გადასინჯვა. თუ გაჩნდებოდა ეჭვი, რომ რომელიმე კონკურსანტს სილიკონიანი მკერდი აქვს, მაშინ პლასტიკურ ქირურგთან წავიდოდით, მაგრამ ყველა გოგონას ბუნებრივი მკერდი აქვს და ჟიურიმ როგორც ჩათვალა საჭიროდ ის გადაწყვეტილება მიიღო.

– რა პრიზები გადაეცემათ გამარჯვებულებს?

– გამარჯვებულებს გადაეცემათ ერთკვირიანი მოგზაურობა საზღვარგარეთ, ასევე ყველა კონკურსანტს გადაეცა საგზური ბათუმში. „ბი დი სი“ აკადემიამ გამარჯვებულისთვის დააწესა ერთწლიანი ინგლისურის უფასო სწავლება და ლალი მოროშკინას სამთვიანი კურსი პიარში.

საკვანძო სიტყვები

TOP სიახლეები

ანუკი არეშიძის ახალი კოლექცია და ფასები – კაბები 1160 დოლარად ერთ-ერთ პრესტიჟულ საიტზე იყიდება

ანუკი არეშიძემ ახლახან „მერსედეს ბენცის თბილისის მოდის კვირეულზე“ ახალი კოლექცია წარადგინა, რომელმაც კრიტიკოსების მოწონება დაიმსახურა. ანუკის ახალმა კოლექციამ უკვე გადაინაცვლა ერთ-ერთ პრესტიჟულ მოდის საიტზე modaoperandi.com, სადაც აქამდეც იყიდებოდა ანუკის კოლექციიდან ნამუშევრები და და არცთუ დაბალ ფასად. ახალი კოლექციის ძირითადი ფერებია ოქროსფერი, ვერცხლისფერი, ცისფერი, ვარდისფერი – აქ არის როგორც კაბები, ასევე შარვლები, ზედები, ქვედაბოლოები, ქურთუკები, პიჯაკები. […]

ლაშა რამიშვილი საბავშვო „სლავიანსკი ბაზრის“ ჟიურის წევრად მიიწვიეს

„სლავიანსკი ბაზარი“ როგორც ბავშვებს, ისე დიდ კონკურსანტებს შორის რამდენიმე ათეული წელია, რაც მიმდინარეობს. ის ბელორუსში ტარდება და საკმაოდ ცნობილი მუსიკალური კონკურსია. 2010 წელს ქართველი მსახიობი, მომღერალი და რადიოწამყვანი, ლაშა რამიშვილი, ვიტებსკში ამ კონკურსის მონაწილე გახლდათ, მიიღო პირველი ადგილი და ვლადიმერ მულიავინის სახელობის პრემია. 2016 წელს, ფესტივალის 25 წლის იუბილეზე, საპატიო სტუმარი გახლდათ, ხოლო წელს ჟიურის […]

ანრი ჯოხაძე მოძალადე კაცებს: „შეეხეთ საკუთარ დედებს ასეთი პირუტყვების გაჩენისთვის…“

„პრაიმ შოუს“ მორიგი თემა ქალებზე ძალადობაა. გადაცემის ექვსივე წამყვანი, როგოც ახლახან გავრცელებული ანონსიდან ჩანს, მოუწოდებს მამაკაცებს, შეწყვიტონ ქალებზე ძალადობა და ქალბატონებს ურჩევენ, რომ თუკი მამაკაცმა ერთხელ ხელი დაარტყა, მისგან აუცილებლად წამოვიდნენ. როგორც ბოლო წლების არაერთმა გახმაურებულმა შემთხვევამ აჩვენა, ქალებზე ძალადობა საქართველოში ერთ-ერთი ყველაზე აქტუალური თემაა. ანონსში ანრი ჯოხაძეს შემდეგანირი რჩევა აქვს მოძალადე მამაკაცებისთვის: „სანამ ასეთ […]

Facebook

რეკლამა

მსგავსი სიახლეები

“მის-მკერდი 2017-ის” შესარჩევი კონკურსი დაიწყო – რა პარამეტრებს უნდა აკმაყოფილებდეს კონკურსანტი

"მის მკერდი 2017"-ის შესარჩევი კასტინგები უკვე დაიწყო. კონკურსის კასტინგზე მონაწილეობის მიღება შეუძლია 18-დან 35 წლამდე ასაკის ყველა მანდილოსანს, ვისი მკერდის ზომაც 4-ზე დიდია. წლევანდელი კონკურსი სოციალურ დატვირთვას ატარებს, ის ანორექსიასთან ბრძოლას მიეძღვნება.

რეკლამა