ნანუკა ჟორჟოლიანსა და მის უმცროს ვაჟს, საბა კოდუას, „ფორტუნას“ ექსკლუზიური ინტერვიუსა და ფოტოსესიისთვის „ამბასადორში“ შევხვდით. საბა ძალიან კომუნიკაბელური და მხიარული ბიჭი აღმოჩნდა, გვესაუბრა, რა პროფესიის არჩევა სურს და რატომ, ცნობილ დედიკოზეც არ მოერიდა ლაპარაკს და იმაზეც, რატომ არ უნდა, რომ ნანუკა კიდევ გათხოვდეს და შვილი ჰყავდეს… თავად ძალიან უნდა პოპულარობა და ძალიან მოსწონს, რომ მის დედიკოს ყველგან ცნობენ და უღიმიან… დედა-შვილის ძალიან სახალისო და ორიგინალურ პასუხებს ჩვენს კითხვებზე თქვენც დიდი ინტერესით წაიკითხავთ.
ნანუკა, როგორც გავიგეთ, საბას ძალიან უნდა პოპულარობა…
ნანუკა:
(იღიმის) მეც ახლა გავიგე, აქ რომ მოვდიოდით, ავუხსენი, რომ ჟურნალისტები გადასაღებად გვეპატიჟებოდნენ და ვკითხე, თუ ექნებოდა წამოსვლის სურვილი. როცა მკითხა, პოპულარული გავხდებიო და ვუპასუხე, კი-მეთქი, გაუხარდა და დამთანხმდა… განსხვავებით ჩემი უმცროსი შვილისგან, რომელიც ყველაფერ მსგავსს ძალიან ერიდება და არ უნდა…
მარიამს, როგორც ვიცი, თქვენგან განსხვავებული ხასიათი აქვს…
ჩემგანაც და საბასგანაც. მას არ უყვარს საზოგადოების ყურადღების ცენტრში ყოფნა, გაურბის ყველა ინტერვიუს და გამოჩენას, სურს, თავისი ცხოვრება ჰქონდეს და არ იცნობდნენ, როგორც ნანუკა ჟორჟოლიანის შვილს. ვფიქრობ, ეს ძალიან კარგი ამბიციაა. საბა ჯერ ნანუკა ჟორჟოლიანის შვილის ასაკშია (იღიმის).
საბა, მოგწონს დედიკოს პოპულარობა?
ძალიან მომწონს. ყველგან ვგრძნობ, რომ პოპულარულია. ვრცლად (ფოტოსესია)