მარიშკა ჯავახაძე თვითზიოლაციაში თავს არც ისე ცუდად გრძნობს. დღეში ორ საათს ძაღლს ასეირნებს, ბებიის რეცეპტით ქართულ კერძებს ამზადებს და იტალიური ენის ონლაინ შესწავლა დამოუკიდებულად, სპეციალური პროგრამის საშუალებით დაიწყო.
რასაკვირველია, ქვეყნის ეკონომიკურ მდგომარეობას და ადამიანების უსამსახუროდ დარჩენას ყველა ჩვენგანის მსგავსად, ისიც განიცდის… თავად დისტანციურად მუშაობს ერთ–ერთ ტურისტულ კომპანიაში და ელოდება, როდის გაიხსნება ქვეყანა ტურისტებისთვის.
მარიშკა ჯავახაძე:
ვცდილობ, ყველაფერში კარგი დავინახო. ასეთი ხასიათი მაქვს, რასაკვირველია, ეკონომიკური მდგომარეობის გაუარესება და ხალხის უსამსახუროდ დარჩენა არ მომწონს და განვიცდი, თუმცა ვცდილობ, დადებით რაღაცებზე ვიფიქრო.
ვერ მოვიტყუები, რომ 24 საათი სახლში ვარ. ძაღლი მყავს და დღეში ორი საათი მიწევს სეირნობა. ფეხით სიერნობა, ცნობილია, რომ ერთ–ერთი საუკეთესო ანტრისტრესია. ჰაერის გაიწმინდა, რადგან ნაკლებად ბინძურდება და უფრო სასიამოვნოა გარეთ ყოფნა.
გადავწყვიტე, იტალიური ენის შესწავლა დამეწყო. გადმოვიწერე ქართული აპლიკაცია, სადაც 60–მდე ენის შესწავლაა შესაძლებელი უმარტივესად, სამი თვის პროგრამაში კონკრეტული თანხა გადავიხადე და დავიწყე ახალი ენის სწავლა, რადგან იტალიაში მოგზაურობის შემდეგ ამ ქვეყანამ დიდი შთაბეჭდილებები დამიტოვა. მიხარია, რომ იტალიური მეცოდინება. პანდემია რომ არა, ვერც ვიფიქრებდი, რომ ენის შესწავლა დამოუკიდებლად დამეწყო…
გარდა ამისა, კულინარიასაც უფრო სერიოზულად მოვეკიდე. ვინაიდან ჩვენი დამხმარე ქალი, რომელიც ოჯახის წევრია და 20 წელია, ჩვენთან მუშაობს, ვეღარ მოდის, თავად ავიღე საკუთარ თავზე კერძების მომზადება. ახალ რაღაცებს ვსწავლობ და მომწონს. აქამდე ინტერნეტში ნანახი რეცეპტების მიხედვით ვამზადებდი ხოლმე კერძებს, ახლა კი ბებიის, ნანას რეცეპტებით ქართულ კულინარიას ვეცნობი, აჯაფსანდალს თუ ბაჟეს ვაკეთებ. ბებია ცოცხალი აღარაა და ჩემთვის მისი რეცეპტებით კერძების მომზადება დიდ სენტიმენტებს უკავშირდება.