თბილისის ჯაზფესტივალის ორი გასაკუთრებული დღე და სცენაზე აფრიალებული საქართველოს დროშა

თბილისის ჯაზფესტივალის ორი გასაკუთრებული დღე და სცენაზე აფრიალებული საქართველოს დროშა

29 აპრილს, „ივენთ ჰოლში“, „თიბისი სტატუსის“ მხარდაჭერით, „ისთერნ ფრომოუშენსმა“თბილისის მორიგი ჯაზფესტივალი გახსნა. სიახლე ის გახლავთ, რომ ამიერიდან ამ ღონისძიებას არა შემოდგომაზე, არამედ გაზაფხულზე დაესწრებით და თქვეც შერჩეულია, აპრილი, თარიღებიც ყოველ წელს იდენტური იქნება, რადგან 30 აპრილს, ჯაზის საერთაშორისო დღე აღინიშნება და როდის უნდა გაიმართოს თბილისის ჯაზფესტივალის ერთი კონცერტი მაინც, თუ არა სწორედ ამ დღეს…

წლევანდელ 30 აპრილს ბენდი „მაილს ელექტრიკი“ სპეციალურ სტუმართან, რავი კოლტრეინთან ერთად წარდგება მაყურებლის წინაშე. ნამდვილი ჯაზური სიამოვნების მისაღებად მელომანები მზად არიან, თუმცა არანაკლებ საინტერესო იყო წინა ორი საღამო, რომლითაც „ისთერნ ფრომოუშენსმა“ გაგვანებივრა.

29 აპრილს, ფესტივალის გახსნა ქართველებს მიანდეს. მამსნელის წინაშე „ივენთ ჰოლში“ სანდრო კვაჭაძე წარდგა ტრიოს შემადგენლობაში და საავტორო მუსიკა შემოგვთავაზა, რისთვისაც მაყურებლის აპლოდისმენტები დაიმსახურა. შემდეგ კი სცენაზე „The Bad Plus“ წარდგა – ტრიო, რომლის მუსიკალური ჰარმონიების მოსმენას აშკარად საჭირდება გავარჯიშებული ყური, კომპოზიციების შიგნით მელოდიებისა და ტემპის უეცარ ცვლილებას ალღო კარგად რომ აუღოს. ჯაზისა და ავანგარდული ჯაზის ჟანრში მოღვაწე ჯგუფს 12 ალბომი აქვს გამოცემული დაარსების დღიდან და დღემდე აგრძელებს საინტერესო მუსიკალურ გზას…

„თქვენთან შესახვედრად 18 საათის განმავლობაში ვიფრინეთ და უკან იგივე გზა უნდა გავიაროთ, მაგრამ ნამდვილად ღირდა“, ასე მოგვმართა სცენიდან 29 აპრილს, „რესპუბლიკის“ კომფორტულ სივრცეში შეკრებილებს ამერიკული აკაპელა ჯგუფის „Naturally 7“ ერთ-ერთმა წევრმა. არ აქვს მნიშვნელობა, რომელი მუსიკალური მიმდინარეობის მოტრფიალე ხართ ან უსმენთ თუ არა საერთოდ მუსიკას, თუკი მელოდიური ნახაზი არ დაგაინტერესებთ, იმით მაინც გაოცდებით, როგორ ახერხებს შვიდი ადამიანისგან დაკომპლექტებული ანსამბლი ამა თუ იმ ინსტრუმენტის მიბაძვას და სცენაზე ყველანაირი აკომპანემენტის გარეშე არაჩვეულებრივი ატმოსფეროს შექმნას. საკუთარი რეპერტუარის გარდა, ჯგუფის წევრებმა წარმოადგინეს რამდენიმე ცნობილი კომპოზიციაც, სტინგის „Englishman in new york“ და Coldplay-ს „Fix You“, რომელიც კონცერტის მიწურულს შესრულდა, განსაკუთრებული გამოდგა, რის შემდეგაც მომღერლები ბისზე გამოიწვიეს, მათაც არ დაიზარეს დამატებით კომპოზიციების შესრულება და საქართველოს დროშაც ააფრიალეს სცენაზე. ჟურნალისტებთან კი განაცხადეს, რომ დარბაზიდან მიღებული დიდი ენერგეტიკის გამო, არასდროს იტყვიან უარს ქართველ მსმენელთან შეხვედრაზე.

ფოტოები: ილია ბაბურაშვილი

ნინო მურღულია

(ფოტოები/ვიდეო)

სიახლეები/

|

April 30, 2018 / 2:45 pm

საკვანძო სიტყვები

TOP სიახლეები

ქლოე კარდაშიანს ანუკი არეშიძის მიერ შექმნილი პალტო აცვია (ვიდეო)

ქლოე კარდაშიანს ანუკი არეშიძის მიერ ბრენდისთვის „Anouki“ შექმნილი ბრჭყვიალა პალტო აცვია. შესაბამისი ვიდეოები თავად დიზაინერმა გამოაქვეყნა სოციალურ ქსელში. ქლოემ მბზინავი პალტო ერთ-ერთ ღონისძიებაზე მოირგო. ქართველი დიზაინერებით კარდაშიანების ოჯახი საკმაოდ დაინტერესებულია. კარდაშიანებს ხშირად აცვიათ დემნა გვასალიას კოლექციიდან ნამუშევრები. გარდა ამისა, კორტნი კარდაშიანმა გიორგი ქებურიას თხელი სათვალეებიც მოირგო არაერთხელ. ქართველი დიზაინერები საერთაშორისო მედიის ყურადღების ცენტრში დემნა გვასალიას […]

შიშველმა თამო ვაშალომიძემ ინტიმურ ადგილებზე ხინკლები აიფარა (ფოტო)

თამო ვაშალომიძე პროვოკაციული ფოტოსესიებით აქამდეც ანებივრებდა თაყვანისმცემლებს. ახლახან სოციალურ ქსელში კიდევ ერთი ფოტო განათავსა, სადაც სრულიად შიშველს ინტრიმურ ადგილებს ხინკლები უფარავს და ხინკალს მიირთმევს. მოწონების რაოდენობით თუ ვიმსჯელებთ, თამოს მორიგმა ექსპერიმენტმა გაამართლა. როგორც ჩანს, თამო ვაშალომიძემ მიბაძა სამანტას პერსონაჟს ფილმიდან „სექსი დიდ ქალაქში“, როდესაც სამანტა თავის შეყვარებულს ელოდება და შიშველ სხეულზე სუშის დაიწყობს, თუმცა სუშის […]

ვერიკო ტურაშვილი და კახა კუხიანიძე ვენაში კონცერტს გამართავენ

ვერიკო ტურაშვილსა და კახა კუხიანიძეს 23 თებერვალს ავსტრიაში, ვენაში ელოდებიან. ისინი ქართველი ემიგრანტებისთვის ერთობლივ კონცერტს გამართავენ. ეს არის რიგით მესამე კონცერტი, რომელსაც მომღერლები ავსტრიაში მცხოვრები ქართველებისთვის აწყობენ. ღონისძიების ორგანიზატორია ეკა ჭელიძე. მომღერლები შეასრულებენ სიმღერებს საკუთარი რეპერტუარიდან, მათ შორის, დუეტებს, რომლებიც ერთობლივად აქვთ ჩაწერილი – სიმღერებს: „ერთი დღე“ და „დეკემბერი“.

Facebook

რეკლამა

მსგავსი სიახლეები

თბილისის ჯაზფესტივალს BAD PLUS 28 აპრილს გახსნის

Eastern Promotions და TBC STATUS წარმოგიდგენთ თბილისის რიგით 21-ე ჯაზფესტივალს. ფესტივალში ტრადიციულად მსოფლიოში აღიარებული მუსიკოსები მიიღებენ მონაწილეობას. ღონისძიებამ, შეგახსენებთ, აპრილის თვეში ოქტომბრიდან გადმოინაცვლა და ამის შემდეგ სულ გაზაფხულზე გაიმართება. ორგანიზატორები ჯაზფესტივალის ერთ-ერთ კონცერტს აუცილებლად დაამთხვევენ ხოლმე ჯაზის საერთაშორისო დღეს, რომელიც 30 აპრილს მთელ მსოფლიოში აღინიშნება, მათ შორის, საქართველოშიც. ამ დღეს თბილისის ჯაზფესტივალს რავი კოლტრეინი დახურავს […]

რეკლამა