მარიამ ჯაშის ტრაგიკული სიყვარულის ისტორია – ქართული პოლიტიკის ახალი სახე

მარიამ ჯაშის ტრაგიკული სიყვარულის ისტორია – ქართული პოლიტიკის ახალი სახე

ქართული პოლიტიკის ახალი სახე, პარლამენტის მეცნიერებისა და განათლების კომიტეტის თავმჯდომარეობის კანდიდატი, მარიამ ჯაში მდიდარი პროფესიული ბიოგრაფიის მქონეა, რაც როგორც ამბობს, მისი მეუღლის, დავით გოდერძიშვილის დამსახურებაა, რომელიც 12 წლის წინ ტრაგიკულად დაიღუპა.

როგორც მარიამ ჯაშმა ჟურნალ „სარკესთან“ საუბრისას აღნიშნა, ოჯახი ადრეულ ასაკში შექმნა.

„18 წლის ვიყავი, როცა დავქორწინდით და იმ პერიოდში ეს არაორდინალური საქციელი არ იყო. ჩემი ქალიშვილი დეა, 19 წლისაა და მისი თაობისთვის მთავარი პრიორიტეტი დამოუკიდებლად პროფესიული წარმატების მიღწევაა. მხოლოდ ამის შემდეგ ფიქრობენ ოჯახის შექმნაზე. ერთი მხრივ, ძალიან მომწონს ეს მიდგომა, მაგრამ ვფიქრობ, რომ პირადი ცხოვრება ისეთი რამაა, თავად მოაქვს ყველაფერი და ვერ განსაზღვრავ, რას გააკეთებ.

მიუხედავად იმისა, რომ ადრეულ ასაკში მომიწია ოჯახის შექმნა, ძალიან გამიმართლა. მეუღლე პირველი დღიდან იყო ჩემი მხარდამჭერი, რამაც ჩემი პროფესიული წარმატება განაპირობა. რომ არ ყოფილიყო დათო, დაოჯახების შემდეგ, ასეთ მცირე ასაკში ნამდვილად ვერ მივაღწევდი იმას, რაც დღეს მაქვს. პრაქტიკულად, მან გამიხსნა გზა პროფესიული წარმატებისკენ. ნებისმიერი წარმატებული ქალის უკან, აუცილებლად დგას მზრუნველი მამაკაცი“, – აღნიშნავს მარიამ ჯაში.

პარლამენტის მეცნიერებისა და განათლების კომიტეტის თავმჯდომარეობის კანდიდატის თქმით, დაქორწინების გადაწყვეტილება, მომავალი მეუღლის გაცნობიდან ექვს თვეში მიიღო.

„დათო ჩემი უახლოესი მეგობრის ქორწილში გავიცანი. სწარაფად განვითარდა მოვლენები. ექვს თვეში დავქორწინდით. დათო 22-ის იყო, წარმოუდგენალად ძლიერი, პრინციპული, მუდმივად მზრუნველი. მასთან ერთად ჩემი ცხოვრება ყვავილებით სავსე იყო. სიურპრიზები უყვარდა, ძალიან ლამაზად შეეძლო რაიმეს შეფუთვა და მორთმევა. 10 წელი ვიყავით ერთად და ყოველი დღე საინტერესი იყო.

დათომ გარდაცვალების შემდეგ, ყოველმხრივ მომზადებული დამტოვა, თუ შევძელი ოჯახის გაძღოლაც და პროფესიული კარიერის გაგრძელებაც, მისი დამსახურებაა. ახლაც, როცა რამის გადაწყვეტა მინდა, ვფიქრობ, რას იზამდა დათო. მინდა, რაზეც ერთად ვოცნებოდით. ის ავიხდინო – ჩვენი შვილები განათლებულ, კარგ და რაც მთავარია, კეთილ ადამიანებად აღვზარდო“, – ამბობს ჯაში.

მისივე თქმით, მიუხედავად იმისა, რომ 28 წლის ასაკში დაქვრივდა, ოჯახის მეორედ შექმნაზე არ უფიქრია.

„პირველ წლებში, როცა ამ თემაზე მესაუბრებოდნენ, ჩემთვის მიუღებელი და შოკისმომგვრელი იყო. იმდენად ძლიერი და დიდი იყო ის სიყვარული, რომელიც მე და დათოს ცხოვრებამ გვაჩუქა, რომ რთული იყო, ამის შემდეგ რამეზე მეფიქრა.

ცხოვრების მადლიერი ვარ, რომ არაჩვეულებრივი ადამიანის გვერდით მომიწია ცხოვრება, ჩვენი სიყვარულის გაგრძელება კი ჩვენი ორი შვილია“, – აღნიშნავს მარიამ ჯაში.

 

სიახლეები/

|

November 18, 2016 / 2:38 pm

TOP სიახლეები

თბილისის მოდის კვირეულის შთამბეჭდავი გახსნა, რომელიც მედეა ჯაფარიძეს მიეძღვნა

თბილისის მოდის კვირეული 19 აპრილს შესანიშნავი ქართველი მსახიობის, მედეა ჯაფარიძის გახსენებით დაიწყო. საღამო, რომლის რეჟისორიც ბასა ფოცხიშვილი გახლათ, ნაციონალური სასახლის (ყოფილი პიონერთა სასახლის( თვალისმომჭრელად ლამაზ ეზოში გაიმართა. ბაფთებიანი გოგონები გრძელ კაბებში მედეა ჯაფარიძეს, როგორც სტილის კერპის ტიტულს ამართლებდნენ. შავ და თეთრ ფერებში გადაწყვეტილი სამოსი, სიმწვანე, ქართული სიმღერები, როგორც ტრადიციულად შესრულებული, ანთებული ფიალების თანხლებით, ასევე „ნიუტონის“ […]

ემინი 1-ელ ივნისს დიდ საკონცერტო დარბაზში ორკესტრთან ერთად წარდგება

რუსული ესტრადის ერთ-ერთი აქტიური წევრი, აზერბაიჯანელი მომღერალი ემინი, რომელიც არაერთ მუსიკალურ ჯილდოს ფლობს, საქართველოს საგასტროლო ტურნეს ფარგლებში ეწვევა, რომელსც „ბუმერანგი“ ჰქვია. დღესდღეობით ემინის ანგარიშზეა ცხრა ინგლისურენოვანი და რამდენიმე რუსულენოვანი ალბომი, მომღერალი თანამშრომლობს ისეთ ცნობილ კომპანიებთან, როგორებიცაა Warner Music da Sony ATV Music Publishing. ის დუეტებს ასრულებს „ა- სტუდიოსთან“, გრეგორი ლეფსთან, პოლინა გაგარინასთან, ლაიმა ვაიკულესთან… ემინის […]

ენიო მორიკონეს კონცერტის ბილეთის ფასი 60 ლარიდან დაიწყება

18 აპრილს, თბილისის სახელმწიფო ოპერის თეატრის შენობაში „ბლექ სი არენას“ სეზონის გახსნასთან დაკავშირებით პრესკონფერენცია გაიმართა, რომელსაც საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი, დიმიტრი ქუმსიშვილი, ტურიზმის ეროვნული ადმინისტრაციის ხელმძღვანელი გიორგი ჩოგოვაძე და „ბლექ სი არენას“ დირექტორი ანი კავლელიშვილი მონაწილეობდნენ. ცნობილი კომპოზიტორი და დირიჟორი, ენიო მორიკონე საქართველოს ესტუმრება. 2018 წლის 19 მაისს ის რომის სიმფონიურ […]

Facebook

რეკლამა

რეკლამა