რატომ მოხვდა დავით ქაცარავა ჩაფიძის კლინიკაში

რატომ მოხვდა დავით ქაცარავა ჩაფიძის კლინიკაში

ჯომარდობის ფედერაციის პრეზიდენტი და აქტივისტი დათო ქაცარავა რამდენიმე დღის წინ საავადმყოფოში გულის პრობლემის გამო მოხვდა. სხვადასხვა სააგენტომ მისი ჯანმრთელობის მდგომარეობასთან დაკავშირებით არასწორი ინფორმაცია გაავრცელა. თავად სპორტსმენი ახლა თავს უკეთ გრძნობს, საავადმყოფოში რამდენიმე დღე გაატარა, ახლა კი გამოკვლევებს იტარებს, თუმცა, როგორც ჟურნალ „სარკესთან“ ინტერვიუში აცხადებს, სერიოზული პრობლემა გულზე არ აქვს.

დათო ქაცარავა:

24 იანვარს სახლში ვიყავი, გამთენიისას ლავიწის ძვალთან ჭვალი ვიგრძენი და ტკივილიც სწრაფად გაძლიერდა. ჩემი მშობლები ექიმები არიან და ოჯახმა სასწრაფოს გამოძახების გადაწყვეტილება მალევე მიიღო. მე კი გადავწყვიტე, ჩაფიძის გულის კლინიკაში დამოუკიდებლად წავსულიყავი.

შევედი თუ არა საავადმყოფოში, ძალიან ცუდად გავხდი. საბედნიეროდ, მაგარი ექიმები დამხვდნენ. რამდენიმე წუთში დამაძინეს ან გავითიშე, ეს უკვე აღარ მახსოვს. რეანიმაციულ განყოფილებაში დამაწვინეს. შემდეგ ინტენსიურში გადამიყვანეს და ორი დღე პალატაში გავატარე.

გამოკვლევებით რა დადგინდა?

გამოკვლევები ჯერჯერობით არ არის დასრულებული, თუმცა საბედნიეროდ, დიდი ცვლილებები სისხლძარღვების ან რომელიმე ორგანოსი, მათ შორის, გულის, არ აღინიშნება. ძალიან ჯანმრთელი ორგანიზმი მაქვს და ყველაფერს გაუძლო.

…ცხოვრებაში პირველად მოვხვდი საავადმყოფოში. გულის პრობლემა, რომელიც საკმაოდ მწვავე აღმოჩნდა, ნერვიულობის ფონზე შემექმნა. საბედნიეროდ, მალე გამომწერეს საავადმყოფოდან.

ბოლო ათი თვეა, საკმაოდ მძიმე ცხოვრება მიწევს. ყველაფერი ნერვულმა სტრესმა გამოიწვია.

რატომ იყო მძიმე ეს თვეები, პირადული ხასიათის პრობლემების თუ ობიექტური გარემოებების გამო?

ბოლო ათი თვეა, რაც ცხოვრებისეული პრობლემები მაქვს, მაგრამ პირად პრობლემებზე საჯარო საუბარი არ მიყვარს. ოკუპირებულ ტერიტორიებზე ერთი თვეა, რაც ვმორიგეობთ და ემოციის გარეშე არც ამ სიტუაციის ყურებაა მარტიცი. ალბათ, ყველაფერმა ერთად მოიყარა თავი და ამიტომაც იმოქმედა ჩემს ჯანმრთელობაზე.

სიახლეები/

|

January 31, 2018 / 1:19 pm

საკვანძო სიტყვები

TOP სიახლეები

„მხოლოდ ქართულს“ 18%-იანი რეიტინგი აქვს – „სუპერკლასი ვიხილე!..“

„მხოლოდ ქართული“ უკვე მესამე ორშაბათია, ეთერშია. როგორც ნანუკა ჟორჟოლიანი წერს, მისი 18%-იანი რეიეტინგი იმას ნიშნავს, რომ მხოლოდ ქართული სიმღერების პროექტი დროულად გაკეთდა. ნიკა გვარამიამ ასევე შეაფასა საკუთარ არხზე დაწყებული შოუ და აღნიშნა: „ნერვიულობისგან და გადაღლისგან ჩამეძინა, რაც უიშვიათესად ხდება. სამაგიეროდ, გავიღვიძე, გადავახვიე და სუპერკლასი ვიხილე! ვამაყობ ყოველი თქვენგანით, ვინც შოუზე იმუშავეთ და ნამდვილად საუკეთესო ათეული […]

კაბუს ინტერვიუ, რომელიც დაჭერამდე მისცა – „წელიწადნახევარი ვიწვალე, მკურნალობა დავასრულე…“

ჟურნალ „სარკის“ დღევანდელ ნომერში რეპერ კაბუსთან (კახა აბუაშვილი) ინტერვიუ გამოქვეყნდა. დღესვე ცნობილი გახდა, რომ საზღვარგარეთ მცხოვრები ცნობილი მსახიობი და რეპერი სპეცოპერაციის დროს კანონიერ ქურდებთან ერთად დააკავეს და სხვა ქართველებთან ერთად კრიმინალური ჯგუფის წევრობას ედავებიან. კაბუ ადრეც იყო დაკავებული ნარკოდანაშაულთან დაკავშირებით, შემდეგ კი საფრანგეთში ნარკოდამოკიდებულების დასაძლევად გაემგზავრა. დღევანდელ „სარკესთან“ მან სწორედ წელიწადნახევრიან მკურნალობის კურსზე ისაუბრა. მან […]

ია ფარულავა ფადი ასლისთან ურთიერთობას საკუთარ შოუში გაარკვევს

ია ფარულავა „რუსთავი 2“-ზე ახალ გადაცემას იწყებს, სადაც პოპულარულ ადამიანების პირადი ცხოვრების შესახებ კითხვებს დაუსვამს და თუკი მათგან გულწრფელ საუბარს მოისმენს, თანხასაც გადაუხდის. გადაცემის სახელია „ფარული კონცერტი“ და მას ვანო ჯავახიშვილის გუნდი ამზადებს. ჟურნალ „სარკესთან“ ინტერვიუში ია ფარულავა აღნიშნავს, რომ აქამდე „რუსთავი 2“-ზე ორჯერ იყო მცდელობა, რომ მას გადაცემა წაეყვანა მაგრამ ვერც ერთი პროექტი ვერ […]

Facebook

რეკლამა

მსგავსი სიახლეები

“ჩვენ არ გვაქვს იმის ფუფუნება, თუნდაც ერთი სიცოცხლე დაიკარგოს მარიხუანას გამო“

თოქ-შოუ "პროფილის“ გუშინდელი თემა, მარიხუანას ლეგალიზება იყო, გადაცემის სტუმრები ნინა წკრიალაშვილი, სტეფანე და ნიკა ქავთარაძე, დავით ქაცარავას დაუპირისპირდნენ. ქაცარავა მარიხუანას ლეგალიზების წინააღმდეგია, სწორედ ეს გახდა დაპირისპირების მიზეზი.

რაში ადანაშაულებს სახელმწიფოს დავით ქაცარავა?

ჯომარდობის ფედერაციის პრეზიდენტი დავით ქაცარავა სოციალურ ქსელში პოსტს აქვეყნებს და აცხადებს, რომ დაპირების მიუხედავად, სახელმწიფო კანოეს ფედერაციას არ დაეხმარა.

დათო ქაცარავა: “Kia Sportage – ეს ის მანქანაა, რომელსაც ქალიც და მამაკაციც სიამოვნებით მოირგებს“

”კია მოტორს ჯორჯიამ” საქართველოში უახლესი, 2016 წლის Kia Sportage ჩამოიყვანა, რომელიც თავისი მკაფიო და დინამიური დიზაინით კიდევ უფრო დახვეწილი ავტომობილის შთაბეჭდილებას ტოვებს.

რეკლამა