ნიკოლოზ რაჭველის ემოციური პოსტი: „დავფიქრდებით, ღირს თუ არა იცხოვრო და იმოღვაწევო იქ, სადაც ყველაზე მეტადაა საჭირო შენი არსებობა…“

ნიკოლოზ რაჭველის ემოციური პოსტი: „დავფიქრდებით, ღირს თუ არა იცხოვრო და იმოღვაწევო იქ, სადაც ყველაზე მეტადაა საჭირო შენი არსებობა…“

2018 წლის 2 აპრილს ჰამბურგის ახლად გახსნილ საკონცერტო დარბაზში – ElbPhilharmonie საერთაშორისო ფესტივალი „კავკასია“ ევგენი მიქელაძის სახელობის ეროვნულმა სიმფონიურმა ორკესტრმა დახურა, მას ნიკოლოზ რაჭველი დირიჟორობდა, სოლისტი კი დუდანა მაზმიშვილი გახლდათ.

კონცერტის შემდეგ ნიკოლოზ რაჭველმა საკუთარი „ფეისბუქის“ გვერდზე გამოაქვეყნა ვიდეო, სადაც მსმენელის სრული აღფრთოვანება ჩანს ქართველი მუსიკოსებით.

ნიკოლოზ რაჭველმა ვრცელი სტატუსიც გამოაქვეყნა:

„როდესაც სიმფონია დავასრულეთ და გარინდებული ფინალური პაუზის დროს ელბ-ფილარმონიის სცენაზე მყოფ ეროვნული სიმფონიური ორკესტრის მუსიკოსებს თვალი გადავავლე მივხვდი, რომ დიდებულ ადამიანებთან მაქვს ყოველდღიური შეხება, მუსიკოსებთან, რომლებიც თავიანთ სამშობლოში ყველაზე უპირობო მდგომარეობის მიუხედავად, ყველაფერს აკეთებენ იმისთვის, რომ დაამკვიდრონ მაგალითი, თუ როგორ უნდა ისწრაფვოდე პროფესიული სრულყოფისკენ, თუ როგორ უნდა გამოიმუშავო მოტივაცია, თუ როგორ უნდა მოინდომო მაქსიმუმი შენი ქვეყნის საერთაშორისო სარბიელზე წარმოსაჩენად. დიახ, ეს ის ორკესტრია, ვისთვისაც საქველმოქმედო ფონდებს და მათ შორის “ქართუს” არც ხელფასები და პრემიები დაურიგებია, არც ინსტრუმენტები შეუძენია და არც დარბაზი გაურემონტებია, ეს ის ორკესტრია, რომელიც 95-წლიანი ისტორიის განმავლობაში მუდამ პირისპირ ეჯახებოდა უსამართლობას, ვისაც წამებით მოუკლეს მთავარი დირიჟორი ევგენი მიქელაძე, ვინც უსამართლოდ გამოაძევეს მათივე საკონცერტო დარბაზიდან 90-იან წლებში, ხოლო მათი სამხატვრო ხელმძღვანელის ალექსი მაჭავარიანის უზარმაზარი დამსახურებით მათთვის აშენებულ ფილარმონიაში დღეს ორკესტრს უზარმაზარი საიჯარო თანხის გადახდა სჭირდება, კონცერტი რომ გამართოს, ეს ის ორკესტრია, რომელიც ყოველთვის თავდაცვით რეჟიმში ექცევა პოლიტიკური წყობილებების ცვლებისას, ეს ის ორკესტრია, ვისაც 21-ე საუკუნეში რეპეტიციებზე ხან გაუსაძლისად სციოდა, ხან აწვიმდა, ხან ჭერიდან ჩამოვარდნილ ქვის ნატეხებს იგერიებდა, ხან ელემენტარული, სხვების დარი ხელფასების მოპოვების მიზნით კულტურის მინისტრების მანქანებს ფეხით მისდევდა, ეს ის ორკესტრია, ვისაც დღემდე ჭირდება ბრძოლა პირობებისთვის, ორკესტრი, რომელიც ჰამბურგის უზარმაზარ და განთქმულ დარბაზში წარადგინა პატარა, უაკუსტიკო, უროიალო, უმასშტაბო და სეისმურად საშიშ ოთახში მომზადებული საკონცერტო პროგრამა, მაგრამ ამავდროულად ეს ის ორკესტრია, რომელიც თავის სიმფონიური თუ სახალხო პროექტებით ძალიან უყვარს თავის პუბლიკას, ქართველ ხალხს, ორკესტრი, რომელსაც ჰყავს მაღალი დონის მუსიკოსები, ორკესტრი, რომელთანაც უპირობოდ თანამშრომლობენ და გულშემატკივრობენ საერთაშორისო სარბიელზე აღიარებული ქართველი და უცხოელი ვარსკვლავები, ორკესტრი, რომლის კარი ღიაა ახალგაზრდა დირიჟორებისათვის, კომპოზიტორებისათვის, სოლისტებისთვის. ეს ის ორკესტრია, რომელსაც ენდობა და რომლისთვისაც ყველაფერს აკეთებს მსოფლიო მუსიკალური სამყაროს ლეგენდა გია ყანჩელი, ეს ის ორკესტრია, რომელსაც სამშობლოში შეუმდგარი და დაუკმაყოფილებელი “ხელოვანები” თუ ყველა დროის გაუნათლებელი ჩინოვნიკები მუდამ აკნინებდნენ და მიუხედავად ამისა, ჩვენ ბედნიერები ვართ, რადგან გვჯერა, რომ ახლოვდება დრო, როდესაც ერთხელ და სამუდამოდ მიხედავს მთავრობა, გადაუჭრის უდარბაზობის და უინსტრუმენტობის პრობლემებს, გაითავისებს მის მნიშვნელობას და ღვაწლს ქართული ხელოვნების ისტორიის წინაშე. და თუ კი ისევ უტოპიური აღმოჩნდა ჩემი იმედები, დავფიქრდებით, ღირს თუ არა იცხოვრო და იმოღვაწევო იქ, სადაც ყველაზე მეტადაა საჭირო შენი არსებობა, იქ, სადაც შენი ვალდებულებაა გემოვნების და პროფესიონალიზმის შკალა ყოველწამიერად აკონტროლო და ყველაფერი აკეთო, რომ მომავალი თაობა უფრო კულტურული, უფრო ევროპული, უფრო ესთეტური და უფრო განათლებული იყოს.

მინდა, საჯაროდ მივულოცო აღდგომის ბრწყინვალე დღესასწაული და გერმანიაში ჩატარებული კონცერტის დიდი წარმატება ეროვნული სიმფონიური ორკესტრის მუსიკოსებს და მათ ოჯახებს, ევგენი მიქელაძის სახელობის მუსიკალური ცენტრის ყველა თანამშრომელს და ჩვენს ერთგულ გულშემატკივრებსა და ქომაგებს, რომელთა არსებობაც და სიმრავლეც ყველაზე დიდი ბედნიერება და მოტივაციაა ჩვენთვის!!!“

სიახლეები/

|

April 10, 2018 / 2:08 pm

საკვანძო სიტყვები

TOP სიახლეები

როკის ცოცხალი ლეგენდის ლეგენდარული კონცერტი – რობერტ პლანტმა ჯაზფესტივალის გახსნის დღე დაუვიწყარი გახადა

19 ივლისი, „ბლექ სი არენას” უზარმაზარი ეზო, მდელოებზე შეფენილი წყვილები, მეგობრები, ასევე წყვილად თუ ჯგუფად, მათ შორის ყველა ასაკის ადამიანი, დიდი თუ პატარა, ზოგმა მისი მოსმენა შვიდი წლის ასაკიდან დაიწყო, ზოგისთვის ახალგაზრდობის საუკეთესო მოგონებაა… მოკლედ, ყველას, ვინც 19 ივლისს, არენის ეზოშია შეკრებილი, თავისი მიზეზი აქვს და რასაკვირველია, მთავარი მუსიკის სიყვარულია, იმ მუსიკის, რომელიც ჯგუფმა “ლედ […]

რომელი კერძი გასინჯა რობერტ პლანტმა ბათუმში

გუშინ ბათუმში ლეგენდარული “ლედ ზეპელინის” სოლისტი, რობერტ პლანტი თავის ჯგუფთან ერთად ჩაფრინდა. მუსიკოსები სასტუმროში დაბინავდნენ. დღეს კი პლანტმა ბათუმში გასეირნება და სადილობა “კაფე გარდენში” გადაწყვიტა. როგორც გვითხრეს, მუსიკოსმა ქოთნის ლობიო დააგემოვნა და ძალიან მოეწონა. შეგახსენებთ, რომ დღეს რობერტ პლანტის კონცერტით, რომელიც “ბლექ სი არენაზე” გაიმართება, ბათუმის შავი ზღვის ჯაზფესტივალი გაიხსნება. (ფოტოები)

კინო ჟესტებით – ყრუ და სმენადაქვეითებული საზოგადოებისთვის ნანა ჯანელიძის ფილმის ჩვენება გაიმართება

23 ივლისს, 20:30 საათზე, თბილისში, “მზიურის” ტერიტორიაზე გაიმართება ნანა ჯანელიძის ფილმის: „ნეტავ, იქ თეატრი არის?!” ჩვენება. ფილმი ადაპტირებულია ყრუ და სმენადაქვეითებული საზოგადოებისთვის. ფილმის ჩვენების შემდეგ მოეწყობა დისკუსია რომელსაც ფილმის რეჟისორი – ნანა ჯანელიძე და მთავარი როლის შემსრულებელი, ლეგენდარული ქართველი მსახიობი – კახი კავსაძე დაესწრებიან. “კინო ჟესტებით” ახალგაზრდა ხელოვანთა საერთაშორისო გაერთიანების პროექტია, რომელიც ეროვნული კინოცენტრის, საქართველოს […]

Facebook

რეკლამა

[bsa_pro_ad_space id=1]

მსგავსი სიახლეები

„ქართული ზაფხული ბლექ სი არენაზე“ – რა კონცერტები გველოდება შეკვეთილში მდებარე დარბაზში აგვისტოს განმავლობაში

„ქართული ზაფხული ბლექ სი არენაზე“ – ამ ეგიდით, „ჩექ ინ ჯორჯიას“ ფარგლებში, 2018 წლის 4-28 აგვისტოს, შეკვეთილში მდებარე არენაზე გაიმართება 6 კონცერტი, სადაც ქართველი და უცხოელი ვარსკვლავები ერთობლივად მიიღებენ მონაწილეობას. ვნახოთ, როგორი კონცერტები გველოდება შავი ზღვის სანაპიროს საუკეთესო დარბაზში. 4 აგვისტო, გიორგი მიქაძის პროექტი „ვოისა“. მისი პრემიერა 2017 წელს შედგა, აშშ-ში, ერთ-ერთ პრესტიჟულ საკონცერტო სივრცეში, სფეის […]

ლიზა ფიშერი ნიკოლოზ რაჭველთან და ორკესტრთან ერთად რეპეტიციას გადის (ფოტო+ვიდეო)

ორგზის „გრემის“ მფლობელი ამერიკელი შემსრულებელი, ლიზა ფიშერი საქართველოში 24 ივნისს ჩამოფრინდა, ის რადიოჰოლდინგ „ფორტუნას“ მიერ ორგანიზებული წლის სიმღერის დაჯილდოების, „ოქროს ტალღის“ სტუმარი იქნება და 26 ივნისს, დიდ საკონცერტო დარბაზში ეროვნულ სიმფონიურ ორკესტრთან ერთად გამოვა. დღეს მუსიკომედიის თეატრში ლიზა ფიშერი რეპეტიციის გასავლელად მივიდა, რომელიც ამ წუთებში მიმდინარეობს. ორკესტრთან და მაესტრო რაჭველთან ერთად ის ხვალინდელი პროგრამიდან კომპოზიციებს […]

„ოქროს ტალღის“ დაჯილდოვება – ნიკოლოზ რაჭველი, სიმფონიური ორკესტრი და სპეციალური სტუმარი

„ოქროს ტალღა“ 2018 26 ივნისს, თბილისის დიდ საკონცერტო დარბაზში გაიმართება. ქვეყნის ყველაზე მნიშვნელოვანი მუსიკალური დაჯილდოვება წელს მეხუთედ იმართება, შესაბამისად, ხუთი წლის იუბილეს აღნიშნავს, რადიოჰოლდინგი „ფორტუნა“ ასევე იუბილარია და ამ სფეროში ლიდერობის 20-წლიან იუბილეს ზეიმობს. გამარჯვებულები სხვადასხვა ნომინაციაში 17 კატეგორიაში დასახელდებიან, მათგან ერთ ნომინაციას, ხალხის რჩეულს ინტერნეტგამოკითხვა გამოავლენს, რომელიც უკვე დაწყებულია საიტზე goldenwave.ge. წლის სიმღერის კატეგორიაში […]

მუსიკალური მოგზაურობა კინოსამყაროში ნიკოლოზ რაჭველისგან

მსოფლიო კინომუსიკის შედევრები ნიკოლოზ რაჭველის, ეროვნული სიმფონიური ორკესტრისა და რამდენიმე სოლისტის შესრულებით წელს, 9 იანვარს კიდევ ერთხელ გაიმართა. წარმატებული პროექტი მუსიკოსებმა თბილისის დიდ საკონცერტო დარბაზში მე-18-ჯერ წარმოადგინეს. მუსიკალური მოგზაურობა კინოსამყაროში იმდენად საინტერესო, ნოსტალგიური და მელოდიურია, რომ გულგრილს ვერ დაგტოვებთ, პროექტის მოსმენა აუცილებლად მოგინდებათ ზუსტად იმდენჯერ, რამდენჯერაც ორგანიზატორები მის გამეორებას გადაწყვეტენ, მით უმეტეს, თუკი სიახლეა დაანონსებული. […]

ბიორკისა და ნიკოლოზ რაჭველის პირველი ერთობლივი ფოტო – „ვერ წარმოვიდგენდი, რომ გავიდოდა 20 წელი და შევხვდებოდი…“

ისლანდიელი შემსრულებელი ბიორკი საქართველოშია. ის ნიკოლოზ რაჭველისა და ეროვნული სიმფონიური ორკესტრის სიმებიანი ისნტრუმენტების რეპეტიციას დაესწრო. მოგეხსენებათ, 31 ოქტომბერსა ფილარმონიაში, ხოლო 3 ნოემბერს – ოპერისა და ბალეტის თეატრში მისი ორი კონცერტი გაიმართება. ბიორკი შეასრულებს კომპოზიციებს ახალი ალბომიდან, ასევე რამდენიმე ძველ სიმღერასაც. SOU ფესტივალის მიერ ორგანიზებული ვიზიტის ფარგლებში, ბიორკი საქართველოს რამდენიმე მხარეს მოინახულებს და ქართული ფოლკლორის ნიმუშებსაც […]

რეკლამა