ქეთი დოლიძე დათო ტურაშვილს დაუპირისპრიდა

ქეთი დოლიძე დათო ტურაშვილს დაუპირისპრიდა

სოციალურ ქსელში დათო ტურაშვილის “ავტოპორტრეტის“ გავრცელებას დიდი გამოხმაურება მოჰყვა. საზოგადოებამ წლების წინ შექმნილი, ტურაშვილის ნაწარმოები დადებითად შეაფასა. ავტოპორტრეტში მწერალი წერს, რომ ეშინია ქეთი დოლიძის. რასაც რეჟისორის გაღიზიანება მოჰყვა. მოგვიანებით დოლიძემ “ფეისბუქზე“ დათო ტურაშვილის საპასუხოდ სტატუსი გამოაქვეყნა.

“დათო ტურაშვილს
(გაოცებით!)
ადამიანმა ყურადღება შეიძლება არ მიაქციო, არ უნდა მიაქციო, როდესაც შენზე პასკვილს წერს, ან კბილს გაგკრავს უცხო ადამიანი, ან ბოროტი, ან ვიღაც, ვისი არსებობაც არც გაინტერესებს და მითუმეტეს მისი აზრი.

დათო ტურაშვილმა თავისი ავტობიოგრაფია გამოაქვეყნა!

წარმოუდგენელია არ შევეპასუხო ადამიანს, რომელიც, მისი უნივერსიტეტში გამოსვლის დღიდან, 90-ანების დასაწყისში, ჩემთვის აღფრთოვანების, სიხარულის და იმედის შუქურად გადაიქცა!
ის, მაშინ, საბჭოეთის საზარელ მანქანას შეებრძოლა, რადგან საქართველოს ისტორიას და მის ძეგლებს იცავდა, ითხოვდა დავით გარეჯიდან ჯარის გაყვანას! რა კარგი იყო მაშინ!!!!

ახლა, თავის ავტობიოგრაფიაში, კითხვაზე “ვის ემალებით?”- ჰოი, საოცრებავ, პასუხობს: ქეთი დოლიძეს!

ახლა მე ვუპასუხებ:
ემალებიან ადამიანს, რომელიც დაგსდევს, გეძებს, არ გასვენებს, სადმე მოგიხსენიებს და ა.შ…..

აგერ 5 თუ 6 წელია მისთვის თვალი არ მომიკრავს. არასდროს შევხმიანებივარ და არანაირი ურთიერთობა არ მქონია!

ამიტომ ვერ მივხვდი, როდის, სად და რატომ მემალება!

ახლა კი კითხვებზე პასუხების მიხედვით:

“მიკვირს – გულგრილი ადამიანების”
მე ეტყობა, დათო, შენს მიმართ “გულგრილობა” მაშინ გამოვიჩინე, როდესაც 2000 წელს, ედინბურგში, დიდი სიყვარულით, შენი წიგნის პრეზენტაცია გაგიმართე, ერთ-ერთ ყველაზე კარგ დარბაზში!
გახსოვს, რა მოხდა მაშინ?
მე მონო სპექტაკლს ვთამაშობდი, რომელზეც ყველა ბილეთი გაყიდული იყო და კონტრაქტით 22 სპექტაკლი უნდა მეთამაშა!
ერთი კვირის თავზე დამირეკეს, რომ ჩემი ძმა, თემურ დოლიძე გარდაიცვალა!
ეს იყო ყველაზე დიდი ტრაგედია, რაც დამატყდა თავს!
დაკრძალვაზე ვერ ჩამოვდიოდი და დილიდან საღამომდე ვტიროდი…

ხუთშაბათს, თბილისში დაკრძალვა იყო.
იმავე დღეს დათო ტურაშვილის წიგნის პრეზენტაცია იყო დანიშნული.
გულს ვერ ვატკენდი და მიუხედავად ყველაფრისა, ეს პრეზენტაცია ჩავატარეთ!

პასუხი კითხვაზე: “მახსოვს – თითქმის ყველაფერი”
ეს შემთხვევა და ის, როგორ მედექი ის დღეები გვერდზე, ხომ გახსოვს, დათო?

ახლა უფრო ადრე:
1997 წელს, როდესაც ფესტივალი “საჩუქარი” დაარსდა, პირველი, პიტერ ბრუკის და ვანესა რედგრეივის გვერდით, დირექტორატში შეგიყვანეთ შენ, ლაშა ბუღაძე, დათო დოიაშვილი, დათო საყვარელიძე….
მაშინაც ჩემს გვერდზე იდექი…
გახსოვს?

კითხვა: “ვინახავ – მოგონებებს” – ამ კარგ მოგონებებს რატომ არ ინახავ?

კითხვა – “მიხარია – სხვისი სიხარული” – პასუხი არაა სწორი! რატომ აღარ გიხარია ან გტკივა, ის რაც ადრე გვაკავშირებდა?

კითხვა – “მრცხვენია – ყველა ჩემი შეცდომის”
საქართველოს მოსახლეობიდან მარტო მე რომ ამომარჩიე და მემალები, ამის არ გრცხვენია?

კითხვა: “უარვყოფ – შურს და სიძულვილს” არ მჯერა, რადგან ჩემს გაუგებარ, საგანგებო გამორჩევას, სწორედ რომ სიძულვილის (?) სუნი უდის. რატომ?

კითხვა ; “მიყვარს – თავისუფლება” – არა მგონია!
პირველად გეუბნები, არსად მითქვამს: რუსთავი2-ს სახე რომ ხარ, არ შეიძლება თავისუფალი იყო და თავისუფლება გიყვარდეს!

აი, მე კი, ნამდვილად თავისუფალი ვარ, რადგან არავის არ ვემსახურები, არაფერს ვმალავ და სიყვარულიც უზომო ვიცი….

იქნებ ჩემს დისშვილებს, არველაძეებს კითხო, თუ ვარ ის ადამიანი, რომელსაც უნდა დაემალო….

“კარგი რამ მჭირდეს, მიკვირდეს, ავი რა საკვირველია!”

მე კი მუდამ მომენატრება ის გულგახეთქილი, უნივერსიტეტის ტრიბუნაზე მდგარი, უშიშარი დათი ტურაშვილი….

ასე რომ, ნუ მემალები, მე არ გეძებ!“ – წერს დოლიძე.

 

სიახლეები/

|

May 1, 2017 / 5:28 pm

საკვანძო სიტყვები

TOP სიახლეები

კახი კალაძის ბოლოდროინდელი „ქუჩის სტილი“ (ფოტოგალერეა)

ქალაქის მერს კახი კალაძეს გემოვნება ნამდვილად არ დაეწუნება, თუმცა მის ჩაცმულობას ყოველთვის მოჰყვება ხოლმე გამოხმაურებები, ზოგჯერ დადებითი, ზოგჯერ – არც ისე. არც მერობამდე და არც მერობის შემდეგ, როგორც ჩანს, კახი კალაძეს ეს ამბავი დიდად არ ანაღვლებს. როგორც ქალაქის მერი, ის დღის განმავლობაში სხვადასხვა ადგილს სტუმრობს და ყოველთვის შესანიშნავად გამოიყურება. ბოლო ასეთ ფოტოებში, რომლებიც სოციალურ ქსელში […]

მაკა ზამბახიძის ჯადოსნური საახალწლოდ მორთული სახლი წყნეთში და ნეკა სებისკვერაძესთან მეგობრობის ამბავი

მაკა ზამბახიძემ წყნეთში, კერძო სახლში მიგვიპატიჟა წინასაახალწლო ფოტოსესიისთვის, თუმცა მხოლოდ „ფორტუნა“ არ ყოფილა იმ დღეს მისი სტუმარი. მაკამ ბავშვობის მეგობარი შვილებთან, ნიკუშასა და დათასთან ერთად მიიწვია და მხიარული ინტერვიუც შედგა, რომელსაც მაკას გოგონა, სალომეც ესწრებოდა… ნეკა: საახალწლოდ ჩვენ ხომ სახლებში არ ვართ ხოლმე (იცინის). ზუსტად ვიცოდი, რომ მაკა ასეთ რამეს ჩაატარებდა და ასე მორთავდა, ვიცი, […]

ნუკი კოშკელიშვილის გამომწვევი საახალწლო ფოტო ინტერნეტს იპყრობს

ნუკი კოშკელიშვილმა „ცელქი“ ფოტო, როგორც თავად უწოდებს, წინასაახალწლოდ „ინსტაგრამის“ მომხმარებელს გაუზიარა. ნუკიმ აქამდეც გამოაქვეყნა ახალი წლის თემატიკაზე გადაღებული ფოტოები, მაგრამ ეს ბოლო ნამუშევარი აშკარად ყველაზე გამომწვევია. ნუკი წერს: „ახლა გავაცნობიერე, რომ მაქვს ერთი ცელქი საშობაო ფოტო, მაგრამ ის ძველია, ასე რომ არ განმსაჯოთ. ძალიან მიყვარს ეს ფოტო, ძალიან მხიარულად ვიმუშავე ჩემს ფავორიტ ფოტოგრაფთან, მაგრამ მას […]

Facebook

რეკლამა

მსგავსი სიახლეები

გია როინიშვილმა ქეთი დოლიძეს კიდევ ერთი სასამართლო პროცესი მოუგო

გია როინიშვილის და ქეთი დოლიძის დაპირისპირება ამ დრომდე გრძელდება. რეჟისორმა მსახიობი შარშან სამსახურიდან გაათავისუფლა, რის შემდეგაც როინიშვილმა დოლიძეს სასამართლოში უჩივლა და დავა მოუგო კიდეც, თუმცა ქეთი დოლიძემ სასამართლო გადაწყვეტილება გაასაჩივრა. როგორც გია როინიშვილი სოციალურ ქსელში წერს, სასამართლომ ამჯერადაც მის სასარგებლოდ მიიღო გადაწყვეტილება.

დღის ფოტო – ბახვა ბრეგვაძე და დათო ტურაშვილი თვითმფრინავში

ბახვა ბრეგვაძემ ახლახან სოციალურ ქსელში სახალისო ფოტო გამოაქვეყნა, დათო ტურაშვილთან ერთად, რომელიც თვითმფრინავშია გადაღებული. ფოტომ მის „ფეისბუქ“-მეგობრებს შორის დიდი მხიარულება და შემდეგი კომენტარები გამოიწვია. „რა გენაღვლებათ“ „სად მოტყდი ასე უჩუმრად და მალულად?“ „რაღაც ტურიკა ვერაა ბოლომდე მოკალათებული“ „რაო, რას ამბობს, წამოიპლაკეო?“ „ქოშები“ „ლამაზი ჩუსტებია“ „ბიზნესკლასში ხართ, თქვე ბურჟუებო?“ „ტურიკას მაინც ერიდება“

რეკლამა