ფოტო+ვიდეო: „მხოლოდ ქართულის“ დრამატული ნახევარფინალი

ფოტო+ვიდეო: „მხოლოდ ქართულის“ დრამატული ნახევარფინალი

„მხოლოდ ქართულის“ მესამე სეზონი „მთავარ არხზე“ საკმაოდ მოულოდნელად ვითარდება. რამდენიმე ტურის წინ არხის გენერალურმა დირექტომა, ნიკა გვარამიამ ვეტოს უფლება გამოიყენა და პროექტიდან გამოთიშვას ანა ქურთუბაძე გადაარჩინა. გუშინდელ ლაივზე, როდესაც ხუთეულის ბოლო ადგილი მაყურებლებისა და ჟიურის შეფასებით, ლუკა ჭოხონელიძემ დაიკავა, გვარამიას თავისი ვეტოს უფლება უკვე აღარ ჰქონდა, ამიტომაც ჟიურის შესთავაზა, არჩევანი გაეკეთებინათ, დატოვებდნენ თუ არა ლუკას პროექტში და მისცემდნენ თუ არა ფინალში გამოსვლის საშუალებას. პირველივე სიტყვა გიორგი გაბუნიამ მოითხოვა და აღნიშნა, რომ არასამართლიანად მიიჩნევდა ლუკას პროექტში დატოვებას, როდესაც სხვებმა ბევრი რამ გააკეთეს იმისთვის, რომ ფინალში აღმოჩენილიყვნენ. გიორგის მხარი სტეფანემ და სოფო ნიჟარაძემ დაუჭირეს და შესაბამისად, ჟიურის გადაწყვეტილებით, ის პროექტს გამოეთიშა…

ამ დრამატულ განვითარებამდე კი შედგა ტური, სადაც შეიძლება ითქვას, ყველაზე პოპულარული თანამედროვე კომპოზიციები შესრულდა, პირველ ნაწილში ლელა წურწუმიას, ხოლო მეორეში – სტეფანეს რეპერტუარიდან, ლელასა და სტეფანეს და ასევე კონკურსანტებს მუსიკალური თანხლება „ნონ სტოპმა“ და სტეფანეს ბენდმა გაუწიეს.

„მხოლოდ ქართულზე“ ბევრი სიურპრიზი გველოდა, პირველ რიგში, რა თქმა უნდა, მუსიკალური. პირველი ნაწილი ლელა წურწუმიამ გახსნა, რომელსაც საინტერესო იმიჯი ჰქონდა მორგებული და არაჩვეულებრივად გამოიყურებოდა. გადაცემის მეორე ნაწილში უკვე სტეფანემ დაიკავა სცენა თავისი ჰიტით „დამიბრუნდი“, რომლის შესრულებასაც ჟიურის წევრებს შორის დიდი მხიარულება მოჰყვა.

ხუთმა კონკურსანტმა „მხოლოდ ქართულის“ ნახევარფინალზე ლელას და სტეფანეს რეპერტუარიდან თითო-თითო სიმღერა შეასრულეს. ჟიურის რჩეული განსაკუთრებით არტისტული მონაწილე, ანა ქურთუბაძე გახდა, რომელმაც ორივე შესრულებაში 50-50, უმაღლესი ქულები დაიმსახურა. თამთა ხუხუნაიშვილმა პირველი გამოსვლისას, როგორც ნიკა გვარამიამ აღნიშნა, ცოტა დააკლო, სამაგიეროდ, სტეფანეს ტურზე ჟიურის ხუთივე წევრისგან 10-10 ქულა მიიღო, სტეფანესა და მაია დარსელიძის ცნობილი კომპოზიციის, „ხელები“ გამორჩეულად შესრულების გამო. ლუკა ჭოხონელიძეს პირველივე ნაწილში დედის, ნატო გელაშვილის სიმღერის შესრულებამ მოუწია, თუმცა უნდა ითქვას, ამ პერფორმანსით მან ჟიურის წევრები ვერ აღაფრთოვანა, სტეფანეს ტურში სრულიად განსხვავებული გიორგი ძოწენიძე ვიხილეთ, რომელმაც ვერ ვიტყვით, რომ შავი შლაპასავით კარგად მოირგო სტეფანეს „მზე და შოკოლადები“, თუმცა მისი მონდომება და სხვა სტილთან მიახლოვება დადებით შტრიხად ჩაუთვალეს, ისევე, როგორც ნინი შონიას „ტანგოს“ შესრულებისას. ანა ქურთუბაძეს ნიკა გვარამიამ დიდხანს არ ალოდინა და „სახის“ კომპოზიციის „დიდხანს გელოდი“ სტეფანესეული ვერსიის შესრულებისას სცენაზე განთავსებულ ტახტზე გვერდით მიუჯდა…

„მხოლოდ ქართულის“ ნახევარფინალზე მონაწილეები განსაკუთრებულად გამოიყურებოდნენ და ეს ორი დიზაინერის, მარიამ გვასალიასა და დავიდ გევორქოვის დამსახურება გახლდათ.

გუშინდელ ლაივზე ფინალისტები დასახელდნენ და ესენი არიან: ნინი შონია, გიორგი ძოწენიძე, ანა ქურთუბაძე და თამთა ხუხუნაიშვილი.

(ვრცლად/ფოტო/ვიდეო)

სიახლეები/

|

January 28, 2020 / 4:12 pm

საკვანძო სიტყვები

TOP სიახლეები

Facebook

რეკლამა

მსგავსი სიახლეები

ფოტო: ბევრი ემოცია, ცოტა ცრემლი და ზღვა სიხარული „მხოლოდ ქართულის“ ფინალზე

ემოციებით, ცოტა სევდით, ცრემლით, ბევრი სიხარულით, სავსე გამოვიდა „მხოლოოდ ქართულის“ მესამე სეზონის ფინალური ტური. ორი ტურის განმავლობაში როგორც მაყურებელს, ისე ჟიურის წევრებს და თავად კონკურსანტებსაც მოულოდნელობებით დატვირთული ეპიზოდები ელოდათ წინ. სანამ კონცერტი დაიწყებოდა, მანამდე კულისებში ერთი საინტერესო ამბავი მოხდა. „მხოლოდ ქართულის“ ფოტოგრაფი, რომელიც პირველივე სეზონიდან მოჰყვება პროექტს, გაბედნიერდა. მისმა რჩეულმა ხელი პირდაპირ დარბაზში სთხოვა და […]

გიორგი ძოწენიძე: “”მხოლოდ ქართულში” მონაწილეობა ჩემი ერთ-ერთი ყველაზე სწორი გადაწყვეტილება იყო”

ჩვენი ინტერვიუც სიმღერით დაიწყო. „რა არის ნათელი, რასაც ახლავს ბნელი“, გიორგი ძოწენიძემ ცნობილი სიმღერიდან ეს ფრაზა წაიღიღინა, სანამ ლაპარაკს დაიწყებდა. „მხოლოდ ქართულის“ ერთ-ერთი ფინალისტი ის ადამიანია, ვისაც სიმღერა ლაპარაკზე მეტად უყვარს, თუმცა ვერ ვიტყვით, რომ ინტერვიუს დროს ცოტა ილაპარაკა. ჯგუფ „ურსას“ სოლისტია 10 წელი. პროექტში მოსვლაზე დიდხანს იფიქრა იმიტომ, რომ არ უნდოდა, უკვე შექმნილ იმიჯს […]

ვიდეო: სტეფანეს „დამიბრუნდი“ და აცეკვებული ჟიურის წევრები

სტეფანე თავისი ბენდის წევრებთან ერთად „მხოლოდ ქართულის“ ნახევარფინალის მეორე ნაწილი გახსნა, სადაც მისი რეპერტუარიდან სიმღერები კონკურსანტებმა შეასრულეს. მანამდე კი ტელემაყურებლისა და დარბაზში მყოფების წინაშე სიმღერა „დამიბრუნდი“ შეასრულა. სტეფანემ განსაკუთრებულ ხასიათზე ჟიურის წევრები დააყენა, რომლებიც მის ცნობილ კომპოზიციაზე სიამოვნებით აცეკვდნენ. (ვიდეო)

დღეს „მხოლოდ ქართულში“ ლელა წურწუმიასა და სტეფანეს სიმღერები შესრულდება

დღეს, 27 იანვარს, „მხოლოდ ქართულის“ ნახევარფინალური ტური გაიმართება. შეგახსენებთ, რომ მხოლოდ ხუთი მონაწილე დარჩა დღევანდელ ტურში – თამთა ხუხუნაიშვილი, ანა ქურთუბაძე, გიორგი ძოწენიძე, ლუკა ჭოხონელიძე და ნინი შონია. კონკურსი „მთავარი არხის“ ეთერში, ტრადიციისამებტ, საღამოს ათ საათზე დაიწყება. ხუთივე მონაწილე დღეს ორ სიმღერას შეასრულებს, ერთს ლელა წურწუმიას, მეორეს კი სტეფანეს რეპერტუარიდან. შესაბამისად, ერთი ნომრიდან შეგიძლიათ თქვენს […]

„მხოლოდ ქართულის“ მორიგ ტურზე დიზაინერმა მაკა კვიციანმა იმუშავა

„მხოლოდ ქართულის“ კონკურსანტებისა და წამყვანების ჩაცმულობაზე რუსუდან სებისკვერაძის ტურზე ქართულმა ბრენდმა „დალოოდი“ იზრუნა. ბრენდის კრეატიული დირექტორი მაკა კვიციანია. დიზაინერმა პროექტის მონაწილეებსა და წამყვანებს კლასიკური ლუქები შეურჩია. მონაწილე ბიჭებს სხვადასხვა ფერის პიჯაკები მოარგო, გოგონებს კი სიმღერების შესაბამისად, ნინი შონიას – ფერადი გრძელი კაბა, თამთა ხუხუნაიშვილს – სამხედრო პიჯაკი, ანა ქურთუბაძეს შავი ფერის გრძელი კაბა. ფოტოები: ზაქარია […]

რეკლამა