ნანუკა ჟორჟოლიანი გიორგი სიგუას ისევ უპირისპირდება: „ეყოს ის დაფინანსება, რასაც ხელისუფლებისგან იღებდა…“

ნანუკა ჟორჟოლიანი გიორგი სიგუას ისევ უპირისპირდება: „ეყოს ის დაფინანსება, რასაც ხელისუფლებისგან იღებდა…“

ახლახან ცნობილი გახდა, რომ გიორგი სიგუას „ჯემ ფესტის“ ჩასატარებლად სახელმწიფომ მიწა აღარ მისცა. ღონისძიების ორგანიზატორმა სახელმწიფოს მიწის დასაქირავებლად მას შემდეგ მიმართა, რაც ელექტრონული მუსიკალური ფესტივალის ბილეთების გაყიდვა უკვე დაწყებული ჰქონდა. წელს სახელმწიფომ ანაკლიაში მუსიკალური ღონისძიების გამართვა „ბლექ სი არენას“ გუნდს დაავალა, რომელსაც ანი კავლელიშვილი ხელმძღვანელობს.

ამ თემაზე „რუსთავი 2“-ის ეთერში გასული სიუჟეტი ნიკა გვარამიამ გააზიარა და აღნიშნა, რომ „ბიუჯეტისთვის უფასო, უკვე გამოცდილი ადამიანების მიერ უკვე რეპუტაციის მქონე ღონისძიებას უარს ეუბნებიან და იმავე რიცხვებში, იმავე ლოკაციაზე, მილიონებიან გაურკვეველ ღონისძიებას გეგმავენ…“

გვარამიას მიერ გაზიარებულ ამ მოსაზრებას გამოეხმაურა ნანუკა ჟორჟოლიანი, რომელმაც სიგუას მიერ გაკეთებული „ჯემ ფესტი“ წინა წელსაც გააკრიტიკა, რის გამოც გიორგიმ ის შამპანურით გაწუწა…

როგორც ჩანს, მიუხედავად იმისა, რომ ამ ინციდენტის შემდეგ, შერიგების ნიშნად, ნანუკამ და გიორგიმ ერთობლივი ფოტო გადაიღეს, ტელეწამყვანი სიგუას ორგანიზატორულ ნიჭზე ზუსტად იმავე აზრისაა.

ნანუკა ჟორჟოლიანმა აღნიშნა:

„თუ გიორგი სიგუას ეუბნებიან უარს, ძალიანაც კარგი. ეყოს ის დაფინანსება, რასაც ხელისუფლებისგან იღებდა და არამხოლოდ დაფინანსებას. ვინც ყოფილა ბოლოს მის მიერ მოწყობილ ფესტივალზე, ზუსტად იცის, რა ჭაობადაც გადააქციეს მზის გული ანაკლია“.

ნანუკას ამ კომენტარს გიორგი სიგუა გამოეხმაურა და დაწერა, რომ როგორც ჩანს, ნანუკამ შამპანური ვერ მოინელა…

ამ დისკუსიაში ასევე ჩაერთო კიდევ ერთი „ფეისბუქ“-მომხმარებელი, ილო ნიკოლაშვილი, რომელმაც დაწერა, რომ სიგუამ შუბლის ძარღვი მაშინ გაიწყვიტა, როცა გამოაცხადა, რომ თუკი სახელმწიფო მას მიწას ანაკლიაში არ მისცემდა, „ჯემ ფესტს“ აფხაზეთში ჩაატარებდა. ილო ნიკოლაშვილი წერს: „არც შუბლის ძარღვი ჰქონია ოდესმე და არც ეროვნული ინტერესები ყოფილა მისთვის წითელი ხაზი. ლოკაციის მოძებნა ოკუპირებულ აფხაზეთში არ გაუჭირდება. თვითონ იმუქრებოდა, იქ ჩავატარებ ჯემ ფესტსო.

დიდი ამბავი, თუ იქ ეთნოწმენდა მოაწყვეს, დიდი ამბავი, თუ 500 ათასი ადამიანი გამოყარეს და ათიათასობით მოკლეს. გიორგი სიგუა პირობას დააყენებს, თუ მიწას არ მომცემთ, აფხაზეთში ჩავატარებო!!! ❤❤❤❤

ოკუპაციის კანონიც არ კიდია? ფსოუდან საქართველოში კანონის დარღვევით შემოსულ რუსებს გაართობს. ❤❤❤

კიდე კარგად უდგას ამ ქვეყანას სული.“

„ჯემ ფესტის“ ორგანიზატორი ამ შეფასებას ჯერჯერობით არ გამოხმაურებია. ზოგადად კი, გიორგი სიგუამ აღნიშნა:

„4 წელია იქ ვქმნით, ვაკეთებთ, ვაშენებთ. ჯემ ფესტი კერძო ინვესტიციით შეიქმნა და მავანი მერე მიგვეტმასნა, რაც დაინახა, კარგად საპიარო თემა იყო. რომ დავინახეთ, ამათი ნდობა და საქმის დაჭერა არ შეიძლებოდა. მოკრძალებით ვუთხარით: ბიძიებო, არაფერი გვინდა თქვენი, 9-12 აგვისტოს ვატარებთ ფესტივალს (სრულად ჩვენი რესურსებით), ერთადერთი, რასაც გთხოვ , მომაქირავე ოთხი (!!!) დღით მიწის ნაკვეთი და მე 30.000 ტურისტი მომყავს ანაკლიაში და განმუხურში, მომყავს მსოფლიო ვარსკვლავები და მომყავს მსოფლიო პრესა. არა!!! არ მოგცემთ მიწას, იმიტომ რომ ანაკლია ფესტივალის გარეშე არ დარჩესო (ვერ არის ხომ ვიღაც), ჩვენ ალტერნატიული უნდა ჩავატაროთო…“

სიახლეები/

|

April 10, 2018 / 1:24 pm

TOP სიახლეები

როკის ცოცხალი ლეგენდის ლეგენდარული კონცერტი – რობერტ პლანტმა ჯაზფესტივალის გახსნის დღე დაუვიწყარი გახადა

19 ივლისი, „ბლექ სი არენას” უზარმაზარი ეზო, მდელოებზე შეფენილი წყვილები, მეგობრები, ასევე წყვილად თუ ჯგუფად, მათ შორის ყველა ასაკის ადამიანი, დიდი თუ პატარა, ზოგმა მისი მოსმენა შვიდი წლის ასაკიდან დაიწყო, ზოგისთვის ახალგაზრდობის საუკეთესო მოგონებაა… მოკლედ, ყველას, ვინც 19 ივლისს, არენის ეზოშია შეკრებილი, თავისი მიზეზი აქვს და რასაკვირველია, მთავარი მუსიკის სიყვარულია, იმ მუსიკის, რომელიც ჯგუფმა “ლედ […]

რომელი კერძი გასინჯა რობერტ პლანტმა ბათუმში

გუშინ ბათუმში ლეგენდარული “ლედ ზეპელინის” სოლისტი, რობერტ პლანტი თავის ჯგუფთან ერთად ჩაფრინდა. მუსიკოსები სასტუმროში დაბინავდნენ. დღეს კი პლანტმა ბათუმში გასეირნება და სადილობა “კაფე გარდენში” გადაწყვიტა. როგორც გვითხრეს, მუსიკოსმა ქოთნის ლობიო დააგემოვნა და ძალიან მოეწონა. შეგახსენებთ, რომ დღეს რობერტ პლანტის კონცერტით, რომელიც “ბლექ სი არენაზე” გაიმართება, ბათუმის შავი ზღვის ჯაზფესტივალი გაიხსნება. (ფოტოები)

კინო ჟესტებით – ყრუ და სმენადაქვეითებული საზოგადოებისთვის ნანა ჯანელიძის ფილმის ჩვენება გაიმართება

23 ივლისს, 20:30 საათზე, თბილისში, “მზიურის” ტერიტორიაზე გაიმართება ნანა ჯანელიძის ფილმის: „ნეტავ, იქ თეატრი არის?!” ჩვენება. ფილმი ადაპტირებულია ყრუ და სმენადაქვეითებული საზოგადოებისთვის. ფილმის ჩვენების შემდეგ მოეწყობა დისკუსია რომელსაც ფილმის რეჟისორი – ნანა ჯანელიძე და მთავარი როლის შემსრულებელი, ლეგენდარული ქართველი მსახიობი – კახი კავსაძე დაესწრებიან. “კინო ჟესტებით” ახალგაზრდა ხელოვანთა საერთაშორისო გაერთიანების პროექტია, რომელიც ეროვნული კინოცენტრის, საქართველოს […]

Facebook

რეკლამა

[bsa_pro_ad_space id=1]

მსგავსი სიახლეები

ნანუკა ჟორჟოლიანი „რუსთავი 2“-ის ყოფილი პროდიუსერების შესახებ: „ძალიან გამიხარდა ეს ამბავი…“

„რუსთავი 2“-ის ყოფილი პროდიუსერების, დემნა ჯაფარიძესა და გიორგი ხაბურზანიას „იმედმა“ კონტრაქტი აღარ გაუგრძელა. ისინი „რუსთავი 2“-ის კონკურენტ არხზე თავიანთი პროექტებით, „ნიჭიერითა“ და „იქს ფაქტორით“ გასული წლის ივლისში გადავიდნენ. არასაკმარისი რეიტინგის გამო ტელეარხმა ერთი წლის თავზე მათ კონტრაქტი აღარ გაუგრძელა. არსებული ინფორმაციით, პროდიუსერები აპირებენ, „ნიჭიერი“ მაინც შესთავაზონ „იმედს“, თუმცა არც ჯაფარიძე და არც ხაბურზანია საქართველოში არ […]

მაკა ჩიჩუა პირად ცხოვრებაზე: „ჩვენს სიყვარულს ძალიან ვუფრთხილდებით…“

საქართველოს პირველმა ლედიმ, მაკა ჩიჩუამ ნანუკა ჟორჟოლიანთან საინტერესოდ ისაუბრა თავისი პირადი ცხოვრების შესახებ. მაკა ჩიჩუა: ეს ძალიან ისეთი გრძნობაა, რომელიც კიდევ კარგი, რომ მაქვს და არ მთავრდება. პირიქით, გაღრმავდა და გახდა მრავალფეროვანი. ადრე თუ იყო პირველადი, როგორც ხდება ხოლმე, საფეხურებად, მერე კიდევ სხვა საფეხურები მოიტანა. მერე თემო გაჩნდა, რომელმაც სხვა ეტაპზე გადაგვიყვანა, შემოვიდა  თომა ჩვენს […]

ნანუკა ჟორჟოლიანი: „ევროპაში ვეწევით გარეთ, მაგრამ ჩვენივე ქვეყანაში ამ წესს ვაპროტესტებთ…“

ნანუკა ჟორჟოლიანი სიგარეტის საჯარო ადგილებშ მოწევის აკრძალვას ეხმაურება და მისი დადებითი მხარეების შესახებ საუბრობს. ტელეწამყვანი აღნიშნავს, რომ უკვირს, რატომ ვაპროტესტებთ ჩვენს ქვეყანაში იმ წესის შემოღებას, რომელსაც ევროპაში ჩასულები უსიტყვოდ ვემორჩილებით… ნანუკა წერს: „ევროპაში ვერ, ან ძალიან რთულად ნახავთ ადგილს, სადაც მოწევა შეიძლება. ქუთაისიდან, თუ თბილისიდან მილანებში (დოჩის ხმით) ჩაფრენილები წესებს ვემორჩილებით, ვეწევით გარეთ, მაგრამ ჩვენივე […]

გახდომის ოქროს წესები ნანუკა ჟორჟოლიანისგან

ნანუკა ჟორჟოლიანი ბოლო პერიოდში ძალიან გახდა და კარგ ფორმაშია. ტელეწამყვანი საკუთარ გამოცდილებას ამ კუთხით უზიარებს მათ, ვისთვისაც მისი რეკომენდაცია შესაძლოა, საინტერესო იყოს. ნანუკა წერს: „მოგესალმებით, მეგობრებო:) დიდი ხანია თქვენთან არ მიჭორავია და თემა, რომელზეც მინდა გესაუბროთ, ჩვენივე შესაძლებლობებია. დასტურად ფოტოსაც დავურთავ ნაამბობს. ჩემი არაჯანსაღი ცხოვრება იწყებოდა სიგარეტით და ყავით, გრძელდებოდა შემწვარ-მოხრაკული საჭმლით, გიჟური რეჟიმით და […]

გიორგი სიგუა „ჯემ ფესტის“ აფხაზეთში ჩატარებას არ გამორიცხავს

„ჯემ ფესტის“ ორგანიზატორი, გიორგი სიგუა ღონისძიებასთან დაკავშირებით ყველაზე ხშირად დასმულ შეკითხვებს საკუთარი სოციალური ქსელის საშუალებით ეხმიანება და აღნიშნავს, რომ თუკი სახელმწიფო ანაკლიაში იჯარით ტერიტორიას არ მისცემს, ის „ჯემ ფესტს“ აფხაზეთში ჩაატარებს. როგორ აპირებს ამ იდეის განხორციელებას ან აქვს თუ არა მოლაპარაკებები ამ თემაზე, უცნობი რჩება, თუმცა სიგუა წერს: „რამდენიმე კითხვაზე პასუხი რასაც ამ ბოლო დროს […]

რეკლამა