ბლოგინგი, 21-ე საუკუნეში, საკმაოდ გავრცელებული საშუალებაა საკუთარი აზრის, შეხედულებისა და დამოკიდებულების გადმოსაცემად. ძირითადად მისი შინაარსი საზოგადოებაში გავრცელებულ პრობლემებს, ზოგადსაკაცობრიო საკითხებსა და პირად გამოცდილებებს ეხება. ყოველ შემთხვევაში, ეს სტანდარტი მანამდე არსებოდა, სანამ გურამ შეროზიამ, ბლოგების წერა ქართულ შოუბიზნესში მოღვაწე კონკრეტული პირების შესახებ არ დაიწყო. უნდა ითქვას, რომ ეს კარგი პიარ სვლაა აღმოჩნდა, რადგან მას შემდეგ ბლოგერზე ყველა ალაპარაკდა, იყო კრიტიკაც, მუქარაც და მოწონებაც. დღეს გურამ შეროზია ჩვენს გადამღებ ჯგუფს უმხელს, რომ ეს ყველაფერი სწორედ მისი ცნობადობის გასავრცელებლად გამოიყენა.