ხატია ბუნიათიშვილის გენერალურმა რეპეტიციამ ანშლაგით ჩაიარა (ფოტო+ვიდეო)

ხატია ბუნიათიშვილის გენერალურმა რეპეტიციამ ანშლაგით ჩაიარა (ფოტო+ვიდეო)

ხატია ბუნიათიშვილი თბილისშია. ის საქართველოში რამდენიმე დღის წინ ჩამოვიდა, რაღა მონაწილეობა მიიღოს საერთაშორისო მუსიკალურ ფესტივალში „შემოდგომის თბილისი“.

15 სექტემბერს, ჯანსუღ კახიძის მუსიკალურ ცენტრში მისი და თბილისის სიმფონიური ორკესტრის ერთობლივი კონცერტი გაიმართება. ამ კონცერტის ბილეთები საიტზე დადებიდან ორ საათში გაიყიდა. შესაბამისად, უამრავი ადამიანი იმედგაცრუებული დარჩა, რომ მსოფლიოში სახელგანთქმული ქართველი პიანისტის კონცერტს ვერ დაესწრებოდა.

მუსიკოსის კეთილი ნებით და ჯანსუღ კახიძის ცენტრის გადაწყვეტილებით, დღევანდელ გენერალურ რეპეტიციაზე მსურველები უფასოდ დაესწრნენ. რეპეტიცია ორკესტრთან ერთად 12 საათზე იყო დაანონსებული, თუმცა 11 საათიდან ჯანსუღ კახიძის ცენტრთან უამრავი მუსიკის მოყვარული შეიკრიბა, რომ ადგილები წინასწარ დაეკავებინათ.

ხატიას გამოსვლას დარბაზში ოვაციებით შეხვდნენ. როგორც დირიჟორმა ვახტანგ კახიძემ განაცხადა, იცოდნენ, რომ ხატია ბუნიათიშვილის კონცერტის მიმართ ძალიან დიდი ინტერესი იქნებოდა, თუმცა ასეთ გამოხმაურებას არ ელოდნენ. სურდათ კონცერტის დამატება, მაგრამ სამწუხაროდ, მუსიკოსის გადატვირთული გრაფიკის გამო ვერ მოხერხდა, შესაბამისად, გადაწყვიტეს, ხალხისთვის გენერალურ რეპეტიციაზე დასწრების საშუალება მიეცათ.

ყველა ადგილი, რასაკვირველია, შეივსო და რამდენიმე ათეული ადამიანი გარეთ დარჩა…

დარბაზში სრული სიჩუმე იყო და ყველა უსმენდა, როგორ მუშაობდა ხატია ორკესტრთან და დირიჟორთან ერთად ხვალინდელი კონცერტისთვის. პიანისტი მცირეხნიან პაუზებში ახერხებდა დარბაზში მსხდომებ ნაცნობებს მისალმებოდა, უცნობებისთვის კი გაეღიმა…

გენერალურმა რეპეტიციამ არაჩვეულებრივ ატმოსფეროში ჩაიარა. მის ბოლოს ხატია ხანგრძლივი აპლოდისმენტებით დააჯილდოვეს და კიდევ ერთხელ დაანახეს, რომ მას საქართველოში ყოველთვის დიდი სიხარულით ელიან!..

(ფოტოები/ვიდეო)

სიახლეები/

|

September 14, 2018 / 4:19 pm

საკვანძო სიტყვები

TOP სიახლეები

„თეატრალურის კვარტეტი“: „ქართული სიმღერა მოდიდან არ უნდა გადავიდეს!..“

„თეატრალურის კვარტეტი“ – ქართული სიმღერის გამორჩეული შემსრულებლები არიან და მათი პროფესიონალიზმი არაერთხელ აღნიშნულა, მათ შორის ქვეყნის მთავარი მუსიკალური დაჯილდოების ცერემონიაზე, „ოქროს ტალღაზე“, რომლის ორგზის გამარჯვებულები არიან. „კაფე ორანჟერეაში“ ანსამბლის წევრებს შევხვდით. ლაშა: „ოქროს ტალღა“ ასოცირდება სიყვარულთან, ბედნიერებასთან, კარგ ხასიათსა და კარგ ნაწყობასთან, იმიტომ, რომ ყოველი „ოქროს ტალღის“ დაჯილდოება არის ზეიმი და განსაკუთრებული მოვლენა. ასეთი დაჯილდოების […]

ნოდიკო ტატიშვილი ბენდთან ერთად კონცერტს 11 მაისს გამართავს

ნოდიკო ტატიშვილი 11 მაისს კონცერტს ბენდთან ერთად გეგმავს. ლოკაცია ისევ რესტორანი „ოტიუმია“, სადაც მცირე ხნის წინ ასევე ჰქონდა კონცერტი, ბენდის თანხლებით. Five-თან ერთად მუშაობა გარკევული პერიოდის წინ დაიწყო და მათმა ერთობლივმა პირველა კონცერტმა ანშლაგით ჩაიარა, რის შემდეგაც სწრაფადვე დაიგეგმა მეორე. შესრულდება ყველა ის სიმღერა, რომელიც მსმენელს მომღერლის რეპერტუარიდან უყვარს. მათ შორისაა სიმღერები სალომე ბაკურაძესა და […]

Facebook

რეკლამა

მსგავსი სიახლეები

ესპანური ტელევიზია ხატია ბუნიათიშვილს „პიანინოს ბიონსეს“ უწოდებს (ვიდეო)

„პიანინოს ბიონსე“ – ასე დაასათაურა ერთ-ერთმა ესპანურმა ტელევიზიამ სიუჟეტი ქართველი პიანისტის, ხატია ბუნიათიშვილის შესახებ. მუსიკოსი პალმა დე მალიორკაზე კონცერტისთვის ემზადება. მოგეხსენებათ, მას ხანგრძლივი ტურნე აქვს, რომელიც მსოფლიოს გარშემო არაერთ ქალაქს მოიცავს. ხატიამ ეს სიუჟეტი საკუთარი ოფიციალურ „ფეისბუქ“-გვერდზე გააზიარა, რის შემდეგაც მას კომენტარები მოჰყვა. პიანისტის ერთ-ერთი უცხოელი თაყვანისმცემელი წერს: „საშინლად არ მომწონს ამ ვიდეოს სათაური. არავის […]

ხატია ბუნიათიშვილის ახალი ალბომი საფრანგეთის კლასიკური მუსიკის ჩარტის სათავეშია

ხატია ბუნიათიშვილის ახალი ალბომი, სადაც შუბერტს (N1) ასრულებს, საფრანგეთის კლასიკური მუსიკის ჩარტის სათავეში მოექცა. ამის შესახებ ინფორმაცია თავად ქართველი პიანისტის ოფიციალურ გვერდზე არის გამოქვეყნებული. „დიდი მადლობა ყველას, თქვენი მხარდაჭერა პირდაპირ ჩემს გულთან მიდის“, აღნიშნა ხატია ბუნიათიშვილმა, რომელიც ჩარტში პირველმა პოზიციამ ძალიან გაახარა.

ხატია ბუნიათიშვილის მადლობა „ჭრელ და თბილ თბილისს“ – „თქვენი სიყვარულით ვიფრენ ცაში და დაცემისას ფეხზე წამოვდგები“

ცნობილმა ართველმა პიანისტმა, ხატია ბუნიათიშვილმა, „შემოდგომის“ თბილისის ფარგლებში, 15 სექტემბერს, ჯანსუღ კახიძის ცენტრში კონცერტი გამართა. თბილისის სიმფონიურ ორკესტრს მაესტრო ვახტანგ კახიძე დირიჟორობდა. კონცერტმა ანშლაგით ჩაიარა, ისევე, როგორც გენერალურმა რეპეტიციამ, როცა ფესტივალის ორგანიზატორებმა მიიღეს გადაწყვეტილება, კარი გაეხსნათ და მათ, ვინც ბილეთების ყიდვა ვერ შეძლო ან ვერ მოასწრო, მიეცათ გენრეპეტიციაზე დასწრების საშუალება. ხატია ბუნიათიშვილმა სოციალურ ქსელში ასეთი […]

ხატია ბუნიათიშვილის რეპეტიციის პირველი კადრები თბილისის სიმფონიურ ორკესტრთან

ხატია ბუნიათიშვილი 15 სეტქემბერს, „შემოდგომის თბილისის“ ფარგლებში, თბილისის სიმფონიურ ორკესტრთან ერთად დაუკრავს. დირიჟორი, რასაკვირველია, ვახტანგ კახიძე იქნება. ხატია უკვე თბილისშია. ის ჯანსუღ კახიძის სახელობის ცენტრში რეპეტიციას გადის დირიჟორსა და ორკესტრთან ერთად. კადრებს პირველი რეპეტიციიდან რეჟისორი დავით გერსამია საკუთარი „ფეისბუქის“ გვერდზე ავრცელებს. შეგახსენებთ, რომ მოლოდინი კონცერტის მიმართ ძალიან დიდია, რადგან ხატია საქართველოში იშვიათად ჩამოდის. მის კონცერტზე […]

მსმენელს ხატია ბუნიათიშვილის კონცერტის გენერალურ რეპეტიციაზე დასწრების საშუალება მიეცემა

„შემოდგომის თბილისის“ ფარგლებში, 15 სექტემბერს, ჯანსუღ კახიძის მუსიკალური ცენტრი, სახელგანთქმულ პიანისტს, ხატია ბუნიათიშვილს უმასპინძლებს. მას კონცერტი თბილისის სიმფონიურ ორკესტრთან ერთად ექნება. ბილეთები ზემოხსენებული ღონისძიებისთვის ორ საათში გაიყიდა. მოთხოვნა ძალიან დიდია, ამიტომაც გადაწყდა, რომ გენერალურ რეპეტიციაზე, მსმენელს უფასოდ დასწრების საშუალება ექნება. შესაბამისი განცხადება „შემოდგომის თბილისის“ გვერდზე დღეს გამოქვეყნდა: „ძვირფასო მსმენელებო, მოგეხსენებათ რაოდენ დიდია 15 სექტემბერს დაგეგმილი, […]

რეკლამა