„ჩემი ცოლის დაქალების“ ჯგუფი მაყურებელს ახალ ინტერნეტსერიალს სთავაზობს. ამიერიდან ყოველ ოთხშაბათს, 22:00 საათზე, ინტერნეტგვერდის საშუალებით გექნებათ „აისის“ პერსონაჟების ცხოვრებისთვის თვალის მიდევნების საშუალება.
პირველი სერია ამ ოთხშაბათს გამოვიდა, თუმცა ძალიან მცირე ქრონომეტრაჟით, რამაც მაყურებლის გულისწყრომა დაიმსახურა – „რა ხანია, ველოდები და რო მეგონა, თრეილერს ვუყურე, თურმე სერია მინახავს და მეორე ასეთს კიდე მთელი კვირა უნდა ველოდო“, აღნიშნავს ერთ-ერთი მაყურებელი.
სერიალის გამოსვლას ეხმაურება ნანუკა ჟორჟოლიანი და წერს:
„მომწონს ეს გადაწყვეტილება! არანაირი თურქული ან ინდური! ქართული სერიალი პრაიმზოლში. ვგულშემატკივრობ ყველაფერს, რაც დამზადებულია საქართველოში <3 p.s. იმედია ქრონომეტრაჟს გაზრდით, თორემ მაყურებელი იგინება…“