Kavkaz Jazz ფესტივალი წელს მერვედ გაიმართება – როგორია პროგრამა

Kavkaz Jazz ფესტივალი წელს მერვედ გაიმართება – როგორია პროგრამა

17 და 19 ივნისს მოძრაობის თეატრი კავკასიური ჯაზის მოყვარულთა თავშეყრის ადგილად იქცევა. ერთ სცენაზე მსმენელების წინაშე წარდგებიან შემსრულებლები აზერბაიჯანიდან, თურქეთიდან, საქართველოდან და სომხეთიდან.

Kavkaz Jazz ფესტივალი 2010 წლიდან ტარდება. ამ დროის განმავლობაში ფესტივალში მონაწილეობა მიიღო 100-ზე მეტმა მუსიკოსმა თერთმეტი ქვეყნიდან. პროექტის ორგანიზატორია ააიპ Art Bridge, წარმდგენია საქართველოს კულტურის და ძეგლთა დაცვის სამინისტრო, ხოლო მხარდამჭერი – ქ.თბილისის მერია. პარტნიოერები: საქართელოს ტურიზმის ეროვნული ადმინისტრაცია და იუნუს ემრეს ინსტიტუტი.

14 ივნისს დაიწყება მასტერკლასების სერია ახალგაზრდა ჯაზ-შემსრულებლებისათვის. მეცადინენობებს გაუძღვებიან ცნობილი მუსიკოსები და პედაგოგები სალმან გამბაროვი, შენთურქ ოზთაში, ჯორჯ მელ (გიორგი მელიქიშვილი) და არმენ უსნუნცი. მასტერკლასებს ტრადიციულად, თბილისის სახელმწიფო კონსერვატორია უმასპინძლებს.

17 ივნისს 20.00 საათზე მოძრაობის თეატრში ჩატარდება კონცერტი ქართული, სომხური და აზერბაიჯანული ბენდების მონაწილეობით.

19 ივნისს 20.00 საათზე მოძრაობის თეატრში გაიმართება დიდი დასკვნითი ჯემსეიშენი სლოგანით Jazz Up The Borders (გააჯაზე საზღვრები) ოთხივე ქვეყნის მუსიკოსების შესრულებით. ერთ სცენაზე გამოვლენ როგორც ფესტივალის სპეციალური სტუმრები, ასევე მასტერკლასების მონაწილეებიც. ჯემსეიშენს ცნობილი ქართველი მუსიკოსებიც შეუერთდებიან.

სალმან გამბაროვი (აზერბაიჯანი) – პიანისტი, კომპოზიტორი, არანჟირება. მონაწილეობდა ისეთ ცნობილ ფესტივალებში, როგორებიცაა Montreux Jazz Festival, GIFT, Oriental Jazz Fest, Zelt-Musik-Festival, Beethoven Festival. ამჟამად წარდგება მუსიკოსების საერთაშორისო ბენდთან.

შენთურქ ოზთაში (თურქეთი) – ბასისტი, კომპოზიტორი, არანჟირება. მრავალი საერთაშორისო ფესტივალის მონაწილე. ჯგუფი Songs From A Breeze დამფუძნებელი და სოლისტი.

ჯორჯ მელ (გიორგი მელიქიშვილი, საქართველო-აშშ) – დასარტყამი, პერკუსიონისტი, კომპოზიტორი, არანჟირება. როგორც გამოცემა New York City Jazz Record-მა უწოდა „ნიუ იორკის ჯაზის და მსოფლიო მუსიკის სცენის ვეტერანი“. წარჩინებით დაამთავრა პრესტიჟული Berklee College Of Music (აშშ).არის გამოჩენილი არტისტების მრავალი პროექტის მონაწილე და საავტორო პროექტების ლიდერი/კომპოზიტორი და არანჟირებების ავტორი.

არმენ უსნუნცი (სომხეთი) – საქსოფონისტი, კომპოზიტორი, დირიჟორი, სომხეთის დამსახურებული არტისტი. ჯგუფი Time Report დამფუძნებელი. წლების მანძილზეა არტო ტუნჯბოიაჯანის ლეგენდარული Armenian Navy Band სოლისტი. 2004-2006 წწ. იყო ერევნის სახელმწიფო კონსერვატორიის მოწვეული პროფესორი.

სიახლეები/

|

June 13, 2017 / 11:50 am

საკვანძო სიტყვები

TOP სიახლეები

ანუკი არეშიძის ახალი კოლექცია და ფასები – კაბები 1160 დოლარად ერთ-ერთ პრესტიჟულ საიტზე იყიდება

ანუკი არეშიძემ ახლახან „მერსედეს ბენცის თბილისის მოდის კვირეულზე“ ახალი კოლექცია წარადგინა, რომელმაც კრიტიკოსების მოწონება დაიმსახურა. ანუკის ახალმა კოლექციამ უკვე გადაინაცვლა ერთ-ერთ პრესტიჟულ მოდის საიტზე modaoperandi.com, სადაც აქამდეც იყიდებოდა ანუკის კოლექციიდან ნამუშევრები და და არცთუ დაბალ ფასად. ახალი კოლექციის ძირითადი ფერებია ოქროსფერი, ვერცხლისფერი, ცისფერი, ვარდისფერი – აქ არის როგორც კაბები, ასევე შარვლები, ზედები, ქვედაბოლოები, ქურთუკები, პიჯაკები. […]

ლაშა რამიშვილი საბავშვო „სლავიანსკი ბაზრის“ ჟიურის წევრად მიიწვიეს

„სლავიანსკი ბაზარი“ როგორც ბავშვებს, ისე დიდ კონკურსანტებს შორის რამდენიმე ათეული წელია, რაც მიმდინარეობს. ის ბელორუსში ტარდება და საკმაოდ ცნობილი მუსიკალური კონკურსია. 2010 წელს ქართველი მსახიობი, მომღერალი და რადიოწამყვანი, ლაშა რამიშვილი, ვიტებსკში ამ კონკურსის მონაწილე გახლდათ, მიიღო პირველი ადგილი და ვლადიმერ მულიავინის სახელობის პრემია. 2016 წელს, ფესტივალის 25 წლის იუბილეზე, საპატიო სტუმარი გახლდათ, ხოლო წელს ჟიურის […]

ანრი ჯოხაძე მოძალადე კაცებს: „შეეხეთ საკუთარ დედებს ასეთი პირუტყვების გაჩენისთვის…“

„პრაიმ შოუს“ მორიგი თემა ქალებზე ძალადობაა. გადაცემის ექვსივე წამყვანი, როგოც ახლახან გავრცელებული ანონსიდან ჩანს, მოუწოდებს მამაკაცებს, შეწყვიტონ ქალებზე ძალადობა და ქალბატონებს ურჩევენ, რომ თუკი მამაკაცმა ერთხელ ხელი დაარტყა, მისგან აუცილებლად წამოვიდნენ. როგორც ბოლო წლების არაერთმა გახმაურებულმა შემთხვევამ აჩვენა, ქალებზე ძალადობა საქართველოში ერთ-ერთი ყველაზე აქტუალური თემაა. ანონსში ანრი ჯოხაძეს შემდეგანირი რჩევა აქვს მოძალადე მამაკაცებისთვის: „სანამ ასეთ […]

Facebook

რეკლამა

რეკლამა