მარინა ჯანაშიამ ორი წლის განმავლობაში 14 ოპერაცია გაუკეთეს – მსახიობი რთულ დღეებზე (ვიდეო)

მარინა ჯანაშიამ ორი წლის განმავლობაში 14 ოპერაცია გაუკეთეს – მსახიობი რთულ დღეებზე (ვიდეო)

ცნობილი მსახიობი მარინა ჯანაშია, რომელმაც კიბოს დიაგნოზი დაამარცხა, „იმედის დღის“ სტუმარი გახლდათ და პირველად ისაუბრა იმ განცდების შესახებ, როდესაც გადატანილი ავადმყოფობის შემდეგ, სცენაზე პირველად დადგა.

„საკმაოდ სუსტად ვგრძნობდი თავს თბილისში და ვამბობდი, წამიყვანეთ ჩემს დედულეთში, სხვიტორში-მეთქი. ახლაც რატომღაც ამოჩემებული მქონდა, წამიყვანეთ სხვიტორში, რადგან იქ აუცილებლად კარგად გავხდები-მეთქი. როგორც სკარლეტ ო’ჰარასთვის არის ტარა, ეტყობა, ჩემთვის სხვიტორი იგივეა… თითქმის ბოლო დღემდე მომვლელი ქალი დამყვებოდა უკან, მივლიდა, მაჭმევდა, მაბანავებდა… როგორც კი სოფელში ჩავედი, პირველ დღეს გამომყვნენ და ყველას ძალიან მკაცრად გავხედე, რომ ეს არ იყო საჭირო. ამის შემდეგ დაიწყო ჩემი დამოუკიდებელი ცხოვრება, თამამი სიარული ჩვენს ეზოში, ქუჩაშიც გავბედე გასვლა… მოხდა ის, რომ სწორედ ამ დროს დამირეკეს თეატრიდან და მითხრეს, 5 ოქტომბერს დანიშნულია სპექტაკლი და თუ ითამაშებო? პირდაპირ დავთანხმდი, მაგრამ მერე დავფიქრდი, შემწევდა თუ არა ამის ძალა.

ბევრი რომ აღარ გავაგრძელო, გვქონდა ერთი სამაგიდო რეპეტიცია, შემდეგ გამოგვიყვეს დრო სცენაზე სწორედ იმ დღეს, როცა სპექტაკლი უნდა გვეთამაშა. ჩემი საყვარელი ადამიანები, გოჩა კაპანაძე, მანანა გამცემლიძე და მარინა კახიანი სულ უკან დამყვებოდნენ და მეხვეწებოდნენ, ახლა არ გაინძრე,  ახლა ზედმეტი მოძრაობა არ გააკეთოო, შპაგატზე ხომ ზედმეტი იყო ლაპარაკი, მაგრამ ეტყობა, სხეულსაც აქვს თავისი მეხსიერება. როცა სპექტაკლი დაიწყო, კუდში ვერავინ გამომყვებოდა, როდესაც შპაგატის დრო დადგა, მართლა არ ვაპირებდი არაფრის გაკეთებას. ერთადერთი ადამიანი იყო მარინა კახიანი, თხემით ტერფამდე მსახიობი და არაჩვეულებრივი ადამიანია, მიხვდა, რომ შპაგატში ჩავჯდებოდი და დამითმო ადგილი… ვფიქრობდი, ღმერთო, ამას ხომ არ უნდა ვაკეთებდე-მეთქი… მაყურებელმა გმირობად ჩამითვალა…“, აღნიშნა მსახიობმა. სრულად + ვიდეო

 

სიახლეები/

|

October 9, 2017 / 5:35 pm

საკვანძო სიტყვები

TOP სიახლეები

ია ფარულავა ძველ სლოგანს იხსენებს: „ვისაც რისი *რაკი გვაქვს ის გვაცვია“

მსახიობი, ია ფარულავა კვლავ არ ერიდება თამამი განცხადებების გაკეთებას და სოციალური ქსელის მეშვეობით იმ ადამიანებს ეხმაურება, რომლებიც მის მიმართ ჩაცმულობის გამო კრიტიკულები არიან. მსახიობი აღნიშნავს, რომ საზოგადოების ნაწილი მას ჭკუას არიგებს: „ჭკუას მარიგებენ – ამდენი ყვავილები სამოსზე ამდენი გუჩი და დოლჩე არ გინდა ტეხავს-ო ვინ გეკითხებათ ნეტა? ალბათ, დაგავიწყდათ ჩემი ძველი სლოგანი – ვისაც რისი […]

ანი გიუნტერი გერმანიაში მცხოვრებ ქართველებს აკრიტიკებს: „პასუხობენ, რომ რუსეთიდან არიან!..“

ანი გიუნტერი გერმანიაში ყოფნისას ერთ უსიამოვნო „ტრადიციას“ გადაეყარა, რომელსაც იქ მცხოვრები ქართველების ნაწილი მისდევს. როგორც ტელეწამყვანი წერს, მათ ურჩევნიათ კითხვაზე, „საიდან ხართ“, უპასუხონ – „რუსეთიდან“, რადგან ასე უფრო უადვილდებათ ახსნა გერმანელებისთვის. ანი წერს: „სანამ ჩვენ აქ რუსებს სტუმართმოყვარე ქვეყანაში შუბლში ვახლით პროტესტს, ბევრი გერმანიაში მცხოვრები ქართველი ტრადიციულ შეკითხვაზე: “ვერ არ იუ ფრომ” გერმანელებს სიამაყით პასუხობს […]

თიკა ჯამბურიამ საკუთარი სიმღერის ახალი ვერსია ჩაწერა (აუდიო)

თიკა ჯამბურიამ ჯემალ სეფიაშვილის სიმღერის, „გავუსწროთ დროს“, რომელსაც პატარაობისას უცნობთან ერთად ასრულებდა, ახალი ვერსია ჩაწერა. ვერსიის ავტორი მუსიკოსი და მომღერალი, სოფო ტოროშელიძე გახლავთ. თიკამ ახალი კომპოზიცია „იუთუბზე“ ატვირთა და შემდეგ სოციალურ ქსელში გააზიარა. მან სტატუსში ყველა მონაწილეოს მადლობა გადაუხადა: „გავუსწროთ დროს… ეს სიმღერა ვიცი, რომ ყველას ძალიან გიყვარდათ და დღემდე უსმენთ, ამიტომ გადავწყვიტეთ, ამ სიმღერის […]

Facebook

რეკლამა

რეკლამა