რამდენიმე წელია საქართველოში ერთ-ერთი პოპულარული და მოდური ჟურნალი “ნარგისი” გამოჩნდა. გამოცემას საფუძველი 2012 წლის 13 დეკემბერს ჩაეყარა. მისი დამფუძნებელი კი აზერბაიჯანის პირველი ლედის, მეჰრიბან ალიევას დისშვილი, ულვია რახმანოვაა. “ნარგისი” სცდება მხოლოდ “ქალთა ჟურნალის” ფორმატს და ითავსებს კულტურას, როგორც ისტორიას, ხელოვნებასა და რა თქმა უნდა, მოდას. ქართველი მკითხველი ჟურნალის მეშვეობით, არაერთ ადგილობრივ და საერთოშირისო მოვლენას ეცნობა. ჟურნალის მესვეურები მუდმივად ცდილობენ, ერთგულ მკითხველს საინტერესო რესპონდენტები შესთავაზონ. ამჯერად კი გამოცემის ფურცლებზე მომღერალ სალიოს ვიხილავთ.