მსახიობი თორნიკე გოგრიჭიანი პირად ცხოვრებაზე საუბრისგან ყოველთვის თავს იკავებს. ის “მძიმე კაცის“ სტუმარი იყო, სადაც მეუღლეზე, მსახიობ ნინო ქორიძეზეც ისაუბრა. წამყვანის კითხვაზე, ლამაზ ქალს სად უყურებ, მან შემდეგი პასუხი გასცა: “ლამაზი ქალი რამდენიმე წელია სახლში მყავს. ეს არის ჩემი ცოლი ნინო ქორიძე. რაც შეეხება იმას, რა მომწონს ყველაზე მეტად ქალში, ჩემი ცოლიდან გამომდინარე ვიტყვი, რომ ქალს ისეთ დროს შეუძლია ძალის მოცემა შენთვის, როცა პრობლემას დანებებული ხარ. არა ძალდატანებით, ინსტიქტურ დონეზე, ისე მოგცემს ძალას რომ ყველაფერი შეძლო“.