„ოქროს ტალღის“ ხუთწლიანი ისტორია 26 ივნისს დიდი საკონცერტო დარბაზის სცენაზე გაცოცხლდება

„ოქროს ტალღის“ ხუთწლიანი ისტორია 26 ივნისს დიდი საკონცერტო დარბაზის სცენაზე გაცოცხლდება

რადიოჰოლდინგი „ფორტუნა“ უკვე მეხუთე წელია, წლის სიმღერის დაჯილდოების ცერემონიას „ოქროს ტალღა“ მართავს. წელს საიუბილეო თარიღის აღსანიშნავად, პროექტი დიდ საკონცერტო დარბაზში გრანდიოზული ღონისძიების სახეს მიიღებს, რომელშიც მონაწილეობს საქართველოს ეროვნული სიმფონიური ორკესტრი ნიკოლოზ რაჭველის ხელმძღვანელობით, ცნობილ მომღერლებთან ერთად, სპეციალური სტუმარი კი იქნება „გრემის“ ორგზის მფლობელი ამერიკელი მომღერალი ლიზა ფიშერი.

ამ თემასთან დაკავშირებით „ფორტუნაში“ 12 ივნისს პრესკონფერენცია გაიმართა, მედიასთან შეხვედრას ესწრებოდნენ მაესტრო ნიკოლოზ რაჭველი, მომღერალი და „ოქროს ტალღა 2017“-ის მთავარი პრიზის მფლობელი, სტეფანე მღებრიშვილი, ქალაქ თბილისის მერიის სპორტისა და კულტურის საქალაქო სამსახურის უფროსი, ირაკლი გვილავა, სცენარისტი და რეჟისორი თეონა ჯორბენაძე და რადიოჰოლდინგ „ფორტუნას“ საზოგადოებასთან ურთიერთობის სამსახურის უფროსი, თათა სადრაძე.

26 ივნისს, მუსიკალური ღონისძიება, დიდი საკონცერტო დარბაზის წინ 20:00 საათზე გაიხსნება, როდესაც წითელ ხალიჩაზე ქართული შოუბიზნესის წარმომადგენლები გაივლიან. თავად კონცერტი და მუსიკალური დაჯილდოების ცერემონია 21:00 საათზეა დაგეგმილი. საღამოს სცენარის ავტორი და რეჟისორი გახლავთ თეონა ჯორბენაძე, რომელმაც პრესკონფერენციაზე საუბრისას აღნიშნა, რომ საიუბილეო „ოქროს ტალღა“ განსაკუთრებული იქნება როგორც პროგრამის კუთხით, ასევე ზოგადად, კონცეფციითაც.

პირველად, წლის სიმღერის დაჯილდოების ცერემონიაზე, მაყურებელს შეეძლება მასზე დასწრება. ბილეთები უკვე იყიდება tkt.ge-ზე. მელომანებისთვის დაუვიწყარი ღონისძიების გამოტოვება რეკომენდებული არ არის.

თათა სადრაძე:

რადიოჰოლდინგი„ ფორტუნა“ უკვე მეხუთე წელია, მართავს წლის სიმღერის დაჯილდოების ცერემონიას. იმედს ვიტოვებ, რომ 26 ივნისს განსაკუთრებული გამარჯვებულები გვეყოლებიან 15 ნომინაციაში. კვლავინდებურად ყველაზე მნიშვნელოვან ნომინაციად რჩება „წლის სიმღერა“, რომელიც თბილისის დიდ საკონცერტო დარბაზში გამოვლინდება, სხვა ნომინაციებთან ერთად.

ნიკოლოზ რაჭველი:

„ფორტუნას“ დაჯილდოების ცერემონიალი, რომელსაც საქართველოს ეროვნული სიმფონიური ორკესტრი გააფორმებს მუსიკალურად, ჩემთვის ოცნების ახდენის საღამოა, ვინაიდან ჩემთვის ძალიან ძვირფასი ქართველი ვარსკვლავები იდგებიან ჩვენთან ერთად, ასევე ღონისძიების მთავარი სტუმარი იქნება მსოფლიოში აღიარებული მომღერალი, ლიზა ფიშერი, რომელთან ერთადაც სხვადასხვა პროექტში მიმიღია მონაწილეობა, დიდი ხანია ვცვლით სურვილებს ურთიერთთანამშრომლობაზე, თუმცა წლების განმავლობაში ვერ მოხერხდა მისი რთული გრაფიკის გამო. მასზე გადაღებულმა დოკუმენტურმა ფილმმა გასულ წელს „ოსკარი“ მიიღო, მას აქვს ორი „გრემი“. ასეთი ვარსკვლავის სტუმრობა აორმაგებს „ოქროს ტალღის“ მნიშვნელობას“ და სძენს მას განსაკუთრებულ ხიბლს.

ძალიან მნიშვნელოვანია, რომ ჩვენს ქვეყანას აქვს ისეთი რადიოჰოლდინგი, როგორიც არის „ფორტუნა“. მახსოვს, როცა გაცილებით პატარა ვიყავი და ჩვენში არც ისე იოლი იყო ჩანაწერების მოპოვება, „ფორტუნას“ ჰქონდა კლასიკური მუსიკის პერიოდული ჩართვები და ველოდებოდი საათის იმ ნაწილს, როცა კლასიკური მუსიკა გადიოდა. ეს ჩემთვის სადღესასწაულო წუთები იყო. მინდა, მადლობა ვუთხრა ამისთვისაც და ყველა მხარდაჭერისთვის, რომელსაც უწევს ეროვნულ სიმფონიურ ორკესტრს.

ირაკლი გვილავა:

პროექტი ძალიან მნიშნელოვანია ქალაქისთვის, თბილისის მერია მხარს უჭერს მას. წელს საიუბილეო თარიღს აღნიშნავენ. წარმატებებს ვუსურვებთ „ოქროს ტალღას“ და მის ორგანიზატორებს.

თეონა ჯორბენაძე:

„ოქროს ტალღას“ უკვე აქვს თავისი ისტორია. მე მახსოვს, როგორ იწყებოდა ის ხუთი წლის წინ, რადგან პირველი „ოქროს ტალღა“ ჩვენი პროდიუსინგით გაკეთდა. მაშინვე ვგრძნობდით, რომ რაღაც მნიშვნელოვანი იწყებოდა და ეს პროექტი იქნებოდა სტიმული ქართველი არტისტებისთვის. 20 წელია, რადიოჰოლდინგი „ფორტუნა“ არსებობს და უამრავი კულტურული პროექტის მხარდამჭერია.

წელს „ოქროს ტალღა“ იქნება ძალიან გამორჩეული, ქართველი ვარსკვლავებს შემოუერთდება ამერიკელი შემსრულებელი, ლიზა ფიშერი. სცენაზე იქნება ეროვნული სიმფონიური ორკესტრი ნიკოლოზ რაჭველის ხელმძღვანელობით. საღამოზე ჩვენ გავიხსენებთ ღონისძიების ისტორიას. ბევრი ცნობილი ადამიანი, სწორედ რადიო „ფორტუნას“ ხელდასხმით მოღვაწეობს ჟურნალისტიკაში, ისინიც იქნებიან სცენაზე და გაიხსენებენ თავიანთ პირველ სამსახურს, რადიო „ფორტუნას“.

„ოქროს ტალღა“ წელს, კომპეტენტური ჟიურის დახმარებით, 15 ნომინაციაში გამარჯვებულს გამოავლენს, ერთი ნომინაცია იქნება ხალხის რჩეულის, ხმის მიცემა მის გამოსავლენად 24 საათში ერთხელ მხოლოდ ერთი IP-დან არის შესაძლებელი „ოქროს ტალღის“ საიტზე.

ღონისძიების მხარდამჭერი: თბილისის მერია და საქართველოს ეროვნული სიმფონიური ორკესტრი

გენერალური სპონსორი: „თეგეტა მოტორსი“

გენერალური პარტნიორი: არტისტ იუნიონ „კონცეპტ არტი“

ინტერნეტსპონსორი: დეველოპერული კომპანია „m2 უძრავი ქონება“

სპონსორი: ავეჯის ცენტრი „პანორამა და კლასიკა“

ოფიციალური გადამყვანი: „თურქიშ ეარლაინსი“

„ოქროს ტალღის“ ოფიციალური მზღვეველია სადაზღვევო კომპანია „ალდაგი“

პროექტის მასპინძელი: სასტუმროების ქსელი „ამბასადორი“

პროექტის პარტნიორები არიან: „ომეგა ემბეერი“, „ნატალი ჯგუფი“, „ახალი ნათება“, tkt.ge, ლაუნჯ-რესტორანი “დორსი“.

საინფორმაციო მხარდაჭერა: „რუსთავი 2“, „იბერია“, „პირველი არხი“, „იმედი“, „ტვ1“, „მიუზიკბოქსი„, „პალიტრა ტვ“

 

ფოტო: ანდრო ოსადჩევი

ნინო მურღულია

სიახლეები/

|

June 12, 2018 / 1:42 pm

საკვანძო სიტყვები

TOP სიახლეები

„მხოლოდ ქართულის“ მონაწილის, გიორგი ცხადაძის„ავადა ვარ, ავადა“ (ვიდეო)

„მხოლოდ ქართულის“ მონაწილემ, გიორგი ცხადაძემ, ექსკლუზიურად პროექტისთვის „ავადა ვარ, ავადა“-ს ახალი ვერსია შემოგვთავაზა. გიორგი სიმღერას ახალი ინტერპრეტაციით ასრულებს, რომელიც ბენდთან ერთად სპეციალურად „მხოლოდ ქართულისთვის“ მოამზადა. კომენტარებში ცნობილი კომპოზიციის ახალ ვარიანტს აღფრთოვანებით შეხვდნენ. თქვენ რას ფიქრობთ? (ვიდეო)

წარმატებული ქართველი დიზაინერი, რომელსაც სიმსივნის დიაგნოზი დაუსვეს

„სოლიდარობის ფონდი“ აქვეყნებს ვიდეოს, სადაც წარმატებული ქართველი დიზაინერი, მარიამ გვასალია ფონდის საქმიანობას მხარდაჭერას უცხადებს. როგორც მარიამი ჰყვება, თავად აქვს სიმსივნის დიაგნოზი და ამით ცხოვრება საკმაოდ რთულია, მით უმეტეს, თუკი ადამიანს შესაბამისი სახსრები არ გააჩნია… მარიამ გვასალია: რომ გავიგე, რომ ჩემი დიაგნოზი იყო სიმსივნე, არ ვიცი, რამდენად ადეკვატური რეაქცია მქონდა. მგონი, ვერც აღვიქვი კარგად, იმდენად მოულოდნელი […]

როგორ ალაგებს აქციის წინ სცენას მარიამ გეგუჩაძე (ვიდეო)

20 ივნისის აქციების ერთ-ერთი აქტიური სახე, გიგა მაქარაშვილი სოციალურ ქსელში ავრცელებს ვიდეოს, სადაც ასევე გამოსვლების ერთ-ერთი მონაწილე, მარიამ გეგუჩაძე, რომელიც ტელეწამყვან ნანუკა ჟორჟოლიანის შვილი გახლავთ, აქციის დაწყების წინ სცენას გულმოდგინედ ალაგებს. ვიდეოს კომენტარებში მარიამს უწერენ, რომ არაჩვეულებრივი და ძალიან საყვარელი გოგოა. (ვიდეო)

Facebook

რეკლამა

მსგავსი სიახლეები

„ოქროს ტალღა“ და მის გარშემო შექმნილი აჟიოტაჟი სოციალურ ქსელებში

„ოქროს ტალღა“ დასრულდა, მაგრამ აჟიოტაჟი მის გარშემო არ წყდება. წლევანდელი წელი ძალიან პოპმეზური, საინტერესო და მუსიკალურად დატვირთული გამოვიდა. დამსწრე საზოგადოებას არ განელებია ის აღფრთოვანება, რაც რადიოჰოლდინგ „ფორტუნას“ მიერ ორგანიზებული წლის სიმღერის დაჯილდოების ცერემონიაზე „ქუინის“ სიმღერების საუკეთესო შემსრულებლის, მარკ მარტელის პერფორმანსმა გამოიწვია. წლის სიმღერის ტიტული მოიპოვა ანრი ჯოხაძის სიმღერამ„ ცივი ნოემბერი“, რომელიც ნიკა ჩერქეზიშვილის ტექსტზე შეიქმნა. […]

მარკ მარტელი რადიო „ფორტუნაში“ სტუმრობას „ფეისბუქ“-პოსტით გამოეხმაურა

„დღევანდელი ინტერვიუ რადიო „ფორტუნასთან“, – ასეთი წარწერით აქვეყნებს კანადელი მუსიკოსი მარკ მარტელი საკუთარი ოფიციალურ „ფეისბუქ“-გვერდზე რადიო „ფორტუნას“ სტუდიაში გადაღებულ ფოტოს. ის ამჟამად რადიოჰოლდინგში იმყოფება, სადაც იტნერვიუ მისცა თათა სადრაძეს, აგდაცემაში „არტ FM“. შეგახსენებთ, რომ მარკ მარტელი საქართველოში გუშინ ღამე ჩამოვიდა. დღეს დილას მან მიიღო მონაწილეობა „ოქროს ტალღის“ პრესკონფერენციაში, რომელიც სასტუმრო „ვინდჰემ გრანდში“ გაიმართა. შემდეგ „ბრავო […]

ხუმრობით დაწყებული პროექტი,რომელიც წლევანდელი „ოქროს ტალღის“ ნომინანტია

„ოქროს ტალღა“-ზე წლის დებიუტის ნომინაციაში რადიო „ფორტუნას“, „ავტორადიოს“ და „ფორტუნა პლუსის“ წამყვანების, ნიკა კაციას, გვანცა გადაბაძისა და ნიკო ცალანის მიერ შექმნილი Project O სიმღერით „არ მახსოვს“ ნომინანტების სამეულშია. წამყვანებისთვის ეს დიდი მოულოდნელობა და სიხარული იყო. საახალწლოდ სპონტანტურად შექმნილი სიმღერა, რომელიც თავიდან უბრალო ხუმრობად იყო ჩაფიქრებული, ბევრისთვის აღმოჩნდა მოსაწონი, მათ შორის, პროფესიონალებისგან დაკომპლექტებული ჟიურისთვისაც. წლის სიმღერის […]

მარკ მარტელი: „სიამოვნებით გავსინჯავ ქართულ სამზარეულოს და დავათვალიერებ ღირსშესანიშნაობებს“

კანადელი შემსრულებელი, რომელიც „ქუინის“ სიმღერების საუკეთესო შემსრულებლად მიიჩნევა და ფილმის „ბოჰემური რაფსოდია“ მუსიკალურ ნაწილში საკუთარი წვლილი აქვს შეტანილი, საქართველოს სტუმრობს. ის თბილისში რადიოჰოლდინგ „ფორტუნას“ მიწვევით, წლის სიმღერის დაჯილდოების ცერემონიაზე დასასწრებად ჩამოვიდა. „ოქროს ტალღაზე“, რომელიც 11 ივნისს, თბილისისა და ოპერის ბალეტის თეატრში იმართება, „ქუინის“ რეპერტუარიდან საუკეთესო სიმღერები შესრულდება მარკ მარტელის მიერ, თუმცა მასთან ერთად სცენაზე გორის ქალთა გუნდი და თბილისის […]

„სხვა შუადღე“ „ოქროს ტალღის“ შესახებ  და მარკ მარტელის მიმართვა ქართველ მსმენელს (ვიდეო)

„სხვა შუადღემ“ „ოქროს ტალღის“ შესახებ სასაუბროდ რადიოჰოლდინგ „ფორტუნას“ პიარმენეჯერი თათა სადრაძე და „ოქროს ტალღის“ გამარჯვებული, სტეფანე მღებრიშვილი მიიწვია. თათა: ყოველ წელს იმატებს სიმღერების რაოდენობა. შარშან გვქონდა 90 სიმღერა, წელს 156-ია. ექვსი წლის წინ, როცა კონკურსი დაიწყო, თუ არ ვცდები, 50 სიმღერა გვქონდა. ერთ-ერთი მთავარი პირობაა, რომ  წლის განმავლობაში ჩვენს რადიოსადგურებში – „არ დაიდარდო“, „ფორტუნა პლუსი“, […]

რეკლამა