სუნამო, რომელიც ვნებიანი კოცნის შეგრძნებას გადმოსცემს: ახალი არომატი Cartier -სგან

სუნამო, რომელიც ვნებიანი კოცნის შეგრძნებას გადმოსცემს: ახალი არომატი Cartier -სგან

ქალურობისა და მგრძნობელობის სინთეზი – ასე ახასიათებენ პარფიუმერიის ექსპერტები იმ ახალ არომატს, რომელიც პარფიუმერულმა კომპანიამ ”ისი-პარი” მომხმარებელს დღეს წარუდგინა. სუნამო სახელწოდებით Baiser Fou ქალბატონებისთვის შეიქმნა და ფრანგულ ბრენდ Cartier-ს ეკუთვნის.

როგორც ”ფორტუნას” ”ისი-პარის” მარკეტინგისა და პიარის დეპარტამენტის ხელმძღვანელმა ხატია შამუგიამ განუცხადა, ახალი სუნამოს შეძენა მომხმარებელს ”ისი-პარის” ყველა ფილიალში უკვე 19 აპრილიდან შეუძლია. სუნამო სამნაირ შეფუთვაშია – 30, 50 და 100 მილილიტრიან შეფუთვებში.

”ეს არის სუნამო თავდაჯერებული ქალბატონებისთვის. Baiser Fou -ს არომატი წარმოადგენს ნამდვილ სინთეზს ქალურობისა და მგრძნობელობის. მისი შემადგენლობა კი ასეთია: სურნელოვანი ორქიდეა, რომელიც ქალური გრძნობისა და ბუნების სიმბოლოა და თეთრი შოკოლადი, რომელიც აქამდე არასდროს არ გამოყენებულა, არც ერთ პარფიუმში და რომელიც ვნებიანი კოცნის შეგრძნებას გადმოსცემს”, – აღნიშნა შამუგიამ.

მისივე ინფორმაციით, არანაკლებ საინტერესოა სუნამოს ფლაკონი, რომელიც საოცრად დახვეწილი და ქალურია.

”Baiser Fou -ს ფლაკონი არის, როგორც სამკაული ქალური ხელწერის. თავსახური წარმოადგენს Cartier -ს ერთ-ერთი ბეჭდის დიზაინს. საოცრად ლამაზია სუნამოს შეფუთვაც – ეს არის ქალური და თავლისმომჭრელი მალინისფერი და მკვეთრი ვარდისფერი, რომელიც გამოხატავს სუნამოს ტკბილ ხასიათს”, – განმარტა ”ისი-პარის” მარკეტინგისა და პიარის დეპარტამენტის ხელმძღვანელმა.

მისივე თქმით, გარდა ამ სიახლისა, კომპანია მალე მომხმარებელს სილამაზის ახალ ცენტრსაც წარმოუდგენს, რომელიც დაახლოებით 3 თვეში გაიხსენება. ამასთან, იგეგმება ახალი ბრენდების შემოყვანაც. ”2017 წელი სულ ახლახან დაიწყო და ”ისი-პარი”-მ ქართულ ბაზარზე უკვე 4 ახალი ბრენდი შემოიყვანა, ესენია: Zadig & Voltaire, Missoni, Byblos და Coach. წლის ბოლომდე კი დამატებით კიდევ რამდენიმე ბრენდს წარვუდგენთ ჩვენს მომხმარებელს. ასე რომ, ”ისი-პარის”-გან უამრავი სიურპრიზი გელით წინ”, – აღნიშნა შამუგიამ.

შეგახსენებთ, ”ისი-პარის” პირველი მაღაზია თბილისში 1995 წლის 29 მარტს, რუსთაველის გამზირზე გაიხსნა. ამ ეტაპზე ბრენდი საქართველოში 23 მაღაზიითაა წარმოდგენილი – აქედან 18 მაღაზია თბილისში მდებარეობს, დანარჩენი 5 კი – ფოთში, რუსთავში, ბათუმსა და ქუთაისში.

სიახლეები/

|

April 20, 2017 / 5:18 pm

საკვანძო სიტყვები

TOP სიახლეები

ანრი ჯოხაძის ახალ კლიპში შორენა ბეგაშვილი საპატარძლო კაბით გამოჩნდა (ვიდეო)

ანრი ჯოხაძე საზოგადოებას მალე ახალ კლიპს წარუდგენს. მასში ცნობილი სახეები მონაწილეობენ, მათ შორის შორენა ბეგაშვილი საპატარძლო კაბაში, მსახიობი თაკო აბაშიძე, მომღერალი თაკო გაჩეჩილაძე და სხვები. „მრავალი წელია, არ ამიწყვეტია. მალე ახალი კლიპი“ – გააზიარა ვიდეოდან ამონარიდი ანრი ჯოხაძემ. კლიპიდან ამონარიდს საკმაოდ დიდი გამოხმაურება მოჰყვა სოციალურ ქსელში. ანრის ახალ ნამუშევარს მისი თაყვანისმცემლები მოუთმენლად ელიან. (ვიდეო)

აჩი ფურცელაძემ და სალომე გოგიაშვილმა საზაფხულო ჰიტი ჩაწერეს (ვიდეო)

აჩი ფურცელაძე და სალომე გოგიაშვილი ჩელენტანოს ძველი სიმღერის ქართული ვერსიის ახლებურ ვარიანტზე მუშაობენ. არანჟირების ავტორი დავით უგრეხელიძეა. როგორც გახსოვთ, ეს სიმღერა, რომლის სახელწოდებაა „რომ არ მოგეფერო“, წლების წინ აჩი ფურცელაძემ და ქეთა თოფურიამ ჩაწერეს. აჩიმ და სალომემ ვიდეო გამოაქვეყნეს, სადაც საუბრობენ, რომ ამ სიმღერის საცეკვაო ვერსიას მალე მოვისმენთ და ახალი საზაფხულო ჰიტი გველოდება. (ვიდეო)

„Soho“ ბათუმში ნინი ბადურაშვილის კონცერტს გეგმავს

ბათუმში მდებარე პოპულარულ კლუბში „Soho“ ნინი ბადურაშვილის კონცერტი იგეგმება. 21 ივლისს მომღერალი მსმენელის წინაშე ბენდ „Non-Stop“-თან ერთად წარდგება. ჯგუფთან ერთად ნინიმ ახალი ლაივ-პროგრამა გააკეთა. მას ბექვოკალისტებიც უმშვენებენ გვერდს. ნინიმ თავისი რეპერტუარის პრეზენტაცია, სადაც ქართული და უცხოური ჰიტები შედის, მცირე ხნის წინ თბილისში გააკეთა. ნინიმ თავად დააანონსა 21 ივლისის კონცერტი და აღნიშნა, რომ კლუბში მოსულ მსმენელს […]

Facebook

რეკლამა

[bsa_pro_ad_space id=1]

რეკლამა