სტეფანემ ახლახან „ინსტაგრამზე“ გამოაქვეყნა ვიდეო, სადაც ჩანს, როგორ მუშაობს ბენდის წევრებთან ერთად თავისი ძველი სიმღერის ახალ ვერსიაზე. საუბარია დუეტზე, რომელიც მან წლების წინ თამუნა ამონაშვილთან ერთად შეასრულა. სიმღერის სახელწოდებაა „მოვა“ და მასზე გადაღებული კლიპიც ბევრ ჩვენგანს ახსოვს. იმ პერიოდში ის ერთ-ერთი ყველაზე პოპულარული ჰიტი იყო.
როგორც სტეფანე წერს, ჯერჯერობით ახლა არჩევენ სიმღერას და ვერსიას ქმნიან, ამიტომაც ვიდეოში მცირე შეცდომებია.
სტეფანე ბენდთან ერთად ემზადება რამდენიმე კონცერტისთვის, რომელიც საახალწლო პერიოდში ექნება.