სამტრედია-ქუთაისის შემოვლით გზაზე დაშავებული გიორგი ლომინაძე თურქეთში იმყოფება. ოთხთვიანი რეაბილიტაციის შემდეგ, ექიმების მეთვალყურეობის ქვეშ, ის პირველად დადგა ფეხზე. გიორგი ლომინაძეს ავარიის შედეგად ფეხები დაუზიანდა, იყო საშიშროება რომ ერთი ფეხი დამოკლებოდა. თურქეთის კლინიკაში გადაღებული ფოტო, სოციალურ ქსელში გავრცელდა, სათაურით “ლომის პირველი ნაბიჯები”. ქართველ მორაგბეს იმედი აქვს, რომ თამაშს დაუბრუნდება.
