ხუმრობით დაწყებული პროექტი,რომელიც წლევანდელი „ოქროს ტალღის“ ნომინანტია

ხუმრობით დაწყებული პროექტი,რომელიც წლევანდელი „ოქროს ტალღის“ ნომინანტია

„ოქროს ტალღა“-ზე წლის დებიუტის ნომინაციაში რადიო „ფორტუნას“, „ავტორადიოს“ და „ფორტუნა პლუსის“ წამყვანების, ნიკა კაციას, გვანცა გადაბაძისა და ნიკო ცალანის მიერ შექმნილი Project O სიმღერით „არ მახსოვს“ ნომინანტების სამეულშია. წამყვანებისთვის ეს დიდი მოულოდნელობა და სიხარული იყო. საახალწლოდ სპონტანტურად შექმნილი სიმღერა, რომელიც თავიდან უბრალო ხუმრობად იყო ჩაფიქრებული, ბევრისთვის აღმოჩნდა მოსაწონი, მათ შორის, პროფესიონალებისგან დაკომპლექტებული ჟიურისთვისაც.

წლის სიმღერის დაჯილდოების ცერემონია 11 ივნისს, თბილისის ოპერისა და ბალეტის თეატრში გაიმართება და 15-ზე მეტი კატეგორიაში გაიცემა პრიზები, მათ შორის, მთავარი, წლის სიმღერის ნომინაციაც გახლავთ.

წლის დებიუტის ნომინანტები, ნიკა კაცია და გვანცა გადაბაძე საკუთარი ემოციების შესახებ საუბრობენ „ოქროს ტალღის“ წინ…

ნიკა კაცია:

სიმღერის შექმნის ამბავი იყო ძალიან სპონტანური. მარტივად რომ ვთქვათ, ვღადაობდით. დავიწყეთ მაიმუნობით, გართობით და ეს ყველაფერი ეტაპობრივად გადაიზარდა იმაში, რომ დღეს ვართ ნომინირებულები „ოქროს ტალღის“ მუსიკალური დაჯილდოების ცერემონიაზე. მივედი გვანცასთან, რომელიც ჩვეული შემართებით ამყვა. შემდეგ მივმართეთ ჩვენს მეგობარ ნინო მურღულიას, გვანცას მეუღლეს, გიორგი დათიაშვილს, რომელიც ასევე ჩვენი მეგობარია… თამაშ-თამაშით მივედით იქამდე, რომ აღმოჩნდა – აღარ უნდა ვითამაშოთ.

გვანცა გადაბაძე:

არასდროს მიმღერია. ასე გადადგმული სერიოზული ნაბიჯი ჩემთვის პირველი იყო, მოულოდნელი და სასიხარულოც იყო, რომ წლის დებიუტის ნომინაციაში სამეულში მოვხვდით. რამდენად აქვს შანსი, ვერ გეტყვით. შეიძლება გაიმარჯვოს, მაგრამ მოვლენებს წინ ვერ გავუსწრებთ.

ნიკა:

მას შემდეგ, რაც  ტექსტის პირველი ვერსია დაიდო, შევედით სტუდიაში, გიორგი დათიაშვილმა უკვე არანჟირებაზე დაიწყო მუშაობა, მისი პირველი მონახაზიც შექმნა. ის არის ასევე ამ სიმღერის მუსიკალური პროდიუსერი, ნინო მურღულიასთან ერთად. დაიბადა იდეა, რომ სიმღერაში ყოფილიყო რეპის ნაწილიც. მაშინ ასე ვხუმრობდით, როცა არ არსებობს თუ ფაქი, ვინ უნდა გაგახსენდეს, თუ არა ნიკო ცალანი. ის ახლა აქ არ არის, რადგან გადაღებაზეა, მაგრამ ჩვენ სამნი, გვანცა, ნიკო და მე, წარმოვადგენთ Project O-ს.  ნიკოც დიდი ენთუზიაზმით ჩაერთო. ჩენთვის ეს არ არის ძირითადი პროფესია, მაგრამ სამ დღეში გვქონდა სიმღერა, სრულყოფილი, რომელიც ოთხივე რადიოსადგურის ეთერში აჟღერდა და მალევე მას ვიდეორგოლი მოჰყვა.

გვანცა:

დიდ მადლობას გადავუხდით „დრონი ფროდაქშენ ჯორჯიას“ და სანდრო მარგველაშვილს, რეალურად კლიპი ძალიან ლამაზი გამოვიდა და მოიტანა საახალწლო განწყობა.

ნიკა:

განსაკუთრებული მადლობა ნინი დედალამაზიშვილს, რომელიც ჩემი მეგობარია და კლიპის პროდიუსერობა საკუთარ თავზე აიღო. მადლობებს შორის არ მინდა გამომრჩეს ანი კავლელიშვილი, რომელმაც სიმღერისთვის „არ მახსოვს“ გენიალური ტექსტი აბსოლუტურად უსასყიდლოდ დაგვიწერა. ჩვენს სიმღერაში არის ისეთი ფრაზები, რომლებიც ყველა ასაკის ადამიანს ადვილად ამახსოვრდება.

გვანცა:

კომპანიამ, სადაც ახლა ჩვენ ვიმყოფებით, დიდი როლი ითამაშა ამ სიმღერის პოპულარიზაციაში. ოთხივე რადიოსადგურმა ერთდროულად გაუშვა საკუთარ ეთერებში ჩვენი სიმღერის პრემიერა.

ნიკა:

ჩვენი კლიპი კი „მიუზიკბოქსზე“ გავიდა პირველად. ტელეკომპანიას პერსონალურად დიდი მადლობა.

ასევე მინდა აღვნიშნო, რომ „ფორტუნას“ ჰოლდინგის დამფუძნებლის ჩათვლით, ყველა თანამშრომელს მადლობას გადავუხდით, რადგან სიმღერის გამოსვლის შემდეგ ძალიან გვამხნევებდნენ. ეს კიდევ უფრო დიდ სტიმულს გვაძლევდა…

რაც შეეხება „ოქროს ტალღას“, საკამათო არ არის, რომ წლის სიმღერის დაჯილდოების ცერემონია, რომელიც წელს მეექვსედ იმართება, ძალიან მნიშვნელოვანი ღონისძიებაა. ამას თავად პროექტი ამტკიცებს. თავადაც როცა ვესაუბრებით სტუმრებს, პირველი, რასაც ამბობენ, არის ის, რომ „ოქროს ტალღა“ მათთვის დიდი მოტივატორია.

გვანცა:

ჩვენ, როგორც არაპროფესიონალმა მომღერლებმა, შევძელით და გავედით წლის დებიუტის ნომინაციაში. ეს არის სტიმული იმ ადამიანებისთვის, ვინც ახლა იწყებს ფეხის ადგმას შოუბიზნესში. სადაც ჩვენ შევძელით, სხვებისთვისაც მისაწვდომი იქნება.

რაც შეეხება „ოქროს ტალღას“, ჩვენმა კომპანიამ შეძლო ის, რომ ერთ ადგილას გაყინული შოუბიზნესი ისევ აამოძრავა.

ნიკა:

თუ ადამიანს გაქვს მიზანი, საკუთარ თავს წინ არ უნდა აღუდგე. ყველაფერი უნდა გააკეთო, ჩვენც შიშველი ხელებით გავაკეთეთ ყველაფერი. მხოლოდ მონდომების ხარჯზე შევქმენით ეს პროექტი. ამისთვის თანხების მობილიზება და სესხის აღება არ გამხდარა საჭირო (იღიმის). დამწყებ მომღერლებს, მოზარდებს, უკვე ზრდასრულებს, ვეტყოდი, რომ არაფერს შეუშინდნენ და მიზნად დაისახონ ის, რაც შეიძლება, მათ ცხოვრებაში მთავარ მოვლენად იქცეს. ნომინანტების სამეულში აღმოჩენამ ბედნიერების შეგრძნება მომანიჭა.

სიახლეები/

|

June 10, 2019 / 3:51 pm

საკვანძო სიტყვები

TOP სიახლეები

Facebook

რეკლამა

მსგავსი სიახლეები

მარკ მარტელი: „დიდი მადლობა, საქართველო!..“

კანადელი შემსრულებელი, მარკ მარტელი საქართველოს „ოქროს ტალღის“ დაჯილდოების ცერემონილზე, რადიოჰოლდინგ „ფორტუნას“ მოწვევით ესტუმრა. მან თბილისში ორი დღე დაჰყო, მენეჯერებთან და მეუღლესთან ერთად. უცხოელმა სტუმრებმა საქართველოში მიღებული ემოციების გამო აღფრთოვანება ვერ დამალეს. მარკ მარტელმა „ფეისბუქის“ ოფიციალურ გვერდზე არაერთი ფოტო თუ ვიდეო გამოაქვეყნა, სადაც საქართველოში სტუმრობის შესახებ დადებით კონტექსტში ისაუბრა. მარკმა დიდი მადლობა გადაუხადა ქართველ მსმენელს თბილი […]

„ოქროს ტალღა“ და მის გარშემო შექმნილი აჟიოტაჟი სოციალურ ქსელებში

„ოქროს ტალღა“ დასრულდა, მაგრამ აჟიოტაჟი მის გარშემო არ წყდება. წლევანდელი წელი ძალიან პოპმეზური, საინტერესო და მუსიკალურად დატვირთული გამოვიდა. დამსწრე საზოგადოებას არ განელებია ის აღფრთოვანება, რაც რადიოჰოლდინგ „ფორტუნას“ მიერ ორგანიზებული წლის სიმღერის დაჯილდოების ცერემონიაზე „ქუინის“ სიმღერების საუკეთესო შემსრულებლის, მარკ მარტელის პერფორმანსმა გამოიწვია. წლის სიმღერის ტიტული მოიპოვა ანრი ჯოხაძის სიმღერამ„ ცივი ნოემბერი“, რომელიც ნიკა ჩერქეზიშვილის ტექსტზე შეიქმნა. […]

მარკ მარტელი რადიო „ფორტუნაში“ სტუმრობას „ფეისბუქ“-პოსტით გამოეხმაურა

„დღევანდელი ინტერვიუ რადიო „ფორტუნასთან“, – ასეთი წარწერით აქვეყნებს კანადელი მუსიკოსი მარკ მარტელი საკუთარი ოფიციალურ „ფეისბუქ“-გვერდზე რადიო „ფორტუნას“ სტუდიაში გადაღებულ ფოტოს. ის ამჟამად რადიოჰოლდინგში იმყოფება, სადაც იტნერვიუ მისცა თათა სადრაძეს, აგდაცემაში „არტ FM“. შეგახსენებთ, რომ მარკ მარტელი საქართველოში გუშინ ღამე ჩამოვიდა. დღეს დილას მან მიიღო მონაწილეობა „ოქროს ტალღის“ პრესკონფერენციაში, რომელიც სასტუმრო „ვინდჰემ გრანდში“ გაიმართა. შემდეგ „ბრავო […]

მარკ მარტელი: „სიამოვნებით გავსინჯავ ქართულ სამზარეულოს და დავათვალიერებ ღირსშესანიშნაობებს“

კანადელი შემსრულებელი, რომელიც „ქუინის“ სიმღერების საუკეთესო შემსრულებლად მიიჩნევა და ფილმის „ბოჰემური რაფსოდია“ მუსიკალურ ნაწილში საკუთარი წვლილი აქვს შეტანილი, საქართველოს სტუმრობს. ის თბილისში რადიოჰოლდინგ „ფორტუნას“ მიწვევით, წლის სიმღერის დაჯილდოების ცერემონიაზე დასასწრებად ჩამოვიდა. „ოქროს ტალღაზე“, რომელიც 11 ივნისს, თბილისისა და ოპერის ბალეტის თეატრში იმართება, „ქუინის“ რეპერტუარიდან საუკეთესო სიმღერები შესრულდება მარკ მარტელის მიერ, თუმცა მასთან ერთად სცენაზე გორის ქალთა გუნდი და თბილისის […]

„სხვა შუადღე“ „ოქროს ტალღის“ შესახებ  და მარკ მარტელის მიმართვა ქართველ მსმენელს (ვიდეო)

„სხვა შუადღემ“ „ოქროს ტალღის“ შესახებ სასაუბროდ რადიოჰოლდინგ „ფორტუნას“ პიარმენეჯერი თათა სადრაძე და „ოქროს ტალღის“ გამარჯვებული, სტეფანე მღებრიშვილი მიიწვია. თათა: ყოველ წელს იმატებს სიმღერების რაოდენობა. შარშან გვქონდა 90 სიმღერა, წელს 156-ია. ექვსი წლის წინ, როცა კონკურსი დაიწყო, თუ არ ვცდები, 50 სიმღერა გვქონდა. ერთ-ერთი მთავარი პირობაა, რომ  წლის განმავლობაში ჩვენს რადიოსადგურებში – „არ დაიდარდო“, „ფორტუნა პლუსი“, […]

რეკლამა