თიკა ფაცაცია: „აქამდე ცოტათი რობოტებს ვგავდით, კორონას შემდეგ, ალბათ, უფრო მეტად დავემსგავსებით ადამიანებს…“

0
960

თიკა ფაცაცია, გარდა იმისა, რომ საკუთარ პროფესიულ მოვალეობას ასრულებს და „რუსთავი 2“–ის ეთერში გადაცემას უძღვება, ოჯახური საქმიანობა მთლიანად საკუთარ თავზე აიღო, ასრულებს რეკომენდაციას და რჩება შინ.

თავიდან ცოტა გაუჭირდა, ახლა კი, ყველა საქმეს საკუთარი დრო და ადგილი გამოუძებნა და შვილების ონლაინგგანათლების საკითხშიც აქტიურადაა ჩართული.

თიკა, რაც დრო გადის, ბევრს უფრო უჭირს რეკომენდაციების გათვალისწინება და შინ ჯდომა. შენ როგორ ხარ?

თიკა ფაცაცია:

ალბათ, პირველ რიგში, ადამიანებს ფსიქოლოგიურად უჭირთ. მე პირიქით დამემართა. თავიდან, როცა ეს ყველაფერი დაიწყო, განსაკუთრებით კი, იტალიაში სიტუაციის გართულების შემდეგ, და იქიდან მოყოლებული, როცა ჩვენთან ახალი დაფიქსირებული შემთხვევები გამოვლინდა, ცოტათი მქონდა ისტერიის მომენტები. შემდეგ, როცა ამ ვირუსის შესახებ ბევრი რამ წავიკითხე, გავეცანი ინფორმაციას, დავმშვიდდი. მივხვდი, რომ რეკომენდაციების გათვალისწინებით, პირველ რიგში, ბევრი რამის შეცვლა შეგვიძლია.

ადამიანებს სახლში ჯდომა, გარდა იმისა, რომ სამსახურები დაკარგეს და ფინანსური პრობლემებიც შეექმნათ, ფსიქოლოგიურადაც ძალიან უჭირთ. ეს გარკვეულ გამძლეობას მოითხოვს. თავიდან, პირველი სამი დღე, იმდენ საქმეს ვეცი სახლში, რომ ფიზიკურად ძალიან გადავიღალე. მერე მივხვდი, რომ ეს ყოველივე სწორად უნდა გამენაწილებინა. ამის შემდეგ ნაკლებადაც ვიღლები და შინ ყველაფერს ვუმკლავდები, ვამზადებ სადილს, ვატარებ დროს შვილებთან ერთად, სახლის საქმეებს ვაკეთებ.

ყველაზე მეტად, ფსიქოლოგიურად დამეხმარა, როდესაც შევწყვიტე ყველანაირი ნიუსის ყურება და წაკითხვა. საწყის ეტაპზე ყველა ქვეყნის ამბავი მაინტერესებდა, ვინ სად დაახველა და დააცემინა… ახლა ვინტერესდები მხოლოდ ჩემს ქვეყანაში შექმნილი მდგომარეობით. რამდენად კარგად უმკლავდებიან ამ ვირუსს და ა.შ. და ამით ვასრულებ. უფრო კარგად ვგრძნობ თავს. ყველანაირი ინფორმაციის მიღებამ ძალიან დამაზარალა. ძალიან გამაღიზიანებელი იყო…

(ვრცლად/ფოტოები)

LEAVE A REPLY

Please enter your comment!
Please enter your name here