ბექა გოჩიაშვილისა და ნიკოლოზ რაჭველის კონცერტი უღრან ტყეში…

ბექა გოჩიაშვილისა და ნიკოლოზ რაჭველის კონცერტი უღრან ტყეში…

ბექა გოჩიაშვილისა და ნიკოლოზ რაჭველის ერთობლივი კონცერტი პირველად ახალ სივრცეში „უღრან ტყეში“ შედგა. ეს სივრცე წყნეთში მდებარეობს, იქ ამფითეატრი ბუნებაშია მოწყობილი. საღამოს, ლამაზი განათების პირობებში, ასეთ კომფორტულ გარემოში კარგი მუსიკის მოსმენა დიდი სიამოვნებაა, რომელიც ამიერიდან ხელმისაწვდომი იქნება.

ნიკოლოზ რაჭველმა ეროვნული სიმფონიური ორკესტრის მუსიკოსებთან ერთად, შედარებით მცირე შემადგენლობით, ხოლო ბექა გოჩიაშვილმა დრამერ ზაზა ცერცვაძესთან და ბასისტ ლევან დეისაძესთან ერთად, გამორჩეული საღამო შემოგვთავაზეს. აქვე დაგვპირდნენ, რომ უფრო გაფართოვებული შემადგენლობით და ბექას და არა მხოლოდ მისი მუსიკით, ჩვენ წინაშე 24 დეკემბერს წარდგებიან, ეს კი, ამ დიდხანს ნანატრი ექსპერიმენტის პირველი ნაბიჯი გახლდათ, რომელმაც ანშლაგითა და დიდი აპლოდისმენტებით ჩაიარა.

ბექა გოჩიაშვილმა საღამო ცნობილი ჯაზური სტანდარტებით გახსნა, რომელთა შესრულება დრამერსა და ბასისტთან ერთად დაუვიწყარი გახადა შეკრებილი მელომანებისთვის. შემდეგ კი მას ნიკოლოზ რაჭველი შეუერთდა და ბოლოს მასთან ერთად ინსტრუმენტსაც მიუჯდა, ამ იმპროვიზაციის დროს, რასაკვირველია, მაყურებლის ემოციები ყველაზე თვალშისაცემი იყო…

უღრანი ტყე მთლიანად მოიცვა საუკეთესო მუსიკამ, რომლის მოსმენაც ნამდვილად დიდი ფუფუნებაა, მით უმეტეს, ისეთი პროფესიონალისგან, როგორიც ბექა გოჩიაშვილია და ის მუსიკოსები, ვინც მას მხარს უმშვენებდნენ.

ნიკოლოზ რაჭველი:

რეპეტიციების დროს ძლივს ვიკავებდი თავს, რომ ცრემლები არ წამომსვლოდა, რადგან ბექასთან მუშაობით ჩემი კიდევ ერთი ოცნება ავისრულე. შეერთება კოსმოსთან ძალიან იშვიათად მინახავს შემსრულებელში.

წლების განმავლობაში სულ გვინდა გავაკეთოთ რაიმე ერთობლივი. ისე მოხდა, რომ ამისი ორგანიზება საკუთარ თავზე აიღო ზურა ლეჟავამ, რომელმაც წყნეთში დაგპატიჟა. მიუხედავად იმისა, რომ ორივე დაკავებულები ვიყავით, ყველაფერი გადავდეთ, რომ ეს კონცერტი შემდგარიყო. ამას თავისი გაგრძელება უკვე დაეგეგმა, დეკემბრის 24-ში იქნება ჩვენი ერთობლივი დიდი კონცერტი, რომელსაც შემოუერთდებიან მუსიკოსები აშშ-დან და ეროვნული სიმფონიური ორკესტრის მუსიკოსები ფართო შემადგენლობით.

ბექა გოჩიაშვილი:

ჩემი და ნიკოლოზ რაჭველის ურთიერთობა დიდი ხანია, დაიწყო, დღეს კი მას ბეჭედი დაესვა, როცა მუსიკალურად შევხვდით ერთმანეთს. ყვეალფერმა კარგად ჩაიარა. კონცერტის პროცესი სიურპრიზებითაა სავსე, რადგან ყველა კონცერტი და დაკვრა ერთნაირი არ არის. ეს არის ტალღა, რომელსაც ვერ გააჩერებ. დღეს თუ ამ კონცერტმა ასე ჩაიარა, მომავალში რასაც ვგეგმავთ ამსშტაბურად, დარწმუნებული ვარ, ის კიდევ უფრო საინტერესო იქნება.

პროგრამა მოკლე დროში გაორკესტრდა. მადლობა ზურა ლეჟავას, რომელმაც ამ კონცერტის აქ გაკეთების იდეა მოგვაწოდა. თუ მოეწონა მსმენელს დღევანდელი საღამო, კარგია, თუ არა, პასუხიც მზად გვაქვს – უღრან ტყეში უფრო მეტს ელოდნენ?!.. (იღიმის). ტრიო, ორკესტრი და დირიჟორი, სუფთა ჰაერზე, ბუნებრივ გარემოში. მეტი რა უნდა გინდოდეს…

ნინო მურღულია

(ფოტოები)

სიახლეები/

|

September 14, 2018 / 3:00 pm

TOP სიახლეები

ფოტოგალერეა: როგორი სტილი მოირგეს “დიდი სცენის” წამყვანებმა მეორე ლაივკონცერტზე

“დიდი სცენის” წამყვანების ჩაცმულობაზე ატელიე “მაკრატელი” ზრუნავს. “რუსთავი 2”-ის მუსიკალური მეგაპროექტის მეორე ლაივკონცერტზე წამყვანები გამორჩეულად იყვნენ შემოსილები. თიკა ფაცაციამ ორიგინალური ფორმის ვარდისფერი კაბა მოირგო, არჩილ სოლოღაშვილმა ვარდებით გაფორმებული პერანგი და შარვალი, ნოდიკო ტატიშვილმა – პიჯაკი და შარვალი, ხოლო მაკო კვიტაიშვილმა მოტკეცილ ტყავის ქვედაბოლოს კრემისფერი როლინგი შეუხამა. (ფოტოები)

ვიდეო: ბერა და ნანუკა ქართულ ეროვნულ სამოსში

ბერამ და ნანუკამ “ტიკ-ტოკზე” ახალი ვიდეო გამოაქვეყნეს, სადაც თავიანთ პატარასთან, ბერუკასთან ერთად არიან გადაღებულები.ისინი ვიდეოში ქართულ ეროვნულ სამოსს ირგებენ. (ვიდეო)

ლელა წურწუმია ახალ ვიდეორგოლს იღებს

ლელა წურწუმია სამუშაო გრაფიკს აქტიურად დაუბრუნდა. მომღერალმა ახალი სიმღერა „ბრავო რექორდსში“ ჩაწერა. მისი პრემიერა ლელა წურწუმიას ოფიციალურ „იუთუბ“-არხზე შედგება 15 ივლისს. სიმღერის სახელწოდებაა „წვიმიან დღეს“ და ის შემსრულებელმა holy moly-სთან ერთად ჩაწერა. ამასთანავე, უკვე მზადდება ვიდეორგოლი ახალ სიმღერაზე. ლელა წურწუმია რეჟისორ ნესტან სინჯიკაშვილთან თანამშრომლობს.

Facebook

რეკლამა

მსგავსი სიახლეები

„დიდი სცენის“ ჟიურის ნიკოლოზ რაჭველი შეუერთდა – „კონცერტებს ვეღარ ვატარებთ და ესღა დაგვრჩენია“

„დიდი სცენა“ მალე „რუსთავი 2“–ის ეთერში მეორე სეზონს დაიწყებს. არხის ხელმძღვანელობის გადაწყვეტილებით, ტელეკომპანიის საზაფხულო ბადე ძალიან დატვირთული იქნება, მათ შორის, მუსიკალური მეგაპროექტითაც. ჟიურის სულ სამი წევრი ეყოლება, წინა სეზონიდან – ნატო მეტონიძე და გიორგი ცაგარელი რჩებიან, და მათ შემოემატა ყველასთვის საყვარელი მაესტრო, ნიკოლოზ რაჭველი. მუსიკოსებისთვის შოუში მონაწილეობა, ხანგრძლივი კარანტინის შემდეგ, როცა კონცერტების ბედი გაუკვეველია, ორმაგად […]

ვიდეო: ნიკოლოზ რაჭველი – “საჭმლის მომზადება ვისწავლე…”

“მთავარი არხი” დირიჟორსა და კომპოზიტორს, ეროვნული სიმფონიური ორკესტრის ხელმძღვანელს, ნიკოლოზ რაჭველს შინ ესტუმრა. როგორც აღმოჩნდა, მაესტრო უპირატესობას ჩაის ანიჭებს, მაგრამ დილას აუცილებლად ჭიქა ყავით იწყებს. კარანტინის პერიოდში მან კერძების მომზადება ისწავლა. როგორც თავად ამბობს, მოამზადა გამომცხვარი ორაგული და ასევე სხვადასხვა ტიპის პასტა ანიტა რაჭველიშვილის რეცეპტებით. კარანტინის დროს, როგორც “მთავარი არხის” რესპონდენტი აღნიშნავს, მუსიკალურად არ უაქტიურია. […]

6 მარტს ბექა გოჩიაშვილი თანამედროვე ჯაზის ვირტუოზებთან ერთად „რესპუბლიკაში“ წარდგება

6 მარტს რესპუბლიკის „ივენთ ჰოლში“ ჯაზის მოყვარულებისათვის გამორჩეული საღამო იგეგმება. ბექა გოჩიაშვილი თანამედროვე ჯაზის ვირტუოზებთან ერთად კონცერტს გამართავს. ღონისძიებაში მონაწილეობენ: მაიკ მიტჩელი (დრამი), ქეისი ბენჯამინი (საქსაფონი, ვოკოდერი), მაქს გერლი (ბას გიტარა), ფრენკ მოკა (პერკუსია, დასარტყამი ინსტრუმენტები) საღამოს გააგრძელებს DJ მიშო ურუშაძე. კარი გაიხსნება: 22:00 საათზე, საღამო დაიწყება 23:00 საათზე. დასაჯდომი ბილეთები: 60 ლარი – 100 […]

ნატალია ქუთათელაძისა და ბექა გოჩიაშვილის საშობაო დუეტი

ბექა გოჩიაშვილმა გამოაქვეყნა ახალი დუეტი, რომელიც მან საშობაოდ ნატალია ქუთათელაძესთან ერთად მოამზადა. ჯაზპიანისტმა ვახტანგ კახიძის საშობაო ალილოს თავისი ვერსია შემოგვთავაზა, რომელიც მეცოსოპრანოს ვოკალის თანხლებით წარმოგვიდგინა (ვიდეო)

ბექა გოჩიაშვილი გია ყანჩელს კონცერტს უძღვნის

10 ოქტომბერს, რესტორან „რესპუბლიკაში“ ბექა გოჩიაშვილი კონცერტს გამართავს. ჯაზმუსიკოსი, რომლის ნიჭს გია ყანჩელი დიდად აფასებდა, საღამოს ცნობილი კომპოზიტორის ხსოვნას მიუძღვნის. ბექა გოჩიაშვილი ღონისძიებას მეგობარი მუსიკოსების მონაწილეობით გამართავს. როგორც მუსიკოსი ამბობს, სამწუხაროა, რომ „ჰერიო ბიჭებოს“ საკუთარი ვერსია, რომლის ჩაწერასაც გია ყანჩელი სთხოვდა, მის სიცოცხლეში ვერ ჩაწერა. როგორც ბექამ დაწერა, საღამოზე მხოლოდ გია ყანჩელის კომპოზიციებს შეასრულებს.

რეკლამა