„მხოლოდ ქართულის“ პირველი სეზონის გამარჯვებული, სოფო ბათილაშვილი მოპოვებულ პოპულარობას ინარჩუნებს და სხვადასხვა კლუბში კონცერტებს მართავს. ერთ-ერთი კონცერტი ახლახან „ოტიუმში“ გაიმართა. რა თქმა უნდა, სოფო თავის მუდმივ მუსიკალურ პარტნიორებთან, კომპოზიტორ ზვიად ბოლქვაძესა და ჯგუფ „ნიუტონთან“ ერთად გამოვიდა. მათ უკვე საკუთარი პროგრამა აქვთ, რომელიც ძველი ქართული სიმღერების ახალ ვერსიებს მოიცავს. ზოგიერთი მათგანი მსმენელისთვის კარგადაა ცნობილი, ზოგიც კი მცირე ხნის წინ გაკეთდა.
ვიდეოში, რომელიც მაცაცო კევლიშვილმა გაავრცელა სოციალურ ქსელში, „ტრიალებს“ არის გადაღებული, რომელიც სოფომ და ზვიადმა ახალი ვერსიით შემოგვთავაზეს.