Nicolas Jaar თბილისში, დაგეგმილთან ერთად, კიდევ ერთ კონცერტს გამართავს

Nicolas Jaar თბილისში, დაგეგმილთან ერთად, კიდევ ერთ კონცერტს გამართავს

Nicolas Jaar-ს თბილისში ამ მომენტამდე ერთი კონცერტი ჰქონდა დაგეგმილი, რომელიც „სფეისჰოლში“ 21 სექტემბერს გაიმართება. ახლახან ცნობილი გახდა, რომ არტისტის სურვილით, „სფეისჰოლამდე“ ერთი დღით ადრე, 20 სექტემბერს, ის 21 სექტემბრის კონცერტისგან განსხვავებული კონცეფციის სეტს დაუკრავს რუსთაველის თეატრის მცირე დარბაზში. „სფეისჰოლისგან“ განსხვავებით, იქ მხოლოდ 300 ადამიანი ეტევა. ბილეთების შეძენა უკვე შეგიძლიათ საიტზე biletebi.ge

ნიკოლას ჯაარი გახლავთ ამერიკელი კომპოზიტორი, რომელიც ნიუ იორკში საქმიანობს. მისი რამდენიმე ალბომი საკლუბო მუსიკის სამყაროში დიდი პოპულარობით სარგებლობს და ცნობილია, როგორც უამრავი საცეკვაო EP-ის შემქმნელი. მის სახელს სხვადასხვა საინტერესო მუსიკალური ექსპერიმენტიც ეწერება.

საქართველოში ჯაარი მუსიკალური ფესტივალების სერიის „Decoder“ ფარგლებში ჩამოდის.

თბილისში ელექტრონული მუსიკისა და  ციფრული ხელოვნების ფესტივალების სერია – DECODER ახლახან დაფუძნდა, რომელიც თვეში ერთხელ სხვადასხვა ლოკაციაზე გაიმართება. ერთდღიანი ფესტივალის მუსიკალური პროგრამა ელექტრონული მუსიკის სხვადასხვა მიმართულებებს მოიცავს და სცენის გამორჩეული სახელის მქონე საერთაშორისო და ადგილობრივი არტისტებისგან იქნება დაკომპლექტებული.

DECODER-ის კონცეფცია ელექტრონული მუსიკისა და ციფრული ხელოვნების სფეროში არსებული ტექნოლოგიების და ინოვაციური ფორმების ფართოდ გავრცელებას ემყარება. მთავარი აქცენტი განათებისა და ხმის სინთეზზე კეთდება, სადაც მუსიკოსებს,  მხატვრებს და ინჟინრებს შესაძლებლობა ექნებათ საკუთარი ხედვა და გამოცდილება გაუზიარონ მსმენელს.

ფესტივალის ფარგლებში მსმენელს და სფეროთი დაინტერესებულ პირებს საშუალება ექნებათ, დაესწრონ არტისტებისა და სფეროს პროფესიონალების მიერ გამართულ ვორკშოპებს, სადაც გაეცნობიან აუდიო-ვიზუალური ხელოვნების სიახლეებს, მათ გავლენას საზოგადოებაზე და ამასთან ერთად მონაწილეობას მიიღებენ პანელ-დისკუსიებში.

სიახლეები/

|

September 18, 2017 / 5:35 pm

საკვანძო სიტყვები

TOP სიახლეები

„მადლობა, Georgia, you were amazing!”- ვაიქლეფ ჟანი ქართველი მელომანებით აღფრთოვანებული დარჩა

უიტნი ჰიუსტონი, ჯგუფი “Destiny’s child” და კიდევ არაერთი ვარსკვლავი, რომელთანაც უთანამშრომლია –  ბათუმის ჯაზფესტივალის რიგით მე-3 დღის სტუმარი ვაიქლეფ ჟანი იყო.  გუშინ საღამოს ბათუმის კორტების სცენაზე საოცარი ზეიმი შედგა. სცენაზე გაჯაზება ვაიქლეფმა მაშინ დაიწყო, როდესაც ქართული „მრავალჟამიერი“ გაარემიქსა და ამით მან პირველი მუხტი მოიტანა, რომელიც კონცერტის ბოლომდე არ განელებულა. პირველი კულმინაცია მაშინ იყო, როდესაც ვარსკვლავმა […]

როკის ცოცხალი ლეგენდის ლეგენდარული კონცერტი – რობერტ პლანტმა ჯაზფესტივალის გახსნის დღე დაუვიწყარი გახადა

19 ივლისი, „ბლექ სი არენას” უზარმაზარი ეზო, მდელოებზე შეფენილი წყვილები, მეგობრები, ასევე წყვილად თუ ჯგუფად, მათ შორის ყველა ასაკის ადამიანი, დიდი თუ პატარა, ზოგმა მისი მოსმენა შვიდი წლის ასაკიდან დაიწყო, ზოგისთვის ახალგაზრდობის საუკეთესო მოგონებაა… მოკლედ, ყველას, ვინც 19 ივლისს, არენის ეზოშია შეკრებილი, თავისი მიზეზი აქვს და რასაკვირველია, მთავარი მუსიკის სიყვარულია, იმ მუსიკის, რომელიც ჯგუფმა “ლედ […]

ტრომბონ შორთის დანთებული ცეცხლი სცენაზე და რამდენიმესაათიანი ლოდინი ერიკა ბადუს კონცერტამდე – ჯაზფესტივალის მე-2 დღე

ლეგენდარული რობერტ პლანტის, „ბლექ სი არენაზე” გამართული კონცერტის შემდეგ, მელომანებმა ბათუმის ჩოგბურთის კორტებისკენ გადაინაცვლეს. 20 ივლისს მუსიკის მოყვარულების წინაშე ტრომბონ შორთი და ერიკა ბადუ წარსდგნენ, თუმცა, ეს დღე არა მხოლოდ ლეგენდარული მუსიკოსების სტუმრობით გამოირჩეოდა, არამედ იმითაც, რომ მელომანებს რამდენიმესაათიანი ლოდინი დასჭირდათ, სანამ ერიკა ბადუ დიჯეის პულტთან დადგებოდა. სანამ ერიკა ბადუს დაგვიანების ამბის შესახებ მოგიყვებით, მანამდე […]

Facebook

რეკლამა

[bsa_pro_ad_space id=1]

რეკლამა