მსახიობი გიორგი ყიფშიძე არცთუ იშვიათად საუბრობს თავისი ოჯახის ფინანსური პრობლემების შესახებ. მსახიობი აღნიშნავს, რომ საკუთარი პროფესიით საარსებოდ ძალიან ცოტას გამოიმუშავებს და თავის გატანა საქართველოში მსახიობებს ძალიან უჭირთ. გიორგი იყო ერთ-ერთი მათგანი, ვინც აქტიურად ეწინააღმდეგებოდა მსახიობებისთვის ხელფასების დაკლებას.
ახლახან გიორგიმ გამოაქვეყნა სტატუსი, სადაც აღნიშნავს, რომ ქობულეთის ერთ-ერთ ბარში დაიწყო მუშაობა, მსახიობი ბარმენის პოზიციაზე. წინა წლებშიც არაერთხელ უმუშავია ქობულეთში ბარმენად. მეგობრები მას ამ პოზიციაზეც წარმატეჰბას უსურვებენ. გიორგი აღნიშნავს, რომ ზღვაზე კარგი ამინდებია და ყველას იქ გამგზავრებისკენ მოუწოდებს.
