ბიორკი კახეთში, სვანეთში, გურიასა და ზემო აჭარაში იმოგზაურებს – მომღერლის ვიზიტის დეტალები

ბიორკი კახეთში, სვანეთში, გურიასა და ზემო აჭარაში იმოგზაურებს – მომღერლის ვიზიტის დეტალები

SOU ფესტივალის ხანგრძლივი მოლაპარაკებები თანამედროვეობის ერთ-ერთ გამორჩეულ მუსიკოსთან წარმატებით დასრულდა. ფესტივალისა და Rooms Hotels-ის ორგანიზებით, ისლანდიელი შემსრულებელი ბიორკი საქართველოს რამდენიმე დღით ესტუმრება და ორ ლაივკონცერტს გამართავს საქართველოს ეროვნული სიმფონიური ორკესტრის სიმების თანხლებით. მისი ვიზიტის მთავარი მიზანი, რა თქმა უნდა, კონცერტებია, მაგრამ ბიორკი აქ მხოლოდ საკუთარი მრავალწლიანი მუსიკალური გამოცდილების გასაზიარებლად არ ჩამოდის, ის აპირებს, რომ საქართველოდანაც „წაიღოს“ ჩვენი მუსიკალური მემკვიდრეობის მარცვალი…

რამდენიმედღიანი ვიზიტის ფარგლებში სპეციალური ექსპედიცია დაიგეგმა, მისივე სურვილით და ისლანდიელი მომღერალი გურიაში, ზემო აჭარაში, სვანეთში და კახეთში იმოგზაურებს, სადაც ქართული ფოლკლორის ნიმუშებს მოისმენს. ფესტივალის ორგანიზატორების სურვილიც ესაა, რომ მსოფლიოს სხვადასხვა კუთხიდან ექსპორტირებული ხელოვნების პარალელურად, საკუთარიც გააცნოს სხვებს და ქვეყნის საზღვრებიც უფრო ხშირად და მეტი ინტენსივობით გადაალახვინოს. ეს მიზანი აშკარად შესრულებული იქნება ბიორკის ვოიაჟით საქართველოს რამდენიმე კუთხეში. როგორც ეროვნული სიმფონიური ორკესტრის ხელმძღვანელმა შენიშნა, გამორიცხული არ არის, ამ დღეების განმავლობაში მიღებული შთაბეჭდილებები მოგვიანებით ცნობილი ისლანდიელის შემოქმედებაშიც აისახოს…

ბიორკის კონცერტები 31 ოქტომბერს (დიდი საკონცერტო დარბაზი) და 3 ნოემბერს (თბილისის ოპერისა და ბალეტის თეატრი) გაიმართება. აღსანიშნავია, რომ თბილისი არის იმ ოთხ ქალაქს შორის, რომელსაც ბიორკი ამ მცირე ტურნეს ფარგლებში სტუმრობს. ორივე კონცერტზე მთლიანობაში 3000 ბილეთია ხელმისაწვდომი, მათი საკმაოდ დიდი ნაწილი უკვე გაყიდულია, დარჩენილია მხოლოდ მაღალფასიანი ბილეთები. ბილეთების დაახლოებით 20% საზღვრებს გარეთ გაიყიდა. როგორც ფესტივალის წარმომადგენელმა ხუმრობით აღნიშნა, გასაკვირია, მაგრამ საქართველოში ბიორკის კონცერტებზე მსოფლიოდან საინტერესო თავყრილობა გვექნება, მეზობელი ქვეყნები რომ არ ჩავთვალოთ, სტუმრები ჩამოდიან ბელგიიდან, გერმანიიდან…

ბიორკის კონცერტებზე წარმოდგენილი იქნება მისი უახლესი ნამუშევარი, სახელწოდებით „Vulnicura“, რომელიც კრიტიკოსებმა წლის საუკეთესო ალბომად დაასახელეს. გარდა ამისა, ორგანიზატორები იმედოვნებენ, რომ რამდენიმე ძველ  და ახალ სიმღერასაც მოვისმენთ, თუმცა ეს კონტრაქტით გათვალისწინებული არ არის.

როგორც ნიკოლოზ რაჭველმა fortuna.ge-სთან საუბრისას აღნიშნა, ბიორკის სტუმრობა საქართველოში ისტორიული მომენტია.

ნიკა, ბიორკი ეს არ არის მუსიკა ყველასთვის. როგორია თქვენი დამოკიდებულება ამ დიდი მუსიკოსის მიმართ და როგორი შეგრძნება გაქვთ მისი ჩამოსვლის წინ?

ნიკოლოზ რაჭველი:

საერთოდ, ყოველთვის, დიდი არტისტი და ხელოვანი გამოირჩევა იმით, რომ ის უსწრებს დროს. ბიორკი მუდამ უსწრებდა დროს 90-იან წლებშიც, 2000-იანებშიც და ახლაც. შეიძლება ჩაითვალოს, რომ მისი მუსიკა არ არის საყოველთაო, მაგრამ მე ვფიქრობ, რომ მთელ მსოფლიოშიც და მათ შორის, ჩვენს ქვეყანაშიც, არიან ადამიანები, ვინც ისე მიჰყვება მუსიკალურ პროცესებს სხვადასხვა ჟანრში, რომ მისთვის ბიორკის მუსიკა არათუ ძვირფასია, არამედ აცნობიერებს, რომ საქმე გვაქვს ერთ-ერთ უდიდეს ისტორიულ მოვლენასთან – ის, რომ თბილისში ეროვნულ სიმფონიურ ორკესტრთან ერთად ორ კონცერტს მართავს, არის ჩვენი ქვეყნისთვის, ჩემი აზრით, მნიშვნელოვანი და ხაზგასასმელი ფაქტი. ეს არ არის უბრალოდ, კომერციულად დიდი ვარსკვლავის გასეირნება ერთდღიან ტურზე საკონცერტოდ ჰონორარის მიღების მიზნით. საუბარია იმაზე, რომ ჩამოდის ალტერნატიული მუსიკის ერთ-ერთი ფუძემდებელი, მოგზაურობს სხვადასხვა რეგიონში, უსმენს ქართულ ფოლკლორს, პარალელურად, ასმენინებს თავის ბოლოდროინდელ საკონცერტო შემოქმედებას ორი დღის განმავლობაში ქართველ და საქართველოში ჩამოსულ მსმენელს…  ეს ყველაფერი ხდება SOU ფესტივალის ეგიდით, რომელის პლატფორმაც ჩვენს ქვეყანაში სიახლეების დანერგვაა. არც კი მახსოვს, ბოლოს როდის ყოფილა ასეთი მოვლენა ჩვენს ქვეყანაში.

ნინო მურღულია

სიახლეები/

|

October 20, 2017 / 5:38 pm

საკვანძო სიტყვები

TOP სიახლეები

“ძალიან გგავსო მეუბნებიან” – ლელა წურწუმიამ უსიმპატიურესი დისშვილი გამოაჩინა

მომღერალი ლელა წურწუმია, ინსტაგრამზე მისი დისშვილის სანდრო წურწუმიას ფოტოს აქვეყნებს. როგორც ლელა წერს, ეუბნებიან, რომ სანდრო მას ძალიან ჰგავს. “ძაან გგავს სანდრო შენო, მეუბნებიან ♥️ (ჩემი დისშვილია) მიყვარხარ ჩემო ბიჭო ♥️ ფოტო sashaprishvin ♥️” – წერს ლელა წურწუმია ინსტაგრამზე. სანდრო ლელას დის, ხათუნა წურწუმიას შვილია. მომღერალი საზოგადოებაში მასთან ერთად ხშირად ჩნდება. როგორც ცნობილია ლელა წურ­წუ­მია […]

MISS TRANS STAR International-ზე კესარია აბრამიძე საქართველოს წარადგენს (ფოტო)

ტრანსგენდერების სილამაზის კონკურსზე საქართველოს სახელით კესარია აბრამიძე გამოვა. 2-3- ნოემბერს საერთაშორისო სილამაზის კონკურსი ესპანეთში, კერძოდ ბარსელონაში გაიმართება. კესარიას ფოტო უკვე გამოქვეყნებულია კონკურსის ოფიციალური „ფეისბუქის“ გვერდზე და მას, რასაკვირველია, უამრავი კომენტარი მოჰყვა, ძირითადად, ქართველებისგან – მათ შორის ერთი ნაწილი აკრიტიკებს კესარიას ამ კონკურსზე გამოსვლის გადაწყვეტილებას, მეორე კი მიესალმება და მას წარმატებებს უსურვებს.

„მის საქართველო 2018”-ის ფინალური კასტინგი 20 ოქტომბერს ჩატარდება

საქართველოში ყველაზე პრესტიჟული სილამაზის კონკურსის “მის საქართველო” ფინალური კასტინგი 20 ოქტომბერს 12:00 საათზე ნიკო ნიკოლაძის 6-ში გაიმართება. “მის საქართველო 2018”-ში მონაწილეობის მიღება შეუძლიათ 17-დან 25 წლამდე ასაკის გოგონებს. კასტინგის მონაწილეობის მსურველები რეგისტრაციისთვის უნდა გამოცხადდნენ კომპანია „იმიჯ ცენტრის“ ოფისში, ნიკო ნიკოლაძის 6-ში. კასტინგის შედეგად შეირჩევიან ფინალისტები, რომლებიც გააგრძელებენ ბრძოლას საქართველოს ყველაზე ლამაზი ქალის ტიტულის მოსაპოვებლად. “მის საქართველო 2018”-ის […]

Facebook

რეკლამა

მსგავსი სიახლეები

როგორ „ჩაძირეს“ ყვავილებში თბილისის ოპერის სცენაზე ბიორკი (ვიდეო)

ისლანდიელი შემსრულებელი ბიორკი თბილისში კვირაზე მეტი ხნის განმავლობაში იმყოფებოდა. მან ამ დროის განმავლობაში „სოუ ფესტივალის“ ფარგლებში ორი კონცერტი გამართა, 31 ოქტომბერს, ფილარმონიაში, ხოლო 3 ნოემბერს – ოპერისა და ბალეტის თეატრში, მოინახულე სხვადასხვა საინტერესო თბილისური ადგილი, ისადილა რამდენიმე ცნობილ რესტორანში და კმაყოფილმა დატოვა საქართველო. ბიორკის კონცერტებზე მაყურებელს, მისივე თხოვნით, გადაღების უფლება არ მიეცა, თუმცა ოპერის თეატრში […]

ბიორკისა და ნიკოლოზ რაჭველის პირველი ერთობლივი ფოტო – „ვერ წარმოვიდგენდი, რომ გავიდოდა 20 წელი და შევხვდებოდი…“

ისლანდიელი შემსრულებელი ბიორკი საქართველოშია. ის ნიკოლოზ რაჭველისა და ეროვნული სიმფონიური ორკესტრის სიმებიანი ისნტრუმენტების რეპეტიციას დაესწრო. მოგეხსენებათ, 31 ოქტომბერსა ფილარმონიაში, ხოლო 3 ნოემბერს – ოპერისა და ბალეტის თეატრში მისი ორი კონცერტი გაიმართება. ბიორკი შეასრულებს კომპოზიციებს ახალი ალბომიდან, ასევე რამდენიმე ძველ სიმღერასაც. SOU ფესტივალის მიერ ორგანიზებული ვიზიტის ფარგლებში, ბიორკი საქართველოს რამდენიმე მხარეს მოინახულებს და ქართული ფოლკლორის ნიმუშებსაც […]

ბიორკის კონცერტზე დასასწრებად საქართველოში მსმენელი 25 ქვეყნიდან ჩამოვა                        

ლეგენდარული ისლანდიელი მუსიკოსის, Björk-ის კონცერტებზე დასასწრებად მსმენელი, საქართველოში მსოფლიოს სხვადასხვა წერტილიდან ჩამოვა. ელექტორნული ბილეთების შეძენა რეკორდულად ბევრი ქვეყნიდან დაფიქსირდა. 31 ოქტომბერს, თბილისის დიდ საკონცერტო დარბაზში და 3 ნოემბერს, ოპერისა და ბალეტის თეატრში დაგეგმილ კონცერტებზე დასასწრები ბილეთების 16% საქართველოს ფარგლებს გარეთ, მსოფლიოს 25 ქვეყანაში გაიყიდა. Björk-ის  მოსასმენად თბილისში ჩამოვლენ, როგორც მეზობელი ქვეყნებიდან, ასევე ევროპიდან და აზიის […]

ბიორკის ოპერის კონცერტის ბილეთები სრულად გაიყიდა

ლეგენდარული ისლანდიელი მუსიკოსის, Björk-ის  თბილისის ოპერისა და ბალეტის თეატრში დაგეგმილი კონცერტის ბილეთები სრულად გაყიდულია. მსოფლიოში აღიარებული ავტორ შემსრულებლის კონცერტს,  კლასიკურ დარბაზში 3 ნოემბერს, დაახლოებით 1000 ადამიანი დაესწრება. ამ დროისთვის ისევ იყიდება 31 ოქტომბრის კონცერტზე დასასწრები ბილეთები, რომელიც თბილისის დიდ საკონცერტო დარბაზში გაიმართება. (ბილეთების შეძენა ფილარმონიის სალაროებშიც არის შესაძლებელი. ფასი: 200 ლარიდან ) ისლანდიელი მუსიკოსის მოსასმენად […]

ბიორკი: „როგორც იქნა, ორი შოუ საქართველოში!..“

ისლანდიელი შემსრულებელი, ბიორკი, თავისი ოფიციალური „ფეისბუქის“ გევრდზე აქვეყნებს „SOU ფესტივალის პლაკატს, თავისი გამოსახულებით და აღნიშნავს, რომ საქართველოში მისი ორი შოუ გაიმართება. „როგორც იქნა, ცოცხალი შესრულებით შესანიშნავ საქართველოში – ორი შოუ! პირველი შოუ: 31 ოქტომბერს, თბილისის საკონცერტო დარბაზში მეორე შოუ: 3 ნოემბერს, ოპერისა და ბალეტის თეატრში ორივე შოუს დასაწყისი 21:00 საათზე ბილეთების ყიდვა უკვე შეგიძლიათ საიტზე www.tkt.ge. […]

რეკლამა