უკვე მეცხრამეტედ თბილისის საერთაშორისო კინოფესტივალი 3-9 დეკემბერის ჩათვლით გაიმართება. ფესტივალის განმავლობაში მაყურებელს საშუალება ექნება სხვადასხვა სექციებში მსოფლიოს სხვადასხვა ქვეყნიდან ახალი გამორჩეული ფილმები ნახოს. წელს ბალტიისპირეთის ქვეყნების დამოუკიდებლობის 100 წლისთავის აღსანიშნავად, ფესტივალის ერთ-ერთი პროგრამა ამ ქვეყნების კინემატოგრაფს დაეთმობა. პროგრამაში „ბალტიისპირეთი-100″ ნაჩვენები იქნება უახლესი ლიტვური, ლატვიური და ესტონური ფილმები. წლევანდელი ფესტივალის ფოკუს ქვეყანა კი იტალია გახლავთ. მე-19 კინოფესტივალზე, მაყურებელი ბოლო პერიოდის იტალიური კინოს აღიარებულ ნამუშევრებს იხილავს.