რადიო ,,ფორტუნას” გადაცემის ,,არტ-Fm” ონლაინ სტუმარია მომღერალი ნუცა ბუზალაძე.
როგორი კომენტარები მოჰყვა კონკურსს, სადაც დიდ წარმატებას მიაღწიე?
პირველ რიგში მივესალმები თქვენს მსმენელს, ყოველთის მიხარია თქვენთან სტუმრობა, თუმცა ახლა ფიზიკურად არ შემიძლია, მინდა ყველას ვუსურვო ჯანმრთელობა და გამძლეობა. რაც შეეხება ჩემს პროექტს, არანაირი ნეგატიური შეფასება და კომენტარი არ მოყოლია, ყოველ შემთხვევაში ჩემამდე არ მოსულა. ისეთი დადებითი შეფასება მივიღე ყველასგან, რომ ძალიან გაოცებული ვიყავი, ვშფოთავდი ერთი კვირა, ვერ ვიტევდი ამდენ ემოციას.
ყველაზე ხშირად რა რჩევას გაძლევს დედა?
სულ მეუბნება, რომ წყნარად ვისაუბრო, თუმცა ეს არ გამომდის. ლაპარაკს, როდესაც ვიწყებ, ვერ ვჩერდები.
,,სონი მიუზიკთან” თუ არის რაიმე სიახლე?
სიმღერა ჩავწერე თბილისში და გავაგზავნე, იქ გაუკეთეს ბალანსი, დაამუშავეს და თვითონვე გამოუშვეს ზუსტად ფინალის დღეს. რუსეთის მასშტაბით, სადღაც ორ დღეში ეს სინგლი იყო 70-ე ადგილზე ჩარტებში, რაც ჩვენი ძალიან დიდი მიღწევაა. ამ ყველაფერში დამეხმარა სერგეი ლაზარევი, რომელიც გაგიჟებული იყო იმით, რომ ვერ გავიმარჯვე. ვგეგმავ ისევ ახალი სიმღერების ჩაწერას, თუმცა ამ ეტაპზე ყველაფერი დაკეტილია და ველოდები როგორც ყველა, ასევე მეც, რომ დავუბრუნდეთ ენერგიულ, ჩვეულ ცხოვრებას.