სტეფანემ კონცერტზე მსმენელს დაუჩოქა – „სიტყვები არ მყოფნის, ისეთი გულკეთილები ხართ…“

სტეფანემ კონცერტზე მსმენელს დაუჩოქა – „სიტყვები არ მყოფნის, ისეთი გულკეთილები ხართ…“

სტეფანე მღებრიშვილმა თბილისის დიდ საკონცერტო დარბაზში გუშინდელი კონცერტის შესახებ დაწერა: „ვეცდები, ყველას პასუხი გაგცეთ! წარმოუდგენელი მადლობა ყველას! სათითაოდ ყველას! ფილარმონიის ფობია მქონდა. ბავშვობიდან მეშინოდა ამ დარბაზის და არ ვამბობდი! ამიტომ მთელი ღამე არ მეძინა და როცა ჩამეძინა, თავის ტკივილით გავიღვიძე! იმ გუნდის გარეშე არაფერი არ გამომივიდოდა, ყველას უშველებელი მადლობა! უბრალოდ, სიტყვები არ მყოფნის, ისეთი გულკეთილები ხართ ! სათითაოდ ყველა!“

როგორც აღმოჩნდა, ამ კონცერტის მონაწილეები ისევე ნერვიულობდნენ, როგორც მისი მთავარი გმირი. განსაკუთრებით ხმის რეჟისორი გიორგი გვარჯალაძე, რომელმაც ასევე აღნიშნა, რომ წინა ღამე გაათენა.

კონცერტს გუნდის მუშაობა აშკარად ეტყობოდა – ულამაზესი სცენა, მუსიკოსების საუკეთესო შემადგენლობა, ნაფიქრი რეპერტუარი, სადაც ყველა სიმღერა მსმენელისთვის ნაცნობი იყო… ღონისძიების დასასრულს ყველა თანხმდებოდა, რომ სტეფანესა და მის გუნდს სანერვიულო ნამდვილად არ ჰქონიათ, „ჩექ ინ ჯორჯიას“ ხელშეწყობით ჩატარებულმა კონცერტმა ძალიან კარგად ჩაიარა.

სტეფანეს ღელვა სცენაზეც იგრძნობოდა. მან კონცერტი მადლობის თქმით დაიწყო ყველა იმ ადამიანისთვის, რომელიც ფილარმონიაში მივიდა და დაიჩოქა კიდეც დიდი საკონცერტო დარბაზის სცენაზე მსმენელის წინაშე.

მომღერალი მთელი კონცერტის განმავლობაში ძალიან აქტიური იყო. დარბაზშიც ჩამოვიდა, როცა სიმღერას „დაგელოდები“ ასრულებდა და იქ მსხდომ მსმენელს მიესალმა, განსაკუთრებული სიყვარული კი კახი კალაძისა და ანუკი არეშიძის მიმართ გამოხატა, რომლებიც ასევე ესწრებოდნენ კონცერტს, მთელ დარბაზთან ერთად იცეკვა, შემდეგ კი ისევ სცენას დაუბრუნდა.

სტეფანესთან ერთად დუეტები შეასრულეს მაია დარსმელიძემ, ქეთათომ, ლელა წურწუმიამ, სამმა გოგომ – ქრისტინე იმედაძის, თაკო გაჩეჩილაძისა და ნინი ბადურაშვილის შემადგენლობით, აჩიკო სოლოღაშვილმა…

ცალკე აღსანიშნავია სცენაზე მდგომი მუსიკოსები – კარგი ბექვოკალისტების შემადგენლობა, ასევე კომპოზიტორი და ვოკალისტი, მაიკო კაჭკაჭიშვილი, ბასისტი ლევან დეისაძე, დრამერი ზაზა ცერცვაძე, მესაყვირე გიორგი შამანაური, პიანისტი პაატა ანდრიაძე, გიტარისტი უჩა მეტრეველი და სპეციალურად კონცერტისთვის ნიუ იორკიდან ჩამოსული, გიორგი ბერიშვილი, იგივე ხონძი, უკვე აღიარებული საქსოფონისტი, რომლის მოსმენაც განსაკუთრებული სიამოვნება იყო…

კონცერტის შემდეგ კომენტარებისთვის დამსწრე ცნობილ სახეებს მივმართეთ. პირველ რიგში, მაიკო კაჭკაჭიშვილის შთაბეჭდილებებით დავინტერესდით, რომელმაც, როგორც აღმოჩნდა, სტეფანესთან პირველად იმუშავა: „ძალიან კმაყოფილი ვარ კონცერტით. მასთან პირველად ვიმუშავე და ძალიან დიდი სიამოვნება მივიღე. მომწონს მისი სიმღერები, მისი დამოკიდებულება საქმის მიმართ, მომწონს მისი პროფესიონალიზმი. დიდი სიამოვნებით გავაგრძელებდი მასთან მუშაობას“.

(ვრცლად/ფოტო/ვიდეო)

სიახლეები/

|

June 8, 2018 / 3:23 pm

საკვანძო სიტყვები

TOP სიახლეები

ქლოე კარდაშიანს ანუკი არეშიძის მიერ შექმნილი პალტო აცვია (ვიდეო)

ქლოე კარდაშიანს ანუკი არეშიძის მიერ ბრენდისთვის „Anouki“ შექმნილი ბრჭყვიალა პალტო აცვია. შესაბამისი ვიდეოები თავად დიზაინერმა გამოაქვეყნა სოციალურ ქსელში. ქლოემ მბზინავი პალტო ერთ-ერთ ღონისძიებაზე მოირგო. ქართველი დიზაინერებით კარდაშიანების ოჯახი საკმაოდ დაინტერესებულია. კარდაშიანებს ხშირად აცვიათ დემნა გვასალიას კოლექციიდან ნამუშევრები. გარდა ამისა, კორტნი კარდაშიანმა გიორგი ქებურიას თხელი სათვალეებიც მოირგო არაერთხელ. ქართველი დიზაინერები საერთაშორისო მედიის ყურადღების ცენტრში დემნა გვასალიას […]

შიშველმა თამო ვაშალომიძემ ინტიმურ ადგილებზე ხინკლები აიფარა (ფოტო)

თამო ვაშალომიძე პროვოკაციული ფოტოსესიებით აქამდეც ანებივრებდა თაყვანისმცემლებს. ახლახან სოციალურ ქსელში კიდევ ერთი ფოტო განათავსა, სადაც სრულიად შიშველს ინტრიმურ ადგილებს ხინკლები უფარავს და ხინკალს მიირთმევს. მოწონების რაოდენობით თუ ვიმსჯელებთ, თამოს მორიგმა ექსპერიმენტმა გაამართლა. როგორც ჩანს, თამო ვაშალომიძემ მიბაძა სამანტას პერსონაჟს ფილმიდან „სექსი დიდ ქალაქში“, როდესაც სამანტა თავის შეყვარებულს ელოდება და შიშველ სხეულზე სუშის დაიწყობს, თუმცა სუშის […]

ვერიკო ტურაშვილი და კახა კუხიანიძე ვენაში კონცერტს გამართავენ

ვერიკო ტურაშვილსა და კახა კუხიანიძეს 23 თებერვალს ავსტრიაში, ვენაში ელოდებიან. ისინი ქართველი ემიგრანტებისთვის ერთობლივ კონცერტს გამართავენ. ეს არის რიგით მესამე კონცერტი, რომელსაც მომღერლები ავსტრიაში მცხოვრები ქართველებისთვის აწყობენ. ღონისძიების ორგანიზატორია ეკა ჭელიძე. მომღერლები შეასრულებენ სიმღერებს საკუთარი რეპერტუარიდან, მათ შორის, დუეტებს, რომლებიც ერთობლივად აქვთ ჩაწერილი – სიმღერებს: „ერთი დღე“ და „დეკემბერი“.

Facebook

რეკლამა

მსგავსი სიახლეები

სტეფანე „მოვა“-ს ახალ ვერსიას ამზადებს (ვიდეო)

სტეფანემ ახლახან „ინსტაგრამზე“ გამოაქვეყნა ვიდეო, სადაც ჩანს, როგორ მუშაობს ბენდის წევრებთან ერთად თავისი ძველი სიმღერის ახალ ვერსიაზე. საუბარია დუეტზე, რომელიც მან წლების წინ თამუნა ამონაშვილთან ერთად შეასრულა. სიმღერის სახელწოდებაა „მოვა“ და მასზე გადაღებული კლიპიც ბევრ ჩვენგანს ახსოვს. იმ პერიოდში ის ერთ-ერთი ყველაზე პოპულარული ჰიტი იყო. როგორც სტეფანე წერს, ჯერჯერობით ახლა არჩევენ სიმღერას და ვერსიას ქმნიან, […]

სტეფანემ ზუგდიდში კონცერტის დროს პუტინს მსმენელთან ერთად აგინა (ვიდეო)

We don’t wanna put in – ყველას გვახსოვს ეს სიმღერა, რომელიც სტეფანემ და სამმა გოგომ (თაკო გაჩეჩილაძე, ნინი ბადურაშვილი და ქრისტინე იმედაძე) „ევროვიზიისთვის“ შექმნეს. კონკურსი მაშინ რუსეთში ტარდებოდა და საორგანიზაციო კომიტეტმა სიმღერის ტექსტის შეცვლა მოითხოვეს, თუმცა ქართველმა მონაწილეებმა პოლიტიკური კონტექსტის ჩამოშორბა არ ისურვეს და ისინი „ევროვიზიაზე“ არ დაუშვეს. წლების შემდეგ ეს სიმღერა სტეფანემ ზუგდიდში გამართულ […]

სტეფანე და ნანი ბრეგვაძე დუეტს წერენ (ფოტო+ვიდეო)

მალე ვაჟა აზარაშვილის სიმღერას ნანი ბრეგვაძესთან ერთად სტეფანე წარმოგვიდგენს. ვერსია და არანჟირება ნიკოლოზ რაჭველს ეკუთვნის, მონაწილეობენ პაატა ანდრიაძე, ზაზა ცერცვაძე, ლევან დეისაძე და უჩა მეტრეველი, ანუ იმ ბენდის წევრები, რომლებიც სტეფანესთან ერთად თითქმის ყველა ბოლოდროინდელ ჩანაწერზე მუშაობდნენ, ასევე საქართველოს ეროვნული სიმფონიური ორკესტრი და პიანისტი ბექა გოჩიაშვილი. სტეფანემ ჩაწერაზე გადაღებული ფოტოები ახლახან განათავსა სოციალურ ქსელში, ასევე […]

თეონა კონტრიძე სტეფანეს რუსოფობიის გამო აკრიტიკებს – „ვიღაცა ბრიყვებისთვის რუსეთი იქცა „გოიმობის“ სინონიმად…“

სტეფანე მღებრიშვილის რუსეთისადმი დამოკიდებულება კარგად არის ცნობილი. თავის დროზე მან „ევროვიზიისთვის“ ჩაწერა სიმღერა, რომელსაც თაკო გაჩეჩილაძესთან, ქრისტინე იმედაძესა და ნინი ბადურაშვილთან ერთად ასრულებდა და სახელწოდებიდან გამომდინარე (We don’t wanna put in), „ევროვიზიიდან“ პოლიტიკური ქვეტექსტის ქონის გამო მოხსნეს. სტეფანე რუსეთში კონცერტებს არ ატარებს, მიუხედავად იმისა, რომ როგორც თავად მცირე ხნის წინ დაწერა, უამრავი შეთავაზება აქვს. ახლახან […]

სტეფანემ მოსკოვში კონცერტზე უარი თქვა – „აქამდე ამით არ „მიმარიაჟია“, მაგრამ ახლა გამოსავალს არ მიტოვებენ!..“

სტეფანე მღებრიშვილმა ახლახან გამოაქვეყნა სტატუსი, სადაც განმარტავს, რომ მიუხედავად მის კოლეგებს შორის გავრცელებული ხმებისა, მოსკოვში კონცერტზე გამგზავრებას არ აპირებს. სტეფანე წერს, რომ ეს ხმები უსაფუძვლოა და მოუწოდებს კოლეგებს, არ დაუჯერონ მათ, ვინც საპირისპიროს ამტკიცებს პირად საუბრებში. სტეფანეს სტატუსს გთავაზობთ: „არ გეგონოთ პათეტიკური და ქულების დამწერი პოსტი. უბრალოდ, უკვე მეათედ გადაამოწმეს და მინდა დავწერო. რაღაც კონცერტი […]

რეკლამა