სტუდენტურმა მოძრაობამ, რომელიც სერბეთში დამოუკიდებლობისა და თავისუფლების მოსაპოვებლად იბრძოდა, საფუძველი ექზიტ ფესტივალის დაარსებას დაუდო. 2000 წლიდან დღემდე კი, ეს უკანასკნელი, ყოველწლიურად ვითარდება და ის უკვე სრულფასოვან მუსიკალურ ფესტივალად ჩამოყალიბდა და საუკეთესო ევროპული ფესტივალის სტატუსიც არაერთხელ მიიღო. ის ქალაქ ნოვი სადში, პეტროვარადინის ციხესიმაგრეში, იმართება, რომელიც შუასაუკუნეებში აგებულ ერთ-ერთ ყველაზე დიდ და ლამაზ ევროპულ სიმაგრედ ითვლება. 23-დან 26 აგვისტოს ჩათვლით კი ანაკლიაში ექოვეივსი სწორედ ექზიტის ქოლგის ქვეშ ჩატარდება.