ვინ ეხმარება სოფო ხალვაშს კარიერის შექმნაში

სიმღერა „თბილისო“ მისი რეპერტუარის სავიზიტო ჰიტად იქცა. მიუხედავად იმისა, რომ სოფო ხალვაში ბათუმში დაიბადა და გაიზარდა, თბილისს და ზღვისპირა ქალაქს სიყვარულით ერთმანეთისგან არ არჩევს. წლების წინ მომღერალს ფესტივალმა „ახალმა ტალღამ“ საკმაოდ დიდი პოპულარობა მოუტანა არა მარტო სამშობლოში, არამედ მის ფარგლებს გარეთაც. ის იმ ქართველ მომღერლებს შორის პირველი გახლდათ, რომელმაც საქართველო ევროვიზიაზე წარადგინა. უკვე რამდენიმე წელია ბათუმში ცხოვრობს მეუღლესთან და შვილებთან ერთად. თუმცა დედაქალქში ხშირად არის და შესაბამისად აქ ყოფნის დეფიციტსაც არ განიცდის. კარიერას და ოჯახს კი ერთმანეთს იდეალურად უთავსებს.