ნოდიკო ტატიშვილი ახალ კლიპს იღებს- „ეს სიმღერა ჰიტი იქნება“

ნოდიკო ტატიშვილი ახალ კლიპს იღებს- „ეს სიმღერა ჰიტი იქნება“

ნოდიკო ტატიშვილის კლიპის გადაღებები გუშინ მთელი საღამოსა და ღამის განმავლობაში მიმდინარეობდა „ანდროპოვის ყურების“ რესტორნის ვერანდაზე. სიმღერა, რომელიც დავით მჭედლიშვილს, ანუ Davi Mc-ს ეკუთვნის, მომღერალმა 2 კვირის წინ, BRAVO RECORD STUDIO-ში ჩაწერა, მუსიკალური პროდიუსინგი კი ალეკო ბერძენიშვილის გახლავთ. კლიპის რეჟისორი გახლავთ ნესტან სინჯიკაშვილი.

ნოდიკო ტატიშვილი:

დავით მჭედლიშვილი აშშ-ში ცხოვრობს და მოღვაწეობს. ეს მისი ძველი სიმღერაა, რომელიც არ იყო ძალიან პოპულარული. ნიკა ხაჩიძემ, ჩემმა მეგობარმა მომასმენინა და გადავწყვიტე, აბსოლუტურად ახალი ჟღერადობით გამეკეთებინა. ის, რასაც მოისმენთ, ბუნებრივი ჟღერადობით არის ჩაწერილი. სიმღერის ჩაწერაზე მუშაობდნენ ძალიან მაგარი მუსიკოსები, რომლებთანაც მრავალწლიანი მუშაობის გამოცდილება მაქვს. ესენი არიან პაატა ანდრიაძე, რომელთანაც ჯერ კიდევ „ჯეოსტარიდან“ მოყოლებული ვთანამშრომლობდი, ლევან დეისაძე, ზაზა ცერცვაძე და უჩა მეტრეველი. მინდა, დიდი მადლობა ვუთხრა ალეკო ბერძენიშვილს მისი გულიანი მუშაობისთვის. დიდი იმედი მაქვს ეს სიმღერა „ჰიტი” იქნება.

საბოლოოდ გამოვიდა ის რაც გვინდოდა. აბსოლუტურად განსხვავებული სიმღერა იმისგან, რაც იყო ადრე. დაგვჭირდა მცირე ტექსტის კორექტირება, რომელიც მანანა გურგენიძემ ჩაამატა.

კლიპი გადაიღო ნესტან სინჯიკაშვილმა, რომელიც, გარდა იმისა, რომ ჩემი მეგობარია, მასთან მუშაობა კომფორტის ზონაა. ყოველთვის ყველაფერი მიდის ძალიან მარტივად, როდესაც ნესტანთან ერთად ვმუშაობ, ღიმილში, სითბოში, სიყვარულსა და მეგობრობაში. საოცარი პროფესიონალია და მინდა, კიდევ ბევრი კლიპი გადამიღოს. დამდგმელი ოპერატორია ლევან ლეკიაშვილი, ანუ ბუდა. დამდგმელი ქორეოგრაფია ირაკლი ფიფია. კლიპში მონაწილეობს თავად და მისი ცეკვის სტუდია, რომელსაც ჰქვია Mess.

როგორი კლიპი იქნება?

შინაარსობრივად მნიშვნელოვანი ერთი ხაზია, რომელზეც წინასწარ ვერ ვისაუბრებ, ასე გადავწყვიტეთ, თუმცა ამ ხაზს ავითარებს უნიჭიერესი ნანუკა გულუა. ნანუკა ძალიან განსხვავებული იქნება სერიალ „ჩემი ცოლის დაქალების“ დოჩისგან. ის, რაც მქონდა ცაფიქრებული, ნანუკამ შეუდარებლად გააკეთა. ძალიან მიხარია, რომ ჩემს ახალ კლიპში სწორედ ის მონაწილეობს.

ნინო მურღულია

(ფოტოები)

სიახლეები/

|

October 31, 2018 / 1:24 pm

საკვანძო სიტყვები

TOP სიახლეები

Facebook

რეკლამა

მსგავსი სიახლეები

ნოდიკო ტატიშვილი ორი სოლოკონცერტისთვის ემზადება

ნოდიკო ტატიშვილის შემოქმედების თაყვანისმცემლებს თბილისსა და ბათუმში მის სოლოკონცერტებზე დასწრება უახლოეს მომავალში შეეძლებათ. მომღერალი ორ კონცერტს აანონსებს ბენდთან The Five ერთად. პირველი 11 მაისს, „ოტიუმში“ გაიმართება, ბათუმში კი ნოდიკოსა და ბენდს სასტუმრო „ინტურისტი“ უმასპინძლებს, სოლოკონცერტი შედგება 26 მაისს. თბილისისა და ბათუმის კონცერტებზე ნოდიკოსთან ერთად დუეტებს შეასრულებენ სალომე ბაკურაძე და დათუნა მგელაძე. კონცერტებზე აჟღერდება სიმღერები ნოდიკოს […]

ნოდიკო ტატიშვილი ბენდთან ერთად კონცერტს 11 მაისს გამართავს

ნოდიკო ტატიშვილი 11 მაისს კონცერტს ბენდთან ერთად გეგმავს. ლოკაცია ისევ რესტორანი „ოტიუმია“, სადაც მცირე ხნის წინ ასევე ჰქონდა კონცერტი, ბენდის თანხლებით. Five-თან ერთად მუშაობა გარკევული პერიოდის წინ დაიწყო და მათმა ერთობლივმა პირველა კონცერტმა ანშლაგით ჩაიარა, რის შემდეგაც სწრაფადვე დაიგეგმა მეორე. შესრულდება ყველა ის სიმღერა, რომელიც მსმენელს მომღერლის რეპერტუარიდან უყვარს. მათ შორისაა სიმღერები სალომე ბაკურაძესა და […]

ნოდიკო ტატიშვილი კიდევ ერთ სიმღერასა და კლიპს ამზადებს

ნოდიკო ტატიშვილი ისევ სტუდიაშია. „ბრავო რეკორდსში“ მისი ახალი სიმღერა „მე და შენ“ მზადდება. მელოდიაც და ტექსტიც დათო ევგენიძეს ეკუთვნის. რაც შეეხება კომპოზიციის მუსიკალურ შეფუთვას, ყველა ინსტრუმენტი ცოცხლად იწერება. მასზე მუშაობს ბენდი FIVE: კლავიში – თამუნა შეყილაძე, სოლო გიტარა – ზიკო,ბასგიტარა – სანდრო მაისურაძე, დრამი – დავით თუთარაშვილი. მუსიკალური პროდიუსინგი ალეკო ბერძენიშვილს ეკუთვნის. ამ სიმღერაზე მალე […]

„მე ვზრუნავ“ – მიუსაფარი ბავშვებისთვის შოუბიზნესის წევრებმა სიმღერა ჩაწერეს

2011 წლიდან, 12 აპრილს, მსოფლიოში აღინიშნება ქუჩაში მცხოვრები და /ან მომუშავე ბავშვთა საერთაშორისო დღე. ღონისძიებების მთავარი გზავნილია ბავშვის უფლებების დაცვა და საზოგადოების ჩართულობის გაზრდა ძალადობის პრევენციის მიმართულებით. არასამთავრობო ორგანიზაცია „სამოქალაქო საზოგადოების განვითარების ცენტრის“ (CSDC) ინიციატივით, 2019 წლის 12 აპრილს გაიმართება ქუჩაში მცხოვრები და/ან მომუშავე ბავშვების მხარდამჭერი სიმღერის – „მე ვზრუნავ“ პრეზენტაცია, რომელსაც ცნობილი სახეები: ნოდიკო […]

რას ელიან წლევანდელი „ოქროს ტალღისგან“ წლის სიმღერის ჯილდოს მფლობელები ნოდიკო ტატიშვილი და სალომე ბაკურაძე

ნოდიკო ტატიშვილსა და სალომე ბაკურაძეს, გარდა იმისა, რომ დიდი ხნის მეგობრები არიან და ნოდიკო სალომეს ვაჟის, სანტის ნათლიაც არის, საკმაოდ ახლო საქმიანი ურთიერთობებიც აკავშირებთ. მათ 2018 წელს ჩაწერეს სანატრელი დუეტი „ერთხელ წვიმიან ქალაქში“, მასზე გადაღებული კლიპი, რომელიც ნესტან სინჯიკაშვილს ეკუთვნის და 10 მილიონზე მეტი ნახვა აქვს. რაც ყველაზე მნიშვნელოვანია, დაფასდა წლის სიმღერის დაჯილდოების ცერემონიაზე და […]

რეკლამა