მაია ასათიანი: „მართლა რომ შვილის მოლოდინში ვყოფილიყავი, აუცილებლად მომეშლებოდა მუცელი…“

მაია ასათიანი: „მართლა რომ შვილის მოლოდინში ვყოფილიყავი, აუცილებლად მომეშლებოდა მუცელი…“

მაია ასათიანის „პროფილის“ ერთ-ერთი თემა ქორწინების გარეშე გაჩენილი შვილები იყო. მაიამ ისაუბრა იმ ჭორზე, რომელიც ახლახან გავრცელდა, როცა „პროფილის“ მეოცე სეზონის პირველი გადაცემა გავიდა ეთერში. თეთრ კაბაში გამოწყობილი ტელეწამყვანის ხილვის შემდეგ საზოგადოებას გაუჩნდა ეჭვი, რომ მაია ორსულად იყო. ეს ჭორი იმავე გადაცემაში გააქარწყლა თავად ტელესახემ, თუმცა ამ თემას ახალ გადაცემაში მიუბრუნდა და აღნიშნა:

„დაახლოებით ორი კვირის წინ მეც დავდექი მსგავსი პრობლემის წინაშე. პირველი „პროფილის“ შემდეგ, როცა ეთერში მეცვა თეთრი კაბა და წონაში მომატებული მაქვს, თბილისში აგორდა ჭორი, რომ ველოდები ბავშვს.

ჩემი დილა დაიწყო ჟურნალისტების კითხვებზე პასუხით. შემდეგ დამირეკა ყველა ახლობელმა, ყველ ახლობელმა, ყველა მეგობარმა, ყველა თანამშრომელმა. დაახლოებით სამი-ოთხი საათის განმავლობაში ვპასუხობდი ზარებს, მართლა ვარ თუ არა ორსულად და ვისგან ვარ ორსულად.

ერთი წამი წარმოვიდგინე, მართლა შვილის მოლოდინში რომ ვყოფილიყავი, აუცილებლად მომეშლებოდა მუცელი, იმხელა ტალღა დამეჯახა უცებ. ნაწილი მისურვებდა ბედნიერებასა და მალე დაოჯახებას, ნაწილი მეუბნებოდა, მერე რა, ოღონდ შენ გააჩინეო, ნაწილი კატეგორიულად ითხოვდა კომენტარს და ბოლოს ამბობდა, ჩვენ მაინც გავიგებთ, ვინ არის მამაო.

მე რომ მართლა შვილის მოლოდინში ვყოფილიყავი, ცხრა თვე ამ რეჟიმს უბრალოდ, ვერ გავუძლებდი. ყველა ჩემს კოლეგას მინდა ვთხოვო, ოდესმე მართლა თუ მოხდა ასეთი ამბავი, ნუ დამამალინებთ. დამინდეთ ცოტა, რომ არ გამოვიდე პირველივე დღეს და საჯაროდ არ ვიყვირო ამ ჩემთვის ძალიან საკრალურ საკითხზე…“ იხ.ვიდეო

სიახლეები/

|

October 13, 2017 / 5:04 pm

საკვანძო სიტყვები

TOP სიახლეები

Facebook

რეკლამა

მსგავსი სიახლეები

ვიდეო: მაია ასათიანი ნოე სულაბერიძის ახალი გადაცემის პირველი სტუმარია

ნოე სულაბერიძე მალე ახალ გადაცემას დაიწყებს, სადაც ერთი ერთზე შეხვდება სტუმრებს და მათ სხვადასხვა თემაზე დაუსვამს შეკითხვებს. გადაცემის სახელწოდებაა „ნოესთან“ და მისი პირველი სტუმარი „რუსთავი 2“-დან წამოსული მაია ასათიანი გახლავთ. სწორედ ასე წარადგენს ნოე თავის სტუმარს. მაია ასათიანი გადაცემის ანონსში აღნიშნავს: „ახლანდელი მაია არის ქვა და რკინა… ქუჩაში შეიძლება უცებ მომეჩვენოს, რომ ნუცაა. მივდივარ და […]

„პროფილი“ არავის დაუხურავს… დაგველოდეთ ხუთშაბათს!..“

„რუსთავი 2“-მა რეორგანიზაცია გამოაცხადა. სოციალურ ქსელში გავრცელებული ერთ-ერთი მოარული ჭორის თანახმად, რეორგანიზაციის შედეგად, „რუსთავი 2“-ის ეთერში აღარ გავა „პროფილი“. მაია ასათიანის მაღალრეიტინგული თოქშოუ, რომელიც წლებია, ამ არხზე გადის, მაყურებელს სტაბილურად ინარჩუნებს და არასდროს დაუკარგავს პოპულარობა. Fortuna.ge იმის გასარკვევად, დაიხურა თუ არ „პროფილი“, მის პროდიუსერს, ნიკა ხაჩიძეს დაუკავშირდა, რომელმაც გვირჩია, რომ ხუთშაბათს დაველოდოთ. ნიკა ხაჩიძე: „შემიძლია […]

ალექსანდრა პაიჭაძე მაია ასათიანს: „შენი წიგნი წავიკითხე და მტკივა ყველაფერი…“

მოდელი ალექსანდრა პაიჭაძე სოციალურ ქსელში აქვეყნებს წიგნის ერთ ფურცელს მაია ასათიანის ავტობიოგრაფიული რომანიდან „სიცოცხლე ოცდახუთჯერ წამში“. როგორც ჩანს, მან წიგნი ახლახან დაასრულა და შთაბეჭდილებებით სავსეა, რაც სტატუსში ასე გამოხატა: „მაია,, სულ მიყვარდი და ახლა, უკვე ზუსტად მივხვდი რატომაც… წავიკითხე და მტკივა ყველაფერი, ემოციებისგან…“ შეგახსენებთ, რომ ცნობილი ტელეწამყვანის წიგნი ახალხან გამოიცა და უკვე შევიდა ბესტსელერების სიაში.

ვიდეო: მაია ასათიანმა და ნოდიკო ტატიშვილმა საახალწლოდ “თუკი გესიზმრები”დუეტში შეასრულეს

მაია ასათიანმა თავი მომღერლის ამპლუაში მოსინჯა. მან “რუსთავი 2“-ის საახალწლო პროექტში “მუსიკალური ასწლეული” ნოდიკო ტატიშვილთან ერთად მიიღო მონაწილეობა. მაიამ და ნოდიკომ ძველი ქართული სიმღერის “თუკი გესიზმრები” ახლებური ვერსია და პატარა სასიყვარულო ამბავი შემოგვთავაზეს. (ვიდეო)

ვიდეო: მაია ასათიანი საახალწლო ღამეს “თუკი გესიზმრების” შეასრულებს

მუსიკალური ასწლეულის ღამე “რუსთავი 2”-ის საახალწლო ეთერში გველოდება. არხის პოპულარული სახეები და მომღერლები სხვადასხვა ცნობილ სიმღერას შეასრულებენ ბოლო ასწლეულიდან. მათ შორის იქნება ტელეწამყვანი მაია ასათიანიც, რომელმაც ულამაზესი შავი კაბა და ვუალი ნანა მელქაძის კოლექციიდან მოირგო და ჩაწერა სიმღერა “თუკი გესიზმრები”. ის ამ კომპოზიციას ახალი ვერსიით 31 დეკემბრის ღამეს შემოგვთავაზებს. (ვიდეო)

რეკლამა