„ოქროს ტალღა“  ნიკოლოზ რაჭველთან  და „გრემის“ მფლობელ ლიზა ფიშერთან ერთად – გრანდიოზული შოუ ფილარმონიაში!..

„ოქროს ტალღა“  ნიკოლოზ რაჭველთან  და „გრემის“ მფლობელ ლიზა ფიშერთან ერთად – გრანდიოზული შოუ ფილარმონიაში!..

ოქროს ტალღა 2018 26 ივნისს, თბილისის დიდ საკონცერტო დარბაზში გაიმართება. ქვეყნის ყველაზე მნიშვნელოვანი მუსიკალური დაჯილდოება წელს მეხუთედ იმართება, შესაბამისად, ხუთი წლის იუბილეს აღნიშნავს. ასევე იუბილარია რადიოჰოლდინგი „ფორტუნა“ და ამ სფეროში ლიდერობის 20-წლიან იუბილეს ზეიმობს. გამარჯვებულები 17 სხვადასხვა კატეგორიაში დასახელდებიან, მათგან ერთ ნომინაციას, ხალხის რჩეულს ინტერნეტგამოკითხვა გამოავლენს, რომელიც უკვე დაწყებულია საიტზე goldenwave.ge. წლის სიმღერის კატეგორიაში 127 ახლადშექმნილი ქართული სიმღერაა წარდგენილი.

„ოქროს ტალღის“ მთავარი ნომინაციის გამარჯვებულები, სხვადასხვა დროს გახდნენ: ნოდიკო ტატიშვილი და სოფო გელოვანი, ანრი ჯოხაძე, ნიაზ დიასამიძე და სტეფანე. ამა თუ იმ კატეგორიაში გამარჯვება მოიპოვეს ნინო ქათამაძემ, ნინი ბადურაშვილმა, სოფო ნიჟარაძემ და სხვა ცნობილმა შემსრულებლებმა.

წელს „ოქროს ტალღის“ საპატიო სტუმარი იქნება ლეგენდარული მუსიკოსი, „გრემის“ ორგზის გამარჯვებული და უამრავი პრესტიჟული ჯილდოს მფლობელი, ამერიკელი ვოკალისტი ლიზა ფიშერი. მუსიკოსი ქართველი მსმენელის წინაშე 26 ივნისს, ფილარმონიის დიდ საკონცერტო დარბაზში წარდგება და ნიკოლოზ რაჭველთან და ევგენი მიქელაძის სახელობის საქართველოს ეროვნულ სიმფონიურ ორკესტრთან ერთად, დაუვიწყარ საღამოს აჩუქებს მაყურებელს. ლიზა ფიშერი, რომლის კარიერა 80-იან წლებში დაიწყო, დღემდე ერთ-ერთ ყველაზე მოთხოვნად არტისტად რჩება. ის წლების მანძილზე ისეთ გენიალურ მუსიკოსებთან ერთად მუშაობდა, როგორებიც არიან ტინა ტერნერი, ლუთერ ვანდროსი, სტინგი, ჯგუფი Rolling Stones და სხვა.

ლიზა ფიშერის სადებიუტო ალბომი სახელწოდებით So Intense 1991 წელს გამოვიდა და მასში შესული ჰიტით How Can I Ease the Pain მუსიკოსმა „გრემი“ მიიღო რიტმ-ენდ-ბლუზის საუკეთესო ქალი ვოკალისტის ნომინაციაში. საინტერესოა, რომ ლიზას კონკურენტები ამ დროს არეტა ფრანკლინი, გლედის ნაიტი და ვანესა უილიამსი იყვნენ.

სიმღერა How Can I Ease the Pain ზედიზედ ორი კვირის განმავლობაში „ბილბორდის“ ჩარტების ლიდერი იყო. ამავე ჰიტით ლიზა Soul Train Music Awards-ის გამარჯებულიც გახდა. მორიგი „გრემი“ ლიზა ფიშერმა 2013 წელს მორგან ნევილის დოკუმეტური ფილმისთვის 20 Feet from Stardom მიიღო, რომელიც ბექ ვოკალისტების ცხოვრების შესახებ გადაიღეს. ფილმი „ოსკარის“ რიგით 86-ე ცერემონიის გამარჯვებულიც გახდა.

ლიზა ფიშერი საქართველოში „ოქროს ტალღის“ რიგით მეხუთე საიუბილეო დაჯილდოების სპეციალური სტუმარი იქნება. ის ქართველი მსმენელის წინაშე ლეგენდარული ჰიტებით წარდგება. წინა დღეს კი, ჟურნალისტებისთვის პრესკონფერენციას გამართავს.

წელს რადიოჰოლდინგ „ფორტუნას“ მიერ ორგანიზებული დაჯილდოება უპრეცედენტოდ მასშტაბური იქნება. მსმენელი ყველასთვის საყვარელი ქართული სიმღერების ახლებურ ვერსიებს მოისმენს, რომელსაც მაესტრო ნიკოლოზ რაჭველი სახელმწიფო სიმფონიურ ორკესტრთან ერთად წარმოადგენს. „რადიოჰოლდინგი ფორტუნა“ კი, ჟიურის წევრებთან ერთად, სხვადასხვა ნომინაციაში გამარჯებულებს საზეიმოდ გამოავლენს.

პირველად დაჯილდოების ისტორიაში მაყურებელს ღონისძიებაზე დასწრების შესაძლებლობა ეძლევა. „ოქროს ტალღის“დაჯილდოების ცერემონიაზე ბილეთების გაყიდვა tkt.ge-ზე დღეიდან, 23 მაისიდან დაიწყო.

ღონისძიების გენერალური სპონსორები არიან კომპანია „თეგეტა მოტორსი“ და “m2 უძრავი ქონება”.

 

სიახლეები/

|

May 23, 2018 / 5:19 pm

საკვანძო სიტყვები

TOP სიახლეები

Jessy J „ანუკის“ ორეულში (ფოტოები)

პოპულარული ბრიტანელი მომღერალი Jessy J ერთ-ერთ ღონისძიებაზე ქართველი დიზაინერის, „ანუკის“ კოლექციიდან ბრჭვიალა ულამაზესი ორეულით გამოჩნდა. ფოტოები ინტერნეტში გავრცელდა. ეს არა რის პირველი შემთხვევა, როცა უცხოელი ვარსკვლავები ქართველ დიზაინერებს ირჩევენ, ჯაბა დიასამიძე, გიორგი ქებურია, Mach & Mach, Situationist, თამუნა ინგოროყვა ასევე ხშირად აცვიათ ისეთ ვარსკვლავებს, როგორებიც არიან ჯიჯი ჰადიდი, ლედი გაგა, ანჯელინა ჯოლი და სხვები. (ფოტოები)

სკანდალური სპექტაკლის რეჟისორი: „შეურაცხყოფილი იყო უმეტესად უფროსი თაობის მაყურებელი…“

კომედიის ფესტივალი, რომელიც გორში იმართებოდა, 15 ივნისს სკანდალით დასრულდა. სამეფო უბნის თეატრის მიერ მიშა ჩარკვიანის რეჟისურით წარმოდგენილი„ დემონები“ მაყურებლის მცირე ნაწილმა უცენზურო სიტყვებისა და მათი თქმით, შეუსაბამო სცენების გამო ვერ მიიღო და დარბაზი დატოვა, მათ შორის გახლდათ გორის ვიცემერიც, რომელმაც აღნიშნა, რომ კარგი იქნებოდა, ფესტივალის ორგანიზატორებს მათთან შეეთანხმებინათ რეპერტუარი. სპექტაკლის რეჟისორი, მიშა ჩარკვიანი ასეთი სტატუსით […]

შავი ზღვის ჯაზფესტივალის აბონემენტებისა და ბილეთების გაყიდვა დაიწყო!..

შავი ზღვის რიგით მე-12 ჯაზფესტივალს  „თიბისი სტატუსი“ და კომპანია „ისთერნ პრომოუშენსი“ წარმოგიდგენთ. დღეიდან შავი ზღვის ჯაზფესტივალის აბონიმენტებთან ერთად, ფესტივალის ფარგლებში დაგეგმილი კონცერტების ე.წ. დღიური ბილეთების (Day Tickets) გაყიდვა დაიწყო. აღნიშნული გადაწყვეტილება ფესტივალის ორგანიზატორებმა უცხოელი ტურისტებისა და ქართველი მსმენელის თხოვნის გათვალისწინებით მიიღეს. დღიური ბილეთების შეძენა ტრადიციულად ონლაინ tkt.ge-ზეა შესაძლებელი. 19-22 ივლისს, შავი ზღვის სანაპირო რიგით მე-12 […]

Facebook

რეკლამა

[bsa_pro_ad_space id=1]

მსგავსი სიახლეები

13 ივნისიდან რადიოჰოლდინგი „ფორტუნა“ „ოქროს ტალღაზე“ დასასწრები ბილეთების გათამაშებას იწყებს

26 ივნისს, თბილისის დიდ საკონცერტო დარბაზში, ევგენი მიქელაძის სახელობის ეროვნული სიმფონიური ორკესტრის, ქართული ესტრადის ვარსკვლავებისა და სპეციალური სტუმრის – 2 „გრემის“ მფლობელი ამერიკელი მომღერლის, ლიზა ფიშერის მოსმენის საშუალება „ოქროს ტალღის“ დაჯილდოების ცერემონიაზე გექნებათ. მუსიკალურ კონკურსზე, სადაც 15 ნომინაციაში გამარჯვებულები გამოვლინდებიან, დასწრების საშუალება ნებისმიერ მსურველს აქვს და ბილეთები უკვე იყიდება tkt.ge-ზე. რადიოჰოლდინგი „ფორტუნა“, 13 ივნისიდან, ოთხი […]

„ოქროს ტალღის“ ხუთწლიანი ისტორია 26 ივნისს დიდი საკონცერტო დარბაზის სცენაზე გაცოცხლდება

რადიოჰოლდინგი „ფორტუნა“ უკვე მეხუთე წელია, წლის სიმღერის დაჯილდოების ცერემონიას „ოქროს ტალღა“ მართავს. წელს საიუბილეო თარიღის აღსანიშნავად, პროექტი დიდ საკონცერტო დარბაზში გრანდიოზული ღონისძიების სახეს მიიღებს, რომელშიც მონაწილეობს საქართველოს ეროვნული სიმფონიური ორკესტრი ნიკოლოზ რაჭველის ხელმძღვანელობით, ცნობილ მომღერლებთან ერთად, სპეციალური სტუმარი კი იქნება „გრემის“ ორგზის მფლობელი ამერიკელი მომღერალი ლიზა ფიშერი. ამ თემასთან დაკავშირებით „ფორტუნაში“ 12 ივნისს პრესკონფერენცია გაიმართა, […]

„ოქროს ტალღაზე“ ნანი ბრეგვაძე, ეკა მამალაძე, სოფო ნიჟარაძე, სტეფანე იმღერებენ!..

26 ივნისს რადიოჰოლდინგი „ფორტუნა“ წარმოგიდგენთ წლის სიმღერის დაჯილდოების, „ოქროს ტალღის“ რიგით მე-5 ცერემონიას. ქვეყნის მთავარი მუსიკალური ღონისძიების ფარგლებში, 17 ნომინაციაში გამარჯვებული გამოვლინდება, მათ შორის მთავარი პრიზის, წლის სიმღერის ტიტულის მფლობელი, ასევე ხმის მიცემის საშუალებით დასახელდება ხალხის რჩეულიც. „ოქროს ტალღის“ საიუბილეო, მეხუთე კონცერტი განსაკუთრებული იქნება, საღამოს მუსიკალურად აფორმებს საქართველოს ეროვნული სიმფონიური ორკესტრი ნიკოლოზ რაჭველის ხელმძღვანელობით. ღონისძიებაში მონაწილეობენ: […]

თემო საჯაია: „სიმღერა „თოვს“ ზაფხულში ჩავწერეთ…“

ვერიკო ტურაშვილი და თემო საჯაია სიმღერით „თოვს“ „ოქროს ტალღაზე“ არიან წარდგენილები. სიმღერა, რომელიც თემომ დაწერა, ძალიან მელოდიურია. ვერიკომ კოლეგა და მეგობარი ახალი კომპოზიციის დაწერაზეც შეიპირა, რომელსაც ამჯერად მარტო შეასრულებს. თემო საჯაია: დავწერე სიმღერა და ტექსტი, შემდეგ ვერიკოს შევთავაზე, ხომ არ ჩავწეროთ-მეთქი. მქონდა სურვილი, რომ მასთან ერთად მემღერა და ასე, შარშან ზაფხულში გავაკეთეთ სიმღერა სახელწოდებით „თოვს“ (იცინის). ლევან […]

„ოქროს ტალღის“ დაჯილდოვება – ნიკოლოზ რაჭველი, სიმფონიური ორკესტრი და სპეციალური სტუმარი

„ოქროს ტალღა“ 2018 26 ივნისს, თბილისის დიდ საკონცერტო დარბაზში გაიმართება. ქვეყნის ყველაზე მნიშვნელოვანი მუსიკალური დაჯილდოვება წელს მეხუთედ იმართება, შესაბამისად, ხუთი წლის იუბილეს აღნიშნავს, რადიოჰოლდინგი „ფორტუნა“ ასევე იუბილარია და ამ სფეროში ლიდერობის 20-წლიან იუბილეს ზეიმობს. გამარჯვებულები სხვადასხვა ნომინაციაში 17 კატეგორიაში დასახელდებიან, მათგან ერთ ნომინაციას, ხალხის რჩეულს ინტერნეტგამოკითხვა გამოავლენს, რომელიც უკვე დაწყებულია საიტზე goldenwave.ge. წლის სიმღერის კატეგორიაში […]

რეკლამა