Mano Le Tough 7 ოქტომბერს „სფეისჰოლს“ ეწვევა – DECODER-ის სერია გრძელდება

Mano Le Tough 7 ოქტომბერს „სფეისჰოლს“ ეწვევა – DECODER-ის სერია გრძელდება

მცირე ხნის წინ თბილისში ელექტრონული მუსიკისა და ციფრული ხელოვნების ფესტივალების სერია DECODER დაფუძნდა. 20-21 სექტემბერს მათი პირველი სტუმარი იყო ნიკოლას ჯაარი, ცნობილმა არტისტმა 20 სექტემბერს რუსთაველის თეატრის მცირე დარბაზში ამბიენტ-პროგრამა დაუკრა, 21-ში კი „სფეისჰოლში“ შეკრებილ მსმენელს ორსაათიანი განსხვავებული რეპერტუარი წარუდგინა, დარბაზში შეკრებილ რამდენიმე ათას ადამიანს ის ბისზეც გამოეცხადა.

მალევე DECODER-მა მეორე ღონისძიების ანონსიც დადო. ზოგადად, ფესტივალის კონცეფცია მუსიკალურის გარდა, ციფრული ხელოვნების დემონსტრირებასაც  ითვალისწინებს და ის თვეში ერთხელ ახალ ღონისძიებებს გამართავს, თუმცა ამ შემთხვევაში, გამონაკლისი დაუშვეს და ვინაიდან არტისტთან მოლაპარაკებები უკვე დასრულებული იყო, 7 ოქტომბერს თბილისს გერმანიაში მოღვაწე ირლანდიელი DJ და პროდიუსერი, Mano Le Tough ეწვევა. მასთან ერთად სცენას ადგილობრივი ელექტრონული მუსიკის სცენის წარმომადგენელი Tade დაიკავებს.

MANO LE TOUGH თანამედროვე ელექტრონული მუსიკის სცენის მნიშვნელოვანი და უნიკალური ჟღერადობის მქონე არტისტის – NIALL MANNION-ის სასცენო სახელია. 2012 წლიდან THE DRIFTER-სა და BAIKAL-თან ერთად მართავს ლეიბლს MAEVE, სადაც გამოიცემა ისეთი არტისტების რელიზები, როგორიცაა: MATTHEW DEKAY, RIPPERTON, DIXON.

BUZZING FLY და INTERNASJONAL-ზე გამოცემული წარმატებული EP-ბის შემდეგ, 2013 წელს MANO LE TOUGH-ს სადებიუტო ალბომი „CHANGING DAYS“ მიუხენში დაფუძნებულ PERMANENT VACATION-ზე გამოვიდა, რასაც კიდევ ერთი წარმატებული LP – TRAILS მოჰყვა. MANO LE TOUGH-ს მტკიცედ სწამს, რომ დიჯეინგი ხელოვნების ფორმაა. მისმა ეკლექტურობამ, მრავალმხრივმა შესაძლებლობებმა და საკუთარი თავის მუდმივმა გამოწვევამ ისეთი კლუბების რეგულარული სტუმარი გახადა, როგორიც არის: BERGHAIN / PANORAMA BAR, TROUW, ROBERT JOHNSON, OUTPUT და ა.შ.

TADE, პროდიუსერი და DJ მისი პირველი რელიზი 2012 წელს კანადურ ლეიბლ DASH DEEP RECORDS -ზე გამოვიდა, შემდეგ იყო UNDERYOURSKIN RECORDS-ზე გამოცემული კომპოზიციები, რომლებსაც დადებითი რეცენზიები მოჰყვა.

ონლაინ ბილეთების შეძენა შეგიძლიათ საიტზე www.spacehall.com. ფასები პირველ ეტაპზე 20 ლარია, შემდეგ 30 ლარი, იგივე თანხა იქნება ასევე ადგილზე ბილეთის შეძენის შემთხვევაში.

 

სიახლეები/

|

September 29, 2017 / 4:56 pm

საკვანძო სიტყვები

TOP სიახლეები

ნიკა გვარამია „საქართველოს ვარსკვლავს“ ჩინურ „მხოლოდ ქართულს“ უწოდებს – რას პასუხობს პროექტის წარმომადგენელი

ნიკა გვარამია „საქართველოს ვარსკვლავს“ აკრიტიკებს. მისი არხის ყოფილი მთავარი პროდიუსერების, დემნა ჯაფარიძისა და გიორგი ხაბურზანიას პროექტი, რომელიც ამჟამად „პირველ არხზე“ გადის და „ევროვიზიისთვის“ ქართველ კონკურსანტს არჩევს, გვარამიას აზრით, „მხოლოდ ქართულის“ ჩინური ვერსიაა. გთავაზობთ „რუსთავი 2“-ის გენერალური დირექტორის პოსტს ამ თემაზე: „მხოლოდ ქართული” made in China სირცხვილი და თავის მოჭრა. “საქართველოს ვარსკვლავი” კი არა, “მხოლოდ ფანდური” […]

ია ფარულავა ძველ სლოგანს იხსენებს: „ვისაც რისი *რაკი გვაქვს ის გვაცვია“

მსახიობი, ია ფარულავა კვლავ არ ერიდება თამამი განცხადებების გაკეთებას და სოციალური ქსელის მეშვეობით იმ ადამიანებს ეხმაურება, რომლებიც მის მიმართ ჩაცმულობის გამო კრიტიკულები არიან. მსახიობი აღნიშნავს, რომ საზოგადოების ნაწილი მას ჭკუას არიგებს: „ჭკუას მარიგებენ – ამდენი ყვავილები სამოსზე ამდენი გუჩი და დოლჩე არ გინდა ტეხავს-ო ვინ გეკითხებათ ნეტა? ალბათ, დაგავიწყდათ ჩემი ძველი სლოგანი – ვისაც რისი […]

ოთო ნემსაძე „დორსში“ 21 ტებერვალს კონცერტს გამართავს

ოთო ნემსაძე „დორსში“ კონცერტს მართავს. ღონისძიება 21 თებერვალს, საღამოს ათ საათზეა დაგეგმილი. კონცერტის წამყვანი ნანკა კალატოზიშვილი იქნება. ოთოს სცენაზე შეუერთდებიან მომღერლები და კოლეგები, ნოდიკო ტატიშვილი, სალომე ბაკურაძე, თიკა ამხალდიანი, გოგა მესხი, ზურა მოსიავა, მებო ნუცუბიძე. ოთო შეასრულებს სიმღერებს საკუთარი რეპერტუარიდან, ასევე მსოფლიო ჰიტებს. შეგახსენებთ, რომ ოთო ამჟამად „საქართველოს ვარსკვლავში“ მონაწილეობს და „ევროვიზიის“ საგზურისთვის იბრძვის. მუსიკალური […]

Facebook

რეკლამა

რეკლამა