როგორ გაუმკლავდა ირმა სოხაძე მაღალი თანამდებობის პირების მხრიდან სექსუალური შევიწროვების მცდელობას

როგორ გაუმკლავდა ირმა სოხაძე მაღალი თანამდებობის პირების მხრიდან სექსუალური შევიწროვების მცდელობას

ირმა სოხაძე ჟურნალ „თბილისელებთან“ საუბრობს იმის შესახებ, როგორ ცდილობდა რამდენიმე თანამდებობის პირი მის მოხიბვლას. მომღერალი აღნიშნავს, რომ ასეთ დროს ძალიან მაგარი ხდება და პასუხის დაბრუნებაც შეუძლია.

ირმა სოხაძე ამბობს:

„რომ ვთქვა, ჩემთვის არც ერთ კაცს არ შემოუხედავს სხვანაირად-მეთქი, არ დამიჯერებთ. უფრო მეტიც, ყოფილა ორი-სამი შემთხვევა, როცა პოლიტიკოსები და მაღალი თანამდებობის პირები ცდილობდნენ ამას და ის ადამიანები დღემდე არანორმალურები მგონია, იმიტომ, რომ ასე აშკარად გამოხატვა სხვას რას მივაწერო, არ ვიცი. თუმცა, მე ამის არასდროს შემშინებია, ვინც უნდა, ის ყოფილიყო. არ მიფიქრია, რომ ეს იმხელა ძალადობა იყო, რომელსაც მე ვერ გავუმკლავდებოდი.

პირველივე ასეთ ცდაზე აბსოლუტურად უმტკივნეულოდ დამიმთავრებია. ერთი ნახევრად ხუმრობით შევაშინე: შემიძლია, ამის შესახებ გამოვაქვეყნო და იმდენი ადამიანი მენდობა, ყველა დამიჯერებს, როცა მოვყვები თქვენი საქციელის შესახებ-მეთქი.

ასეთ სიტუაციებში ძალიან მაგარი ვხდები. არის ქალების კატეგორია, ვისაც თავის დაცვა არ შეუძლია და ამ ყველაფერს იტანს. ასეთებს ყველა გვერდით უნდა დავუდგეთ. რა ამატანინებს ვინმეს მხრიდან ასეთ საქციელს? თუ ისეთი გიჟია, რომ არ მეშვება, მაშინ მართლა მივიღებდი ზომებს.

მოდი, ქალებო, ნუ შევშინდებით და ისე ვიდგეთ, როგორც გვეკადრება. კაცი ბედავს, გაუვა – კარგია, არ გაუვა – არა უშავს. მაგრამ ქალს თუ კატეგორიულად არ უნდა, მხოლოდ გიჟი თუ გაბედავს მეორედ მსგავსი რამის გაფიქრებას. თუ ასეთი შეგხვდება, უპირველესად, მეუღლეს უნდა უთხრა, როცა მის ზეწოლას დამოუკიდებლად ვერ უმკლავდები. შენ თუ საბაბი არ მიეცი, ისე არავინ შემოგხედავსო, ასეთი აზრიც არსებობს, მაგრამ კარგი რა, ვიცით კაცების ამბავი. იმის გამო, რომ ასე არავინ იფიქროს, ბევრი ქალი ითმენს ამ ყველაფერს, რაც უარესია. ამიტომ მე მათ ქალისთვის შესაფერის სიმაღლეზე დგომისკენ მოვუწოდებ“.

სიახლეები/

|

April 2, 2018 / 2:03 pm

საკვანძო სიტყვები

TOP სიახლეები

სელინ დიონი დემნა გვასალიას მაღაზიაში შოპინგობს (ფოტოები)

მსოფლიო ვარსკვლავი სელინ დიონი ბოლო დროს თავისი ჩაცმულობით მედიასა და თაყვანისმცემლებს აკვირვებს. ის დროდადრო ამა თუ იმ საინტერესო და უცნაური იმიჯით ჩნდება ხოლმე საზოგადოების წინაშე. ბოლო დროს ჩაცმულობას განსაკუთრებულ ყურადღებას აქცევს და ბევრჯერ ახალგაზრდულად შემოსილიც გამოჩენილა სხვადასხვა ადგილას. ამჯერად ის „ბალენსიაგას“ მაღაზიაში დააფიქსირეს. ბრენდის კრეატიული დირექტორი და იმ ნამუშევრების ავტორი, რომლითაც მთელი მსოფლიო დადის, ქართველი […]

სალომე გოგიაშვილი: „არც მკერდის ოპერაცია დამიმალავს და არც ცხვირის“

სალომე გოგიაშვილმა ახლახან ცხვირის ოპერაცია გაიკეთა და ძალიან კმაყოფილი დარჩა შედეგით. როგორც ამბობს, მისი ოჯახის წევრებს, მათ შორის მეუღლესა და შვილებს არ უნდოდათ, მაგრამ თავად რამდენიმე წელი ფიქრობდა დაცემისას გამრუდებული ცხვირის ფორმის შეცვლაზე და როგორც იქნა, ბევრი ფიქრის შემდეგ გადაწყვიტა… როგორც „თბილისელებთან“ ინტერვიუში ამბობს, მას არც ცხვირის ოპერაციის ამბავი დაუმალავს, რადგან სურდა, ვისაც ასეთი განზრახვა […]

Tbilisi Open Air 2019-ის ჰედლაინერი Franz Ferdinand იქნება

Tbilisi Open Air-ის ლაინაფი და ჩატარების თარიღი ცნობილია. Tbilisi Open Air 2019-ში 10 წლის იუბილეს აღნიშნავს და 21, 22 და 23 ივნისს Lisi Wonderland-ში გაიმართება. ფესტივალის ჰედლაინერები არიან Franz Ferdinand, Mogwai, UNKLE, Rhye, David August, The Subways, Michelle Gurevich, 1200 Micrograms, ‘მწვანე ოთახი’. საერთო ჯამში – 70-მდე შემსრულებელი. Tbilisi Open Air-ზე 4 სცენა იმუშავებს. ფესტივალის […]

Facebook

რეკლამა

რეკლამა