ანრი ჯოხაძე „ოქროს ტალღაზე“ სიმღერით „ცივი ნოემბერი“ არის წარდგენილი. „მიუზიკბოქსთან“ ინტერვიუში მომღერალმა საკუთარ მოლოდინებზე და „ოქროს ტალღის“ კონკურსის შესახებ, რომელიც წელს, რადიოჰოლდინგ „ფორტუნას“ ორგანიზებით უკვე მეექვსედ იმართება, ვრცლად საიუბრა.
ანრი ჯოხაძე:
ჩემთვის „ოქროს ტალღა“ ასოცირდება მოულოდნელობასთან. პირველი, რაც მახსოვს, როცა ჩემი სიმღერა წლის საუკეთესო სიმღერა გახდა, ერთი პროცენტითაც ვერ წარმოვიდგენდი, რომ ასე იქნებოდა. სულელის სახით ვიდექი დარბაზში. ცხოვრებაში ვისწავლე, რომ ნებისმიერი მიმართულებით, რისგანაც შეიძლება ადამიანი რაღაცას ელოდოს, არაფერს ველოდები, ასე უფრო კარგია ცხოვრება.
წელს „ოქროს ტალღაზე“ წარდგენილია ჩემი სიმღერა „ცივი ნოემბერი“. მელოდია მეკუთვნის მე, ლექსი – ნიკა ჩერქეზიშვილს. კლიპი, როგორც ყოველთვის, თავად გადავიღე.
ფაქტობრივად, ამ კლიპს ორ მილიონზე მეტი ნახვა აქვს, მათ შორის რადიო „ფორტუნას“ საიტზეც. კარგია, როდესაც შეთავსებულია არცთუ ცუდი მომღერალი, ლამაზი სიმღერა და ფანტასტიკური ლექსი. ძალიან მადლობელი ვარ ნიკა ჩერქეზიშვილის.
რაც შეეხება ჩემს ფავორიტს „ოქროს ტალღაზე“, ის ისევ ჩემი გაკეთებული სიმღერაა. მოულოდნელად გავარდა ეს სიმღერა, არ იყო გასაჰიტებლად გათვალისწინებული. ეს არის გიორგი გასვიანისა და ლიზა ყენიას მიერ შესრულებული „იმღერე რამე“. ჩავწერეთ „პრაიმშოუს“ საახალწლო გადაცემისთვის. ამ დუეტს ვგულშემატკივრობ. „ცივი ნოემბერი“ არ გამიზიარებია ჩემს გვერდზე, ვაზიარებ მხოლოდ გიორგისა და ლიზას ნამღერს.
ყოველთვის მივესალმები მსგავს ღონისძიებებს. ამ ქვეყანაში არაფერი კეთდება შოუბიზნესისა და გართობის მიმართულებით, ძალიან ცოტაა ასეთი პროექტი. „ოქროს ტალღა“ კიდევ უფრო მასშტაბური უნდა გახდეს.
„ოქროს ტალღის” მხარდამჭერია პროექტი „ჩექინ ჯორჯია” და ქალაქ თბილისის მერია. დაჯილდოების წარმდგენია „ლიდერ ფუდი“, მარკ მარტელის სპონსორი პე-ეს-პე -ს ფრანგული ბრენდები, მასპინძელი სასტუმრო „ვინდამ თბილისი”, ოფიციალური გადამყვანი „თურქიშ ეარლაინსი”, ღონისძიების უსაფრთხოებაზე ზრუნავს დაცვის სამსახური ომეგა ემბეერი. პარტნიორები: „თბილისის ბალნეოლოგიური კურორტი“, „ლუტეცია“, „მაგთი“. საინფორმაციო მხარდამჭერი „რუსთავი 2“
May 21, 2019 / 3:53 pm
31 აგვისტოს, ბათუმის სახელმწიფო მუსიკალურ ცენტრში ანრი ჯოხაძის სოლოკონცერტი გაიმართება. მომღერალთან ერთად სცენაზე გამოვა ბათუმის სახელმწიფო მუსიკალური ცენტრის კაპელა! საღამოს სახელწოდებაა: „კაპელა და მეგობრები“. საღამო 20:00 საათზე დაიწყება. შეგახსენებთ, რომ 11 ივნისს, ანრი ჯოხაძე მეორედ გახდა „ოქროს ტალღის“ მთავარი ჯილდოს მფლობელი. მისი სიმღერა „ცივი ნოემბერი“ წლის სიმღერად დასახელდა. (ფოტო)
კანადელი შემსრულებელი, მარკ მარტელი საქართველოს „ოქროს ტალღის“ დაჯილდოების ცერემონილზე, რადიოჰოლდინგ „ფორტუნას“ მოწვევით ესტუმრა. მან თბილისში ორი დღე დაჰყო, მენეჯერებთან და მეუღლესთან ერთად. უცხოელმა სტუმრებმა საქართველოში მიღებული ემოციების გამო აღფრთოვანება ვერ დამალეს. მარკ მარტელმა „ფეისბუქის“ ოფიციალურ გვერდზე არაერთი ფოტო თუ ვიდეო გამოაქვეყნა, სადაც საქართველოში სტუმრობის შესახებ დადებით კონტექსტში ისაუბრა. მარკმა დიდი მადლობა გადაუხადა ქართველ მსმენელს თბილი […]
„ოქროს ტალღა“ დასრულდა, მაგრამ აჟიოტაჟი მის გარშემო არ წყდება. წლევანდელი წელი ძალიან პოპმეზური, საინტერესო და მუსიკალურად დატვირთული გამოვიდა. დამსწრე საზოგადოებას არ განელებია ის აღფრთოვანება, რაც რადიოჰოლდინგ „ფორტუნას“ მიერ ორგანიზებული წლის სიმღერის დაჯილდოების ცერემონიაზე „ქუინის“ სიმღერების საუკეთესო შემსრულებლის, მარკ მარტელის პერფორმანსმა გამოიწვია. წლის სიმღერის ტიტული მოიპოვა ანრი ჯოხაძის სიმღერამ„ ცივი ნოემბერი“, რომელიც ნიკა ჩერქეზიშვილის ტექსტზე შეიქმნა. […]
„დღევანდელი ინტერვიუ რადიო „ფორტუნასთან“, – ასეთი წარწერით აქვეყნებს კანადელი მუსიკოსი მარკ მარტელი საკუთარი ოფიციალურ „ფეისბუქ“-გვერდზე რადიო „ფორტუნას“ სტუდიაში გადაღებულ ფოტოს. ის ამჟამად რადიოჰოლდინგში იმყოფება, სადაც იტნერვიუ მისცა თათა სადრაძეს, აგდაცემაში „არტ FM“. შეგახსენებთ, რომ მარკ მარტელი საქართველოში გუშინ ღამე ჩამოვიდა. დღეს დილას მან მიიღო მონაწილეობა „ოქროს ტალღის“ პრესკონფერენციაში, რომელიც სასტუმრო „ვინდჰემ გრანდში“ გაიმართა. შემდეგ „ბრავო […]
„ოქროს ტალღა“-ზე წლის დებიუტის ნომინაციაში რადიო „ფორტუნას“, „ავტორადიოს“ და „ფორტუნა პლუსის“ წამყვანების, ნიკა კაციას, გვანცა გადაბაძისა და ნიკო ცალანის მიერ შექმნილი Project O სიმღერით „არ მახსოვს“ ნომინანტების სამეულშია. წამყვანებისთვის ეს დიდი მოულოდნელობა და სიხარული იყო. საახალწლოდ სპონტანტურად შექმნილი სიმღერა, რომელიც თავიდან უბრალო ხუმრობად იყო ჩაფიქრებული, ბევრისთვის აღმოჩნდა მოსაწონი, მათ შორის, პროფესიონალებისგან დაკომპლექტებული ჟიურისთვისაც. წლის სიმღერის […]
