ეკრანზე მკაცრი და სამართლიანი, ოჯახში კი რადიკალურად განსხვავებული რუსთავი ორის დირექტორი ნიკა გვარამია თათა სადრაძის გადაცემა არტ ფმ-ს ესტუმრა, სადაც სწორედ რუსთავი ორის ახალი პროექტების შესახებ ისაუბრა. რუსთავი ორის გუნდი ქართველ მაყურებელს მუდმივად ახალ ხილს ასინჯებს და მათ იმ პროექტებს სთავაზობს, რომელიც ქართულ ტელესივრცეში პირველია. მიუხედავად იმისა, რომ აღნიშნული ტელეკომპანიის გარკვეული პროექტები კონკურენტ არხზე გადავიდა ამას მათთვის ხელი არ შეუშლია სხვა უფრო მეტად განსხვავებული და ინოვაციური პროექტები ახლა უკვე თავად შეექმნათ. ერთ-ერთი კი პროექტი „მხოლოდ ქართულია“, რომელიც ქართულ ტელესივრცეში ლიდერობას არ თმობს.