ნანუკა ჟორჟოლიანი სოფო ნიჟარაძეს მიმართავს: „განსაკუთრებით გამიკვირდა შენი დაბლოკვის ამბავი…“

0
4793

ნანუკა ჟორჟოლიანი სოფო ნიჟარაძეს მხარდაჭერას უცხადებს. როგორც იცით, მომღერალმა რამდენიმე დღის წინ მარინა ბერიძის რუბრიკაში ისაუბრა, თუ როგორ გაუკვირდა, როდესაც მიუზიკლებისადმი მიძღვნილ თბილისობის კონცერტში მონაწილეობა არ შესთავაზეს.

ნანუკა ჟორჟოლიანმა ამ თემასთან დაკავშირებით პოსტი გამოაქვეყნა:

„Sofia Nizharadze – განსაკუთრებით გამიკვირდა შენი დაბლოკვის ამბავი, როცა გავიგე, რომ რეჟისორი დოია. იმედია, შენ მაინც გითხრა შენმა უახლოესმა მეგობარმა, ვინ დატოვა თბილისობის მიუზიკლი, თითქმის ერთადერთი მიუზიკლის შემსრულებლის გარეშე“.

ნანუკა დასძენს: „იმედია სოფოსაც დაუდგამენ საკომპესაციო სპექტაკლს, წარმოდგენას თეატრში. ვიყიდი ბილეთს, ისევე როგორც ვიყიდე ნატო მეტონიძეზე და აუცილებლად ვნახავ“.

დათო დოიაშვილმა უკვე გააკეთა კომენტარი „ფორტუნასთან“ ამ თემასთან დაკავშირებით. Fortuna.ge-ს კითხვაზე, ელოდება თუ არა კრიტიკას, განსაკუთრებით, იმ მომღერლებისგან, რომლებიც კონცერტზე არ მიიწვიეს, რეჟისორმა უპასუხა:

„აუცილებლად იქნება ახლაც. შეუძლებელია იმხელა კონცერტის მოწყობა, რომ ყველა მომღერალმა მიიღოს მონაწილეობა, მაშინ დილიდან საღამომდე უნდა გაგრძელდეს გაუჩერებლად. ვიღაცას გული ყოველთვის დასწყდება…“

LEAVE A REPLY

Please enter your comment!
Please enter your name here