მარიკო ლეჟავა საკუთარი ბენდის წევრებმა მოატყუეს – „ეს შეურაცხმყოფელი მიდგომაა…“

მარიკო ლეჟავა საკუთარი ბენდის წევრებმა მოატყუეს – „ეს შეურაცხმყოფელი მიდგომაა…“

მარიკო ლეჟავას „მელოგრანოში“ შევხვდით. მომღერალს სიახლეები აქვს. ახალხან მისი ბენდი დაიშალა, უფრო სწორად, „ნონსტოპთან“ თანამშრომლობა საკუთარი სურვილით გაწყვიტა, რადგან მათი საქციელი არ მოეწონა, როცა სხვა სოლისტთან მასთან შეუთანხმებლად გადაწყვიტეს თანამშრომლობა.

მარიკო, სიმღერას აქტიურად უბრუნდება, გარკვეული პერიოდის წინ ჯანმრთელობის პრობლემის გამო ამ სფეროში მუშაობას ვერ ახერხებდა, თუმცა ახლა ახალი ბენდთან მუშაობაზე მოლაპარაკაბებს აწარმოებს და რაც მთავარია, ახალი საქმეც გაიჩინა, საკუთარი ბრენდი ჩამოაყალიბა და შექმნილ ჩანთებს ინტერნეტის საშუალებით ყიდის.

რამ გამოიწვია შენი ბენდის დაშლა?

მარიკო ლეჟავა:

ჩემი ბენდთან თანამშრომლობის პერიოდი ნახევარ წელიწადს გაგრძელდა. მქონდა ჯანმრთელობის პრობლემა, აღმომაჩნდა კისტა ხმის იოგზე, რაც ძალიან საშიში იყო – 50/50-ზე იყო, გავაგრძელებდი თუ არა სიმღერას. ოპერაცია, საბედნიეროდ არ დამჭირდა, რადგან თვითონ გამიქრა, ექიმების გასაოცრად. ძალიან დიდი ხანი აღარ ვმღეროდი, შესაბამისად, ყელს დატვირთვაც აღარ ჰქონდა, მაგრამ კისტა თუ გაქრებოდა, ექიმებს არ ეგონათ. ძალიან გამიმართლა. სწორედ ამის შემდეგ დავიწყე თანამშრომლობა ბენდთან „ნონსტოპი“, ერთად შევიკრიბეთ. ძალიან სასიამოვნო პერიოდი გავატარეთ ერთად, მაგრამ ბოლოს მოხდა ისეთი უსიამოვნო ფაქტი, რამაც მაფიქრებინა, რომ მათთან კომფორტულად ვეღარ ვიქნებოდი და მერჩივნა, ურთიერთობა შემეწყვიტა.

უფრო ვრცლად შეგიძლია მოგვიყვე?

ბევრს მოვუყევი, რადგან ისე აღვშფოთდი და იმდენად არ ველოდებოდი მათგან, რომ ძალიან გაოცებული დავრჩი. ახალი წლის პერიოდში გვქონდა დაგეგმილი ივენთები, კონცერტები. მცირე პაუზა გამოგვიჩნდა, რამდენიმედღიანი. ჩემმა მეგობარმა, სხვა ბენდის წევრმა, გამომიგზავნა ფოტო, სადაც ჩემი ბენდის წევრები სხვა, ძალიან ცნობილ მომღერალთან ერთად გამოდიოდნენ. ეს, რა თქმა უნდა, არანაირი პრობლემა არ იქნებოდა, მე რომ მცოდნოდა და გავეფრთხილებინე. ჩემი ბენდის ოთხივე წევრი, ყველა მათგანი იქ იყო. ერთი ან ორი რომ ყოფილიყო, ეჭვი არ შემეპარებოდა, მაგრამ ოთხივე იქ აღმოჩნდა, თან, მანამდე ფოტოსესიაშიც მიუღიათ მონაწილეობა. ერთ-ერთ მათგანს დავურეკე და ვკითხე, რა ხდებოდა, მიპასუხა, რატომ უნდა გვეთქვა, ეს ხომ არ იყო მრავალჯერადი პროექტიო. ეს შეურაცხმყოფელი მიდგომაა, მე არ შემიძლია, ასე არაფრად ჩავაგდო ადამიანი, რომელიც ჩემი გუნდის წევრია და ჩემი ახლობელია. ყოველ შემთხვევაში, მე ასე მივიჩნევდი, რომ მათი ახლობელი ვიყავი, რადგან ძალიან კარგი ურთიერთობა გვქონდა. ურთიერთობა ახლაც კარგი გვაქვს, მე მათ არ ვმტრობ, მაგრამ მათი პროფესიონალიზმის დონემ, ჩემი გადმოსახედიდან, ძალიან დაიწია. გადავწყვიტე, დავრჩენილიყავით მეგობრებთან, თუმცა შეგვეწყვიტა მუსიკალური და სამსახურებრივი ურთიერთობა.

(ვრცლად/ფოტოები)

სიახლეები/

|

March 1, 2018 / 12:56 pm

საკვანძო სიტყვები

TOP სიახლეები

სალომე ზურაბიშვილის საუკეთესო „ლუქები“ (ფოტოგალერეა)

სალომე ზურაბიშვილი – დამოუკიდებელი საპრეზიდენტო კანდიდატი, რომელაც „ქართული ოცნება“ უჭერს მხარს, ბოლო დროის ერთ-ერთი ყველაზე აქტუალური პერსონაა ქართულ პოლიტიკაში და სოციალურ ქსელებში მისი ხსენების სიხშირე ასჯერ აღემატება სხვა კანდიდატებისას. ბოლო პერიოდში ის საკუთარი გამონათქვამების გამო არაერთხელ გაეხვა სკანდალში და საზოგადოების ნაწილის რისხვაც დაიმსახურა. მას ქართულს უწუნებენ და ასევე დამოკიდებულებას ჟურნალისტების მიმართ, რომლებსაც „ტვინების განძრევისკენ“ მოუწოდა, […]

„თეატრალურის კვარტეტის“ ოთო კოვზირიძე ბედს „მხოლოდ ქართულში“ ცდის

პოპულარული ანსამბლის, „თეატრალურის კვარტეტის“ წევრი, ოთო კოვზირიძე ბედს „მხოლოდ ქართულში“ ცდის. მისი ფოტო პროექტის ოფიციალურ „ფეისბუქ“-გვერდზე დევს. იქვეა გამოქვეყნებული პატარა ინტერვიუ, საიდანაც ირკვევა, რომ პოპულარული ჯგუფის წევრმა სოლომომღერლად ბედის ცდა სწორედ „მხოლოდ ქართულში“ გადაწყვიტა. გთავაზობთ ბლიცს ოთოსთან. საყვარელი მომღერალი – გოგი დოლიძე. სიამოვნებით ვიმღერებდი – ხმალი ავლესოთ ქართველებო. არასდროს ვიმღერებდი – არ არსებობს ასეთი სიმღერა. ათეულის წევრი რომ გავხდე – გამიხარდება. ჩემთვის სოლო მომღერლის როლის […]

ქეთი მელუა თბილისური კონცერტის შემდეგ – „ეს მართლა მოხდა?!.“

ქეთი მელუამ „თბილისის ცის ქვეშ“ – პროექტის ფარგლებში კონცერტი ევროპის მოედანზე გამართა. 16 სექტემბერს, როდესაც ის ბენდთან ერთად სცენაზე იდგა, მომღერალის დაბადების დღეც გახლდათ, რომელსაც სამშობლოში შეხვდა. სცენიდან ქეთის დაბადების დღე მიულოცეს, რამაც, როგორც ჩანს, მომღერალს გული აუჩუყა. მან სოციალურ ქსელში მილოცვის სიმღერის ვიდეო გამოაქვეყნა და დაწერა: „ეს მართლა მოხდა?! თბილისო, შენ იცი, როგორ უნდა […]

Facebook

რეკლამა

მსგავსი სიახლეები

მარიკო ლეჟავა სადებიუტო ალბომის გამოცემას აპირებს

ჩვენს ქვეყანაში უკვე მომრავლდა იმ ნიჭიერი მომღერლების რაოდენობა, რომლებიც სახლში ჯდომას უკუაგდებენ და ალბომის ჩაწერისაკენ მიისწრაფიან. სწორედ მათ რიცხვს მიეკუთვენება “საქართველოს ვარსკვლავის“ ფინალისტი მარიკო ლეჟავა.

მარიკო ლეჟავამ ახალი სიმღერა გამოუშვა

“ქართული შოუბიზნესი მკვდარია“ - ამ ფრაზას მნიშვენელობას უკვე ბევრი ქართველი მომღერალი აკარგინებს. მორიგი სიმღერა, სახელწოდებით “Fly“, “საქართველოს ვარსკვლავის“ ფინალისტმა, მომღერალმა, მარიკო ლეჟავამ გამოუშვა.

რეკლამა