ქართველი მომღერლები, მსახიობები და მოდელები თანამდებობებზე

ქართველი მომღერლები, მსახიობები და მოდელები თანამდებობებზე

ახლახან ზურა ხაჩიძე სამცხე-ჯავახეთის გუბერნატორის მოადგილედ დაინიშნა. მისმა ამ თანამდებობაზე დანიშვნამ საზოგადოებაში დიდი ინტერესი და ვნებათაღელვა გამოიწვია. აღსანიშნავია, რომ ეს არ არის პირველი შემთხვევა, როცა ხელოვანი პოლიტიკაში მიდის. საქართველოს ისტორიას, და არამარტო, არაერთი შემთხვევა ახსოვს, როცა პოლიტიკაში სხვადასხვა დროს სხვადასხვა რანგის ხელოვანი მიდიოდა. ისიც უნდა აღინიშნოს, რომ საქართველოში განსაკუთრებული წარმატება, ამა თუ იმ პოზიციაზე, არც ერთ მათგანს არ ჰქონია…

ვინ არიან თანამდებობებზე ხელოვნების ამა თუ იმ სფეროდან, დღევანდელი ხელისუფლების პირობებში?

ზაზა პაპუაშვილი – რუსთაველის თეატრის ცნობილი მსახიობი, ზაზა პაპუაშვილი, რომელიც საზოგადოებამ არაერთი საინტერესო თეატრალური როლით გაიცნო, საქართველოს პარლამენტის წევრი გახლავთ. პაპუაშვილს პოლიტიკაში მოსვლის დღიდან არაერთი სკანდალური განცხადების ავტორად ვიცნობთ.

ზაზა ხუციშვილი – კიდევ ერთი სახე საქართველოს პარლამენტში „ქართული ოცნებიდან“. ზაზა ხუციშვილი აქტიურად იბრძოდა „ნაციონალური მოძრაობის“ წინააღმდეგ. ის პოპულარული ჯგუფის, „ვაკის პარკის“ სოლისტია. საპარლამენტო მოღვაწეობის პარალელურად, ის ნაკლებად არის დაკავებული სამუსიკო სფეროთი და სიახლეებსაც არ სთავაზობს მსმენელს.

ქრისტინე ბაგრატიონი – ექსმოდელი ქრისტინე ძიძიგური იოანე ბაგრატიონზე გათხოვების შემდეგ ქრისტინე დე ბაგრატიონ-მუხრანი გახდა. წარმატებული სამოდელო კარიერა დაასრულა და სხვა ტიპის კარიერაზე გადაერთო. ქრისტინე მცირე ხნის წინ აჭარის ტურიზმის დეპარტამენტის თავმჯდომარის მოადგილედ დაინიშნა.

სოფო ხალვაში – ცნობილი მომღერალი „ქართული ოცნების“ ღია მხარდაჭერის შემდეგ „აჭარის საზოგადოებრივმა მაუწყებელმა“ ეთერიდან მოხსნა. მომღერალი დიდხანს არ დარჩენილა საქმის გარეშე. ის მალევე დანიშნეს ბათუმის მერის მოადგილედ.

ზურა ხაჩიძე – „ქუჩის ბიჭების“ სოლისტმა, პოპულარულმა შემსრულებელმა სულ რამდენიმე დღის წინ დაიკავა თავისი კაბინეტი, როგორც სამცხე-ჯავახეთის გუბერნატორის მოადგილემ. მას საკუთარი ოჯახი მხარში უდგას. თავად ამბობს, რომ დიდხანს კაბინეტში ჯდომას არ აპირებს და საკუთარ გამოცდილებას სამცხე-ჯავახეთის პოპულარიზაციას მოახმარს.

სიახლეები/

|

June 14, 2019 / 3:25 pm

საკვანძო სიტყვები

TOP სიახლეები

თეონა კონტრიძე: „ირაკლი ჩარკვიანი გენიოსია და სოსო პავლიაშვილი მხოლოდ მოღალატე და სხვა არაფერი?!..“

თეონა კოტრიძემ სოციალურ ქსელში გამოაქვეყნა სოსო პავლიაშვილის სიმღერა „თენდება“ და დაწერა, რომ ის თავისუფალი საქართველოს არაოფიციალური ჰიმნია. როგორც თეონა აღნიშნავს, კიდევ კარგი, რომ ირაკლი ჩარკვიანი დროზე წაიყვანა უფალმა, თორემ ახლა ქართველებისგან უკვე დავიწყებული იქნებოდა… გთავაზობთ თეონას სტატუსს ამ თემაზე: „გინდა, მოღალატედ შემრაცხეთ, გინდა, პუტინის აგენტად, მაგრამ მე, როგორც მუსიკოსი ვამბობ, რომ იმ პერიოდის ყველაზე მნიშვნელოვანი […]

მაია ასათიანი: „მივმართავ ადამიანებს, ვისაც სჭირდება ახსნა, როგორია, როცა ერთადერთი შვილი გიკვდება…“

მაია ასათიანმა „ინსტაგრამზე“ მიმართვა გაავრცელა, სადაც გამოთქვამს გაკვირვებას იმის შესახებ, რატომ გამოიწვია მისმა საცურაო კოსტიუმში დადებულმა ფოტოებმა აჟიოტაჟი და კრიტიკა ქალბატონების მხრიდან. მაია ასათიანის მიმართვას გთავაზობთ: „იმ მდგომარეობაში, რაშიც მე ვარ, ნებისმიერი პოზიტიური სიტყვა არის ჩემთვის სინათლის სხივი. ჩემს თავს სულ ვაძლევ პირობას, რომ უარყოფით დამოკიდებულებაზე არ მექნება რეაქცია, მაგრამ მაინც ძალიან მოქმედებს ჩემზე.  მაპატიეთ, […]

ხატია ბუნიათიშვილის შესრულება პარიზში, ბასტილიის აღების დღისადმი მიძღვნილ კონცერტზე

14 ივლისს, ბასტილიის აღების დღისადმი მიძღვნილი კონცერტი პარიზში, ეიფელის კოშკთან გაიმართა. ღონისძიებაზე გამოდიოდა ქართველი პიანისტი, ხატია ბუნიათიშვილი, რომელმაც მოცარტის „ადაჯიო“ შეასრულა. პიანისტის შესრულებით აღფრთოვანება ვერ დამალა მსმენელმა და ასევე სოცქსელებშიც დადებითი გამოხმაურება მოჰყვა. (ვიდეო)

Facebook

რეკლამა

რეკლამა