ანუკი არეშიძის ჩვენება მერსედეს ბენცის მოდის კვირეულის ფარგლებში თბილისში, ვაკის პარკში, სპეციალურად მოწყობილ პოდიუმზე გაიმართა. დიზაინერმა საკუთარი ხელწერის შესაბამისი კოლექცია შემოგვთავაზა, რომელშიც ფერადოვნება და ამ სეზონის ტენდენციური ფერები ჭარბობდა.
ანუკიმ ჩვენების ბოლო აკორდად გია ყანჩელის „ყვითელი ფოთლები“ გამოიყენა და სრული კოლექციისთვის კიდევ ერთხელ თვალის გადავლება სწორედ ახლახან გარდაცვლილი ცნობილი ქართველი კომპოზიტორის მელოდიის ფონზე შემოგვთავაზა.