თბილისის მე-10 საერთაშორისო სტუდენტური კინოფესტივალი იწყება. ამასთან დაკავშირებით, შოთა რუსთაველის თეატრისა და კინოს სახელმწიფო უნივერსიტეტის მეორე კორპუსში, პრესკონფერენცია გაიმართა, რომელსაც კულტურისა და ძეგლთა დაცვის მინისტრი, მიხეილ გიორგაძე და ფესტივალის დირექტორები: დავით ჯანელიძე და ჯაბა სიხარულიძე გაუძღვნენ. ღონისძიებას ასევე დაესწრნენ რეჟისორი გიორგი ოვაშვილი, ფესტივალში მონაწილე ახალგაზრდა ქართველი რეჟისორები და საქართველოს კინემატოგრაფიის ეროვნული ცენტრის წარმომადგენლები.