ბოლო დროს საზოგადოების ყურადღება, ირაკლი სესიაშვილის ვაჟის, დუჩი სესიაშვილის მიმართ არის მიპყრობილი. “ნაციონალური მოძრაობის“ განცხადებით, მისი ანაბეჭდები იმ დანაშაულის ადგილიდან არის ამოღებული, სადაც ქურდობა მოხდა. ირაკლი სესიაშვილი ბრალდებებს აბსურდულს უწოდებს და სწორედ ამიტომ ცილისწამებაზე, დღეს პროკურატურაში განცხადება შეიტანა.
ირაკლი სესიაშვილის ვაჟი, დუჩი 20 წლის არის, ის გოგონებში დიდი პოპულარობით სარგებლობს და უამრავი თაყვანისმცემელიც ჰყავს. დუჩი გრიგოლ რობაქიძის სახელობის უნივერსიტეტში, იურიდიულ ფაკულტეტზე სწავლობს და წარმატებული სტუდენტია, მისი ჰობია ცურვა.
პარლამენტარის ვაჟი შეყვარებულია, მისი რჩეული მარიამ საყვარლიშვილია. წყვილის ურთიერთობა უკვე რამდენიმე წელს ითვლის და ისინი თავიანთი სიყვარულის აფიშირებას, სოციალურ ქსელში არ ერიდებიან.