ვერიკო ტურაშვილისა და თემო საჯაიას ჰიტზე ანრი ჯოხაძემ ჰიტური კლიპი გადაიღო

ვერიკო ტურაშვილისა და თემო საჯაიას ჰიტზე ანრი ჯოხაძემ ჰიტური კლიპი გადაიღო

ვერიკო ტურაშვილისა და თემო საჯაიას ჰიტზე ანრი ჯოხაძის მიერ გადაღებულმა კლიპმა დიდი მოწონება დაიმსახურა. „თოვს“ – ამ სახელწოდების კომპოზიცია თემო საჯაიამ დაწერა. კინო „ამირანში“ ვიდეორგოლის ჩვენებას მომღერლების მეგობრები და მედია დაესწრო. კლიპმა ისეთი აპლოდისმენტები დაიმსახურა, რომ ის სამჯერ აჩვენეს. განსაკუთრებული მოწონება კი მოხუცმა ქალბატონმა დაიმსახურა, რომელმაც ვიდეორგოლის ბოლოს სახალისო მიმიკით დარბაზის გამხიარულება შეძლო.

როგორც ანრი ჯოხაძემ აღნიშნა, მას სიმღერა თავიდანვე ძალიან მოეწონა და კლიპის გადაღების იდეა მომღერალ კოლეგებს თავად შესთავაზა. ვერიკო ტურაშვილმა კი მადლობა გადაუხადა ყველა იმ ადამიანს, რომელმაც მონაწილეობა მიიღო ჩანაწერისა თუ ვიდეოს შექმნაში, მათ შორის მუსიკოსებს: უჩა მეტრეველს, ზაზა ცერცვაძეს, პაატა ანდრიაძესა და ლევან დეისაძეს, ასევე დიზაინერ ლაშა ჯოხაძეს, რომელმაც მომღერლების ჩაცმულობაზე იზრუნა.

ვერიკო ტურაშვილი:

ანრისთან ეს ჩემი პირველი თანამშრომლობა არ არის. იმის გარდა, რომ მეგობრები ვართ და ჩვენი პროფესიაც გვაკავშირებს, ანრისთან ვიდეოებზე მიმუშავია და რთულად არაფერი გამოგვდის. როცა ანრი აკეთებს ვიდეორგოლს, 100%-ით ვენდობი და დეტალებშიც არასდროს ვერევი. ის ზუსტად მხედავს და იცის, როგორ უნდა გამომაჩინოს კადრი. ზოგადად, მადლობა მას ჩემს ცხოვრებაში ყოფნისთვის.

რაც შეეხება თემოს, ჩემი ძალიან ბევრი წლის მეგობარია, საყვარელი ადამიანი და მუსიკოსია. ბოლო პერიოდი ვფიქრობდით დუეტზე, ეს ექსპრომტად არ მომხდარა. ველოდებოდი, რომ თემო დაწერდა შესაფერის სიმღერას, რომელსაც ერთად შევასრულებდით. მადლობა, რომ მეც მამღერა ეს კომპოზიცია.

ახალ წლამდე ვიდეორგოლზე აღარ ვიფიქრებ, მაგრამ 2018 წლიდან ვაგღძელებ აქტიურობას, მინდა ალბომის ჩაწერა და რასაკვირველია, ვიდეობიც იქნება.

თემო საჯაია:

მე და ვერიკო დიდი ხნის მეგობრები ვართ. სუბიექტურობას რომ თავი დავანებოთ, ვერიკო ტურაშვილი ერთ-ერთი ბრწყინვალე მომღერალია არა მარტო ქართულ შოუბიზნესში. მინდოდა, მასთან ერთად სიმღერა მქონოდა. ვფიქრობ, ის ჩვენს ხმებს და წინასაახალწლო განწყობას ძალიან მოუხდა. განსაკუთრებული მადლობა რეჟისორს, ანრი ჯოხაძეს. გარდა იმისა, რომ ანრი ძალიან მომთხოვნია, როგორც რეჟისორი, სხვა სირთულე არ გვქონია. როცა ადამიანი მოტივირებულია, სხვა სირთულეებს, მაგალითად, სიცივეს არ აღიქვამს ხელისშემშლელად…

ანრი ჯოხაძე:

როდესაც მუსიკალური პროდუქცია მოგწონს, თავისი ავტორიან-შემსრულებლიანად, სხვა ენთუზიაზმი ირთვება. თავად გამიჩნდა სურვილი, კლიპი გადამეღო და შევთავაზე, საახალწლო განწყობის ვიდეოს გაგიკეთებთ-მეთქი. კარგები არიან, მეგობრები არიან და მათთან მუშაობა დიდი სიამოვნებაა.

ლაშა ჯოხაძე, დიზაინერი:

სამოსი შევარჩიე ლოკაციების მიხედვით. სიმღერა ძალიან მომწონს, ჰიტია, რომ დაგამახსოვრდება და აიჩემებ. ვერიკომაც ძალიან შემიწყო ხელი, რომ მოეხდინა სამოსი. მიხარია, რომ ამ ყველაფრის მონაწილე ვარ. კომფორტული ადამიანები არიან ანრიც, ვერიკოც და თემოც. სიამოვნებით ვმუშაობ მათთან და ამის შემდეგაც სიამოვნებით ვიმუშავებ.

რატი დურგლიშვილი:

მართლა ვერ ვმალავ ემოციებს (იღიმის). ამ ვიდეოს ველოდები დიდი ხანია. სიმღერა ვერიკომ მომასმენინა, შავი ვერსია. ბრავო თემოს და ვერიკოს, ყველანაირად მაგარი სინთეზია. მიუხედავად იმისა, რომ ამ ბოლო ხანში ძალიან კარგი პროდუქტი შეიქმნა, თემოსა და ვერიკოს კლიპით დიდი სიამოვნება მივიღე. ბედნიერი ვარ, რომ ჩემს მეგობრებსა და კოლეგებს ასეთი მაგარი ნამუშევარი აქვთ. დარწმუნებული ვარ, უამრავი ადამიანი შეიყვარებს, რადგან მუსიკა საერთო ენაა. ბრავო ანრის, შემოქმედებით ჯგუფს და იმ მუსიკოსებს, რომლებმაც ჩანაწერში მიიღეს მონაწილეობა.

სოფო ბედია:

ძალიან მომეწონა, ულამაზესი კლიპია, საოცრად გამოიყურება ორივე. კიდევ რამდენიმეჯერ რომ მეყურებინა, ნამდვილად არ დავიღლებოდი. ვულოცავ წარმატებულ ნამუშევარს!..

კლიპის პრემიერის შემდეგ შეკრებილმა საზოგადოებამ „თავადურში“ გადაინაცვლა, სადაც საღამო ძალიან მხიარულად გაგრძელდა და დასრულდა. სცენაზე ერთმანეთს საღამოს მასპინძლები და მათი კოლეგები ენაცლებოდნენ, რომლებმაც სიამოვნებით მიულოცეს ვერიკოსა და თემოს ახალი ვიდეორგოლის პრემიერა. ფოტოგალერეა

ფოტო: დათუნა აგასი

ნინო მურღულია

სიახლეები/

|

December 15, 2017 / 3:27 pm

საკვანძო სიტყვები

TOP სიახლეები

სტეფანე: „ნინო და ილიკო სუხიშვილები, ზოგი „კოლეგისგან“ განსხვავებით, „ნაფტალინის აბაზანებში“ არ წვანან…“

სტეფანე მღებრიშვილი საკუთარი „ფეისბუქის“ გვერდზე „სუხიშვილების“ გარშემო ატეხილ სკანდალს ეხმაურება. მომღერლის თქმით, ნახა ინტერვიუ, რომელიც ნინო და ილიკო სუხიშვილებმა „ცეკვა ქართულთან“ დაკავშირებით მისცეს და კიდევ ერთხელ დარწმუნდა, რომ გენიოსებმა გაზარდეს. სტეფანე წერს: „ილიკოს და ნინოს ინტერვიუს ვუსმინე – “განმარტებას”… და კიდევ ერთხელ დავრწმუნდი, რომ იმდენად გენიოსებმა გაზარდეს და ისე სწორად, რომ მეტი არ შეიძლება… ბევრი […]

„სუხიშვილების“ ცეკვის შესახებ კიდევ ერთი იუმორისტული ვიდეო გავრცელდა

სოციალურ ქსელში ბელა მაღლაფერიძე აქვეყნებს იუმორისტულ ვიდეოს, სადაც „სუხიშვილების“ „ცეკვა ქართულის“ შესახებ მოსაზრებებს გამოთქვამს. ვიდეოს „ფეისბუქზე“ უამრავი ნახვა და მოწონება ხვდა წილად. როგორც ბელა მაღლაფერიძე აღნიშნავს: „ისეთი საშინელება იყო, რომ დღემდე „აჩკები“ მიკეთია. ვიყავი, შვილო, კონცერტზე, მაგრამ „სუხიშვილები“ იყო? ილიკომ, უნდა განვავითაროთ ცეკვაო. განვითარება რად უნდა ცეკვასა და ქართულსა, განვითარება უნდა ეკონომიკასა და ქვეყანასა… გამოვიდა […]

რუსი გოგონები, რომლებიც საქართველოში მუშაობენ, თბილისს აკრიტიკებენ: „თბილისი, შენ მაინც სოფელი ხარ!..“

სოციალურ ქსელში ვრცელდება ელენე ინაურის პოსტი, სადაც ის ორი რუსი გოგონას შესახებ წერს. მისი თქმით, ისინი საქართველოში მუშაობენ, ტურისტები ჩამოჰყავთ, თუმცა ჩვენს ქვეყანას ვერ იტანენ და ამას სოცქსელში სხვადასხვა პოსტით ხშირად გამოხატავენ. ელენე აღნიშნავს: „გოგოები რომლებიც ცხოვრობენ თბილისში. ეწევიან ტურისტულ საქმიანობას, აქვთ კერძო ბიზნესი, პარალელურად ვერ იტანენ საქართველოს, ვერ იტანენ ქართველებს და არ აღიარებენ საქართველოს […]

Facebook

რეკლამა

მსგავსი სიახლეები

ვერიკო ტურაშვილს კახი კალაძემ პირადად დაურეკა და კონცერტში მონაწილეობაზე დაითანხმა

გიორგი გასვიანის თოქშოუში სტუმრად ვერიკო ტურაშვილი მივიდა, რომელმაც უპასუხა წამყვანის შეკითხვას, მართლა დაურეკა პირადად კახი კალაძემ და დაითანხმა თუ არა საახალწლო კონცერტში მონაწილეობაზე. (ვრცლად/ვიდეო)

მალე სეზონის ჰიტი ვერიკო ტურაშვილისა და თემო საჯაიასგან – ნახეთ კლიპის პირველი პრომო (ვიდეო)

თემო საჯაიას „თოვს“, რომლის მელოდიაც და ტექსტიც მომღერალს ეკუთვნის, მან დუეტში ვერიკო ტურაშვილთან ერტად შეასრულა. კლიპის გადაღებები ახალ სიმღერაზე უკვე დასრულებულია. მისი რეჟისორი ანრი ჯოხაძეა, რომელიც ვიდეოს უკვე ამონტაჟებს. ახლახან მან კლიპიდან ამონარიდი გააზიარა და დააწერა: „მალე… სეზონის“ ჰიტი. როგორც ჩვენთვის ცნობილია, ახალ კომპოზიციაზე გადაღებულ ვიდეოს მომღერლები დეკემბრის შუა რიცხვებში შემოგვთავაზებენ. მალე… სეზონის ჰიტი <3 […]

კახა კუხიანიძე და ვერიკო ტურაშვილი ცნობილი ქართული სიმღერის ახალ ვერსიას შემოგვთავაზებენ

კახა კუხიანიძე და ვერიკო ტურაშვილი კვლავ გაერთიანდნენ დუეტისთვის, თუმცა ამჯერად ისინი ცნობილ ქართულ სიმღერას გააცოცხლებენ, რომელიც ყველას ძალიან უყვარს. როგორც კახამ ჩვენთან საუბრისას აღნიშნა, გადაღებები უკვე მიმდინარეობს, იღებენ ცხვარიჭამიაში, თბილისის ზღვის ტერიტორიაზე და ასევე ერთ-ერთ კაფეში. კლიპში ვერიკოსა და კახას გარდა, პატარა გოგონა და ბიჭი მონაწილეობენ. კლიპში მომღერლების ჩაცმულობაზე დიზაინერმა მეგი გაბუნიამ იზრუნა. ვიდეორგოლის პრემიერა […]

ვერიკო ტურაშვილისა და თემო საჯაიას კლიპს ანრი ჯოხაძე იღებს

ვერიკო ტურაშვილსა და თემო საჯაიას დუეტზე მალე კლიპს ვიხილავ. მეგობრებმა და კოლეგებმა ერთობლივი ნამუშევარი ჩაწერეს, რომელსაც ვიდეორგოლიც მოჰყვება. ვერიკომ სოციალურ ქსელში ახლახან ფოტოები განათავსა გადასაღები მოედნიდან, საიდანაც ჩანს, როგორ ხელმძღვანელობს გადაღებების პროცესს მომღერალი ანრი ჯოხაძე. ის ამ კლიპის რეჟისორია. ანრის ადრეც უმუშავია ვერიკოსთან ამ კუთხით და როგორც ჩანს, მათი კიდევ ერთი თანამშრომლობა შედგა. როგორც ვერიკომ […]

თემო საჯაიას წარმატებული გამოსვლა საერთაშორისო მუსიკალურ კონკურსზე (ვიდეო)

თემო საჯაია მუსიკალურ კონკურსში Silk Way Star (აბრეშუმის გზის ვარსკვლავი) მონაწილეობს. მასზე საქართველოს ჩათვლით 9 ქვეყანის წარმომადგენელი გამოდის. კონკურსი დაახლოებით „იქს ფაქტორის“ ფორმატისაა და საკმაოდ პრესტიჟულია. მუსიკალური ღონისძიება 11 სექტემბერს დაიწყო და სხვადასხვა ტურისგან შედგება. ახლახან მისი მესამე ტური შედგა, სადაც კონკურსანტებმა მსოფლიო ჰიტი შეასრულეს. თემო საჯაიას „აეროსმიტის“ ცნობილი სიმღერა ,,Don’t Want to Miss a […]

რეკლამა