პრიალა ჟურნალი „ბომონდი“, რომელიც ყოველთვის ანებივრებს ქართულ საზოგადოებას გამორჩეული ღონისძიებებითა და უამრავი სიურპრიზით, ამჯერად სტუმრები “ლარომ ბუტიკის” გასაცნობად დაპატიჟა. ყოველდღიურად, ათასობით პარფიუმერი ცდილობს ახალი არომატის შექმნას, ძველისგან განსხვავებულს, რაც უამრავ სირთულესთან არის დაკავშირებული, თითქოს წარმოუდგენელია შექმნა ყველასგან გამორჩეული და იშვიათი არომატი, ისეთი, რომლის მსგავსიც უბრალოდ არ არსებობს. “ლარომ ბუტიკი” კი არის სივრცე, სადაც იმდენად გამორჩეული სუნამოების შეძენის შესაძლებლობა გაქვთ, რომ ის თქვენი ნიშა აუცილებლად გახდება. ეს ხომ ისედაც ცხადია, შეუძლებელია, „ნიშ“ პარფიუმერიის სამყაროში მოგზაურობამ აღტაცებული არ დაგტოვოთ.