თბილისის მოდის კვირეული 19-22 აპრილს გაიმართება

თბილისის მოდის კვირეული 19-22 აპრილს გაიმართება

თბილისის მოდის კვირეულის მე-17 სეზონი 19-დან 22 აპრილის ჩათვლით გაიმართება. 2018 წლის შემოდგომა-ზამთრის სეზონის კოლექციების ჩვენებებს, შოურუმს და სხვა ღონისძიებებს თბილისის ბალნეოლოგიური კურორტი უმასპინძლებს. კვირეული თბილისის მერიის, საქართველოს კულტურისა და სპორტის სამინისტროს, ეკონომიკისა და მდგრადი განვითარების სამინისტროს, სააგენტოს „აწარმოე საქართველოში“ და ტურიზმის ეროვნული ადმინისტაციის მხარდაჭერით ხორციელდება Check in Georgia-ს ფარგლებში.

კვირეულმა დაამკვიდრა ტრადიცია და გახსნის დღეს ქართული კულტურისა და ხელოვნების ლეგენდებს უთმობს. 19 აპრილს, SOLO წარმოადგენს პროექტს „მედეა ჯაფარიძე – Style Icon”, რომელიც თბილისის მოსწავლე-ახალგაზრდობის ეროვნული სასახლის ბაღში ჩატარდება. წვეულებაზე გაცოცხლდება კადრები ფილმიდან „ქეთო და კოტე“, პერფორმანსის და გამოფენის სახით ვიხილავთ „ქეთოს სამოსს“, ღარაჩოღელებსა და სხვა ამონარიდებს კლასიკად ქცეული ქართული ფილმიდან.

კვირეულის 4-დღიანი პროგრამა მოიცავს 20-მდე ღონისძიებას, რომელთა შორისაა ქართველი და უცხოელი დიზაინერების ჩვენებები: ქეთი ჩხიკვაძე, ანი დათუკიშვილი, Tsite by Tamara Tsiteladze, ლაშა ჯოხაძე, ELENNY, MIA, SAYYA, MIRO, Mak Mari. ლონდონის და მილანის მოდის კვირეულების შემდეგ, თბილისელი მაყურებლის წინაშე წარდგება მამაკაცის სამოსის საერთაშორისო ბრენდი 1377.

კვირეული განაგრძობს ახალი ტალანტების აღმოჩენას და მათ პოპულარიზაციას. სელექციის შედეგად, 10-მდე ახალბედა დიზაინერი წარდგება მაყურებლის და ჟიურის წინაშე დამწყებ დიზაინერთა კონკურსზე 20 აპრილს, გამოვლინდებიან სხვადასხვა ნომინაციაში გამარჯვებულები, რომლებსაც   სხვადასხვა პრიზები გადაეცემათ ადგილობრივი და საერთაშორისო პარტნიორებისგან.

ჩვენებების პარალელურად ასევე მოეწყობა სხვა ღონისძიებები: Martini და Sobranie after party გაიმართება Museum Hotel-ში, ატელიე მართას აქსესუარების პრეზენტაცია „ვეფხისტყაოსნის“ თემაზე მოეწყობა კაფეში „შავი ლომი“, Flying Painters პრეზენტაცია გაიმართება ფაბრიკაში, Ethere accessoire პრეზენტაცია/პერფორმანსი თბილისის ბალნეოლოგიური კურორტის ბაღში იქნება წარმოდგენილი, ახალგაზრდა არტისტების Authentic Art Lab გამოფენას “ელემენტარული ნაწილაკები“ რესტორანი „სტრადა“ უმასპინძლებს მარჯანიშვილზე. კვირეულის განრიგშია ასევე ექსპოზიცია „ქართული სამოსი“, რომელიც სპეციალურად საერთაშორისო პრესისთვის გაიმართება საქართველოს ხელოვნების სასახლეში.

გრძელდება პროექტი – Talks by Marketer.ge – საუბარი მოდის მარკეტინგზე 21 აპრილს გაიმართება. SOLO-ს ლაუნჯი ჭავჭავაძეზე 100-მდე მარკეტოლოგსა და მოდის მიმდევარს გაუღებს კარს, რათა INSTITUTO MARANGONI-ის ხელმძღვანელის გიუზი ლარას და მოდის საერთაშორისო პორტალის NOWFASHION მთავარი რედაქტორის ელიზაბეტა ტუდორის გამოსვლა მოისმინონ. ღონისძიება დახურულ ფორმატში გაიმართება და მასზე დასწრების უფლების მიღება, მხოლოდ კვირეულის ორგანიზატორებისგან და Marketer.ge-სგან არის შესაძლებელი.

ტურიზმის ეროვნული ადმინისტრაციის მხარდაჭერით თბილისის მოდის კვირეულს ამ სეზონზე 20ზე მეტი საერთაშორისო გამოცემა გააშუქებს, რომელთა შორისაა  Vogue Italia, Vogue UK, Vogue Russia, Vogue Ukraine, Vogue Poland, Style Sight Worldwide, Buro 24/7, L’officiel Ukraine, Harper’s Bazaar Kazakhstan – Ukraine and Russia, NOWFASHION, Glamour Italy and Netherlands, WWD, WhoWhatWear, Trendspace, Esquire Italy, Oyster magazine, StreeTrends, SNC magazine, Refinery 29, Frankie & Clo. რაც შეეხება კვირეულის კომერციულ ნაწილს, ამ სეზონზეც სააგენტოს „აწარმოე საქართველოში“ ხელშეწყობით რამდენიმე მნიშვნელოვანი მყიდველი/ბაიერი ჩამოვა თბილისში და ქართველ დიზაინერებს მიეცემათ შანსი რომ საერთაშორისო გაყიდვები აწარმოონ ისეთ პარტნიორებთან როგორებიცაა H Lorenzo (LA, USA), ALDUCA D’AOSTA (VENEZIA, Italy), TOMORROW SHOWROOM (MILAN, PARIS, LONDON, NEW YORK), Mytheresa.com (Germany), Espacemonochrome.com (Monaco),  Bangkok department store, Saks Fifth Avenue (Kazakhstan), Youconcept London (UK).

თბილისის მოდის კვირეულის ბექსთეიჯში ორი ბრენდი იმუშავებს. კომპანია ARTHOUSE თმის ვარცხნილობებზე იზრუნებს, ხოლო მოდელების მაკიაჟს INGLOT-ის სპეციალისტები შეასრულებენ. აღსანიშნავია, რომ კვირეულის ბექსთეიჯის და სტრითსთაილის ფოტოები ძალიან აქტიურად ვრცელდება და დიდი პოპულარობით სარგებლობს როგორც სოციალურ მედიაში, ასევე საერთაშორისო ფოტო პორტალებსა და ვებ გვერდებზე.

ოფიციალური მასპინძელი:  თბილისის ბალნეოლოგიური კურორტი

მხარდამჭერები: თბილისის მერია, საქართველოს კულტურისა და სპორტის სამინისტრო, საქართველოს ეკონომიკისა და მდგრადი განვითარების სამინისტრო, სააგენტო „აწარმოე საქართველოში“, ტურიზმის ეროვნული ადმინისტრაცია, Check in Georgia.

პარტნიორები: არტ ჰაუსი, INGLOT, გაბუნია და პარტნიორები, SOBRANIE, მეიდან ჯგუფი, Martini,  სასტუმრო მუზეუმი, SOLO, Weekend Max Mara, შავი ლომი, მოსწავლე-ახალგაზრდობის ეროვნული სასახლე, Garden Hall, საქართველოს ხელოვნების სასახლე.

საინფორმაციო მხარდაჭერა: ტელეკომპანია “იმედი”, “ნარგისი საქართველო“,  Marketer.ge, “Music Box”, „რადიო ფორტუნა” ,„არტარეა”, Georgia Today, “ალმა – alma”.

 

სიახლეები/

|

April 2, 2018 / 1:47 pm

საკვანძო სიტყვები

TOP სიახლეები

Facebook

რეკლამა

მსგავსი სიახლეები

მამაკაცების ქუჩის სტილი მოდის კვირეულზე თბილისში (ფოტოები)

1-5 ნოემბერს თბილისში მერსედეს ბენცის მოდის კვირეული იმართება. დღეს დასკვნითი დღეა და კიდევ რამდენიმე კოლექციის წარდგენა იგეგმება. როგორც ყოველთვის, ამ ღონისძიებას ძალიან კარგი გაშუქება ახლავს საერთაშორისო პრესის მხრიდან. ახლახან საიტმა Fuckingyoung.com გამოაქვეყნა თბილისური მოდის კვირეულის ქუჩის სტილი, ოღონდ მხოლოდ მამაკაცების, სადაც საინტერესო და ორიგინალურ იმიჯებს შეხვდებით. (ფოტოები)

ქეთი ჩხიკვაძე: „გულის ფორმის აქსესუარებით გამოვხატე სიყვარული ჩემი ქვეყნის მიმართ…“

დიზაინერ ქეთი ჩხიკვაძის 2019 წლის გაზაფხული-ზაფხულის ფერადი კოლექციით თბილისის მოდის კვირეულის მე-18 სეზონი დაიხურა. ეს არის კოლექცია, რომელიც მან პარიზში მცირე ხნის წინ წარადგინა, ახლა კი მისი ნახვა თბილისის მოდის კვირეულის ქართველ და უცხოელ სტუმრებს, საერთაშორისო პრესის წარმომადგენლებსა და ბაიერებს შეეძლოთ. ქეთი ჩხიკვაძის კოლექცია ზურაბ წერეთლის მუზეუმში ვიხილეთ, შესაბამისი ინსტალაციის ფონზე, რომელიც მოდის კვირეულის წლევანდელ […]

ლაშა ჯოხაძის აქცია-პერფორმანსი და პროტესტი თბილისის მოდის კვირეულზე

ლაშა ჯოხაძის კოლექციით თბილისის მოდის კვირეულის მეთვრამეტე სეზონი 19 ოქტომბერს, „ღვინის ქარნახა #1“-ში გაიხსნა. დიზაინერი საზოგადოებისთვის ცნობილი „ცეკვავენ ვარსკვლავებისთვის“ შექმნილი კოსტიუმებით გახსნა. პროექტზე დღემდე მუშაობს, თუმცა საკუთარი ატელიე ძალიან დიდი ხანია აქვს და კერძო შეკვეთებსა და კოლექციებზე მუშაობს. თბილისის მოდის კვირეულს წელს ეკომიმართულება აქვს და მოგვიანებით, აპირებს, მხოლოდ ბუნებრივი ქსოვილებით შეკერილ კოლექციებს დაუთმოს პოდიუმი. ბუნებასთან […]

„მგონია, რომ ბელა მირიანაშვილი მიწაზე ფეხს არ ადგამდა“ – ქართული სტილის კერპის საღამო ფუნიკულიორზე

18 ოქტომბერს, ფუნიკულიორზე თბილისის მოდის კვირეულის მეთვრამეტე სეზონი ქართველი კინოვარსკვლავის, ულამაზესი ბელა მირიანაშვილისადმი მიძღვნილი საღამოთი გაიხსნა. ქართველებისთვის ერთ-ერთი ყველაზე საყვარელი კინომსახიობი სამწუხაროდ, ადრე წავიდა ამ სფეროდან, მაგრამ წარუშლელი კვალი დატოვა ყველაზე, ვინც მისი როლები ფილმში თუ სპექტაკლებში ნახა… ბელა მირიანაშვილის საღამო ბასა ფოცხიშვილისა და მისი გუნდის რეჟისურით დაიდგა. პროექტის წარმდგენი თბილისის მოდის კვირეულის „სტილის კერპის“ […]

თბილისის მოდის კვირეული ბელა მირიანაშვილისადმი მიძღვნილი საღამოთი გაიხსნება

„სტილის კერპი“ – უკვე მერამდენე სეზონია, თბილისის მოდის კვირეული ულამაზესი ქართველი ქალბატონებისადმი მიძღვნილი საღამოებით იხსნება. ამჯერად მთაწმინდაზე ფუნიკულიორის რესტორანში 18 ოქტომბერს ბელა მირიანაშვილს წარმოგვიდგენენ, როგორც სტილის კერპს. ქართველ კინოვარსკვლავს პირველად აღმოაჩენენ უცხოური პრესის წარმომადგენლები, რომლებისთვისაც „სტილის კერპის“ საღამოები ერთ-ერთი ყველაზე მნიშვნელოვანი მოვლენაა კვირეულის ფარგლებში. ღონისძიების რეჟისორი, როგორც ყოველთვის ბასა ფოცხიშვილია. მედია „სოლო“-ს ჭავჭავაძეზე მდებარე ოფისში […]

რეკლამა