ვერიკო ტურაშვილმა და თემო საჯაიამ გასულ წელს „ოქროს ტალღის“ დაჯილდოების ცერემონიაზე დუეტით „თოვს“, რომლის მუსიკაც და ტექსტიც თემოს ეკუთვნის, ორ ნომინაციაში გაიმარჯვეს, გახდნენ „მიუზიკბოქსის“ რჩეულები და მოიპოვეს გამარჯვება „წლის დუეტის“ კატეგორიაში.
„ოქროს ტალღის“ მნიშვნელობისა და მოპოვებული ჯილდოების შესახებ ვერიკოსა და თემოს სასტუმრო „ადამოში“ ვესაუბრეთ.
„ოქროს ტალღა“ ახლოვდება. გავიხსენოთ წინა წლის ემოციები, როცა ორ კატეგორიაში გაიმარჯვეთ.
ვერიკო:
წინა წლის ემოციები მთელი წელი გამყვა და არაფერი გამიკეთებია, რადგან მეგონა, რომ უკვე ყველაფერი გავაკეთე (იცინის). მოგეხსენებათ, ზოგადად არ ვარ ამბიციური ადამიანი, მით უმეტეს, პროფესიულ საკითხებში, მაგრამ ვფიქრობ, რომ წარდგენილ,ნამუშევრებს შორის ჩვენი სიმღერა ერთ-ერთი კარგი ნამუშევარი იყო, ველოდებოდით, რომ ვყოფილიყავით ნომინაციებში და გაგვემარჯვა კიდეც.
სიმღერით „თოვს“ ორ ნომინაციაში გავიმარჯვეთ, მოლოდინები გაგვიმართლა. ძალიან ბედნიერეები ვიყავით.ა ვიღეთ წლის დუეტის კატეგორია და ასევე გავხდით „მიუზიკბოქსის“ რჩეულები.